قصيدة : اهدى واسمعينى ........ بقلم شاعر العامية احمد هيكل

إهدي واسمعيني إهدي واسمعي
 
موش كل كلمه تقاطعيني ومني تزعلي
 
انا عايزك تاخدي راحتك وعليا ادلعي
 
ليه حافظه المشاكل وعماله تسمعي
 
وكل مانار الغيره تهدا بأديكي تولعي
 
خايف في مره تبعدي وتنسي تاني ترجعي
 
ولو رجعتي موش هتلاقيني مهما تبكي وتدمعي

قصيدة : يا كل من قال أه ........ بقلم الشاعر محمد علاء

يا كل من قال اه
لزما يصبح سكوت
المصري بيعمل
لو كل يوم بيموت

مفيش حد غيري
هيعمرك يا بلدي
دمي روحي فداكي
وعلمك منقوش علي جلدي

علموني بالرصاص
اني اكون سفاح
ما انتظمتش في تعليمي
فقتلوني في البراح

صرخت وقلت بلدي
هزييدها ميت مره
وانقش تاريخها ع الحيطان
يفتكروه لو حتي مره

الرصاص ما وصل من صرختي
اصل اتحاميت بتاريخ
كان بيعمل علي موتي
لكن نسي وجود التاريخ

زدني الزمان بالقوه
واداني علم وفير
بقيت ليهم انا فتوه
واصبحت من القوه بير

فقلت اه صحيت شعب
انكسر الظلم بالقوه
فاقت ناس وماتت ناس
وانا لسه مصري اصيل
شايل نبوتي وواقف
علي حدودي فتوه

والحدود باقت ضلوعي
والنيل كان من دموعي
والكلام ملوش مكان
ولو مت قالوا هيرجعوني

هموت وانا مرتاح
ورايا جيش رجال
فعله قبل كلامه
مربتش مصر بمال