بطلت عشق ياقلبى ... بقلم محمد بدر

بطلت عشق ياقلبى
طب ليه فقلبك نار
مش شايفه
شكل الحب
ولا حتى عارفه أختار
والعين جت
فى العين
والنار تقيد
فى النار
وبقينا أحنا
الأتنين
حيره وعذاب ومرار
بطلت عشق ياقلبى
طب ليه فقلبك نار
عرفت طعم الغيره
وبقيت قليلة الحيله
دى ليله وكانت ليله
ولا عارفه ادى قرار
خايفه عليك م العشق
ياقلبى
ليجى يوم تنهار
طب ليه فقلبك نار
سلامات ياقلبى
وياعذابك
م اللى أنا شفته
من أحبابك
بتضحى بعمرى
وشبابك
وتقولى خبى
دى أسرار
بطلت عشق ياقلبى
طب ليه فقلبك نار

تسريبات تسريبات تسريبات .... بقلم عماد طنطاوى

تسريبات تسريبات تسريبات
تسريبات مالية البرامج والشاشات
ل أم بطة وأم نسمة الخدامات
وأم مُندى وأم راضى الدليات
والعليمى وبهظ بيه
والبريزة والجنيه
والجميلة بوسى كات
ذيع ياعم التسجيلات
تسريبات تسريبات
سمعوا الناس اللى حاصل
بين كريمة وعبده واصل
بعدها نطلع بفاصل
فيه أغانى وإعلانات
ذيع ياعم التسجيلات
تسريبات تسريبات
(1)
-أحمد السيد "ألو"
= نعمت الكاشف "هالو"
- إنتى فين ؟
= ف إسكندرية
- قاعدة طبعا بالمايوه
ع البلاج وسط البنات
ذيع ياعم التسجيلات
تسريبات تسريبات
(2)
- يا أم نسمة إزى نسمة
= حلوة ياختى إزى كاظم
الجواز نصيب وقسمة
- أيوة طبعا هوه فاهم
ما أحنا جوزناه آيات
ذيع ياعم التسجيلات
تسريبات تسريبات
(3)
- ف البريف تكون مهندم
= قد علم وتمام يا أفندم
£ اي صحيح فهمتوا ايه...!!؟
دول عيال الكافيهات
حد يجرأ إنه يجى جنب عزوة المعلم

ده ملخص ما أُذيع
أو خلاصة مايذاع
عن طريق واحد وضيع
إسمه "أحمس" البتاع
ف بلد جنب الصومال
ماشية طبعا بالدراع

شباك قزاز .... بقلم ابراهيم سليم

خلف الستاير ف البيوت
شباك قزاز
ما البرد قرب ينكسر
سحابه فوقه بتنتشر
شايله ف احضانها المطر
عمال يدور ع القمر
عمال يدور ع النجوم
شافهم بيداروا ف غيوم
خايفين ليتصابوا بضرر
فضلت ستايره تبصله
تصرخ وبتنادي عليه
تهمس وتتمايل عليه
لجل ان مره يحسها
حولت تضمه ف حضنها
ولكنه مشغول بالقمر
شوفت القدر
جت الرياح وزقته
علشان ترده لحضناها
بكت الستاير ع القزاز
حس القزاز بحبها
بيضمها
جت العجوز من السرير
اول ما حست بالمطر
قامت ورحت ع القزاز
مدت ايديها بتقفله
مسكت ستايرها ايديه
شبطت ف ايده بطرفها
شبط بأيده ف طرفها
حولت بقوتها العجوز
تزق بأديها القزاز
الحب بينهم لما جاز
جت العجوز تحرمه
تجاعيد ايديها اتعصبه
دفعت بقوتها القزاز
عور ايديها اما انكسر
بكت الستاير ع الا كان
اشلائه بتغطي المكان
وايده لسه ف طرفها
بس الا زود ف الجراح
الشمس طلعت ف الصباح
ضربت ف اشلاء القزاز
عكستها ف عيون العجوز
لمحت ستايرها القماش
مالت ووقعت ع البلاط
وعشان نصيبها والقدر
باشت وغرقت ف المطر
وهي ف احضان القزاز

زي الأفلام .. زي السيما ... بقلم محمد خميس

زي الأفلام .. زي السيما
ف مكان مهجور وملوش قيمه
أتنين قاعدين
بيغنو ويجرو ف أرض الله
الحب حياه
وانا وانتي حياه
ولا نملك ذره مال ولا جاه
تضحكي أضحك
تفرحي أفرح
وابني ف قلبي لروحك مطرح
نتراهن علي مين اللي يمل
تفكير بيشل ..
وكلام ممكن يوم يتحقق
المبدأ ف حياتنا بيسبق
وبينهي القصه بدون أعذار
الحال ومرار والأهل حصار
والدنيا بتستقوي علينا
فرقع بلالين واطفي الزينه
فيه مشاهد سينما بتتصور
والبنت ساعات سهل تدور
علي فتي احلام يشبه روحها
ف الواقع ايضا والمعتاد
بيكون اول حد جرحها
قلبها مكسور بتخاف م النور
وبتعشق تقعد ف الضلمه
تستني يادوب بس مكالمه
عقلها مشغول والليل بيطول
وتفوت وتعدي اخر جوله
زي الافلام زي السيما
نستني نشوف قصه قديمه
وبنضحك دايما ع القفله
الحزن بيدخل علي غفله
ويحاصر ف قلوبنا وروحنا
ازاي الحب بيجرحنا
ازاي الحال مفيهوش تغيير
تفكير تفكير والوضع خطير
واحنا لا جينا يوم ولا روحنا
زي الافلام زي السيما
وجعك ملفوف لفه عظيمه
ف مكان مهجور ومالوش قيمه
هتلاقي اتنين دايما قاعدين
بيغنوا ويجرو ف ارض الله
اسألهم كم مره اتوجعو
علشان بيقولو الحب حياه

ويجي عليا الليل ... بقلم مصطفى علم الدين

ويجي عليا الليل..
وكاني ميت من يجي 100 سنه..
كل اللي فـ الصور بهاليل..
حتي انا..
غريب يا ليل..
تصيب كل قلوب العشاق بحب..
وتسيب فـ حضني الفراق..
مش يا ليل كنت حتي تسبني عليل..
ولا كان لازم موتي وقتها…

لَعِبتْ بِنا اْلأقدارُ .... بقلم أحمد الخطيب

لَعِبتْ بِنا اْلأقدارُ
بعدَ الفرْحِ ثانيةً
فمْا مگثَ اْلفرحُ
لْلأحزانِ قاطبةً
حتَّى أتانا يَحْملُ
خلفَ اْلفرحِ نائبةً
عَجباً لِمثلِ ذاگَ
القدْرِ وا عَجَباْ
لَگمْ تاقَ صَدّري
مِنْ مِثْلهِ وَجَعا
سَمِعْتُ قَولَ اللَّهِ
في اْلذِّگر مِنْ حَمْدٍ
فَحَمِدْتُ اْللهَ وَقتَ
اْلحُزنِ فيِ اْلنَّزُلَ

وهل تحزن؟ ... بقلم عزيز محمد

#وهل_تحزن؟
وهل قالوا لكم إنى بلا إحساس؟؟؟
وهل تبكى؟
وهل قالوا لكم إنى بلا عينين؟؟؟
وهل تنوى
بأن تروى ...فراغ الصبر بالإفلاس؟؟؟
وهل قالوا لكم إنى
ضعيف الروح والقلبين؟؟؟
والقلبين؟؟؟؟
نعم قلبين
فلى قلب...وتعمره
قلوب الناس

وانتى ازاى تصدقى ... بقلم محمد أنور

وانتى ازاى تصدقى
انى شقى
عايش حياتى مع الحريم
فارد دراعاتى شهى
انا اصلا معرفكيش
كل اللى بنا كام رسالة
يا ريت بقى متصدقيش
وامسحى بوست الحالة
انا مش عايش قوى
ولا حتى واد فهلوى
الفعل فعل غير القوالة
وانتى بنفسك عارف أنى
رغم سنى لسه بكر
جيتى ليا صبحت حكر
طلعتى قلبى من سجن
لارض حب الباهى
ادينى ليكى بعترف بحبى
فافرحى واتباهى
معاكى الفرح ملىء قلبى
وحبك هو عزوتى وجاهى
فمتصدقيش
رحلة حياتى بيكى هتكتمل
لان صعب بعدك أنى اعيش