الحلقه الجديدة من برنامج جو تيوب بعنوان مبروك علينا السيسى

نقدم لكم اليوم الحلقه الجديدة من برنامج جوتيوب والذى يقدمه الفنان الساخر يوسف حسين وفى هذه الحلقه بنتقد فيها لحظه تنصيب المشير عبدالفتاح السيسى رئيسا لمصر بعد الانتخابات الرئاسيه التى اجريت بينه وبين المرشح الاخر حمدين صباحى وعلى اثارها فاز المشير عبدالفتاح السيسى برئاسه جمهوريه مصر العربيه هذة فقط المقدمه وينتظركم المزيد عن مشاهدة الحلقه نتمنى لكم مشاهدة ممتعه

قصيدة : نظرتك ....... بقلم الشاعر مصطفى عبدالمنعم

بتسأليني ازاي عرفت؟
كل دا ... عن دنيتك
وبعرفك ، اوعي تخبي أي شئ
علشان دا كله ف نظرتك

نظرتك بتقول كلام
والعيون سامعة وشايفة
شايفة إن عينيكي عايشة
بس عايشة وهي خايفة
شايفة دمعة مدارية
جوه ضحكة كدب زايفة

نظرتك ندمانة ع اللي
اديتيله وما استهلش
فاكرة إن الحب كله
جرح هجر ونار وغش
حتى خايفة م اللي شاري
خايفة يبقى بألف وش

ساكتة ليه .. وبتهربي
لو كان دا كدب .. كدبي
بس قبل ما تحكمي
ياريت تشاوري نظرتك

نظرتك بتقول عليكي
ليكي قلب جميل رقيق
نفسه يفرح نفسه ينسى
كل شوك قابله ف طريق
قلب عارف معنى إنه
يتظلم ويكون .. برئ
قلب عايش مستخبي
وكان زمان اسمه الجرئ

نظرتك فيها الف ذكرى
فرحة واحدة وميت عذاب
نظرتك ليه خايفة بكره؟
إنه ييجي .. يدق باب

حابسة ليه نفسك ف وحدة
لو هتأذي هتأذي نفسك
طب هقولك كلمة واحدة
قلبي حبك .. لما حسك
نظرتك بتقول بحبك
وانتي لسه معاندة نفسك؟

ساكتة ليه .. وبتهربي؟
لوكان دا كدب .. كدبي
بس قبل ما تحكمي
ياريت تشاوري نظرتك

نجمة هوليود من التمثيل الى الاسلام

ان الله تعالى قال فى كتابه العظيم لسيدنا محمد { إِنَّكَ لاَ تَهْدِي مَنْ أَحْبَبْتَ وَلَـٰكِنَّ ٱللَّهَ يَهْدِي مَن يَشَآءُ}  كما قال تعالى { ليس عليك هداهم ولكن اللّه يهدي من يشاء} ، وقال تعالى: { وما أكثر الناس ولو حرصت بمؤمنين} فقد شرح الله صدر نجمة هوليوود ميريام فرنسوا سيرا للتوقف عن التمثيل وتعتنقت الإسلام حيث قالت ان الاسلام نور يشرح الصدر ويجلى الهم وتشعر فيه بالطمأنينه واعربت عن مدى سعادتك وقالت وهي تبتسم ”إن صلاتي المفضلة هي الفجر هناك شيء يكون بين الإنسان وربه في ذلك التوقيت الذي يكون فيه الناس جميعا نياما مشيرة إلى أنها تعتبر إسلامها شيئا خارق وخارج عن إرادتها ويكفى ان القرآن يبدأ بدعاء وينتهى بدعاء يدل على مدى عظمة الخالق ورحمته بعباده .

صباح الفؤل ............ بقلم الكاتب أيمن محرم

• المتشائم لا يرى إلا صعوبة الحياة ...... والمتفائل يرى الحياة صعبة.
• المتشائم يرى نصف الكوب الفارغ ... أو حتى الملآن ........ والمتفائل لا يعنيه ذلك.
• المتشائم لايرى قيمة للحياة ....... والمتفائل يعيشها.
• المتشائم لا يرى الأمل ......... والمتفائل يصنعه.
• المتشائم ملّ من تكرار الفشل ....... والمتفائل لم يمِل بعد ...... من محاولة النجاح.
• المتشائم قد يسعد عند تحقيق إصلاح ............ والمتفائل يسعد بمحاولة تحقيقه.
• المتشائم شخص تعيس .......... والمتفائل شخص تعيس ... أحياناً.
• وأخيراً : التشاؤم من الشؤم .... ولكن التفاؤل ليس من الفؤل ..... صباحكم سعيد وملئ بالتفاؤل.

قصيدة : عذرا سيدتى ............. بقلم الشاعر محمد عسران

سيدتى
عذرا سيدتى
سابوح بما في دفتر قلبي
حبك مازال يراودني
كنوبة جنون
كمواسم المطر
والشوق جبال
يحملها القلب
ويبكي
عذرا لو بحت باسمك
وجهرت به في كلماتي
حتما موعدنا سيأتي
رغم الموت
ورغم الخوف
ورغم البعد
ورغم تشتتنا بين البلاد
مادمنا بالعشق
أمنا
مادمنا بالقدر أتينا
سنعود لنكمل قصتنا
حتى لو بالشيب جبرنا
سيزيننا الشعر الابيض
مادام القمر الاشقر يرقص في حضرتنا

قصيدة : ياعينى اسكبى دمعك ..... بقلم الشاعرة زينب الميهى

ياعين اسكبي دمعك ولا تخليني
اتهني ....اتهان العرب والمسلمين
وانا والكل نقول حنا ....لو كان الصاروخ بيدي
والله ما اخلي صغير من العدو يتخبي
سقط شعار العز ودخلو الخونه الجنه
جنة بلاد الشام والعزيز اصبح مهجر
وانباد اهل السنه ياحسافه على اللي خان
ماله غير العار والذله استنجدوا بابامه
وصار المثل الأعلي مهو غريب
لما تلاقي الاخ عن اخوه يتخلا
آه ومليارات الاهاااااااااااات على
اللي على شعبه يتجني

قصيدة : ارجعى ......... بقلم الشاعر مصطفى عبد المنعم

مستنيكي ترجعي
وترجعي نفسي لاسمي
ما انا بعد منك
اسم بس ، واتهد رسمي
وعقلي كان يوزن بلد
كرباج غيابك جه جلد
خلى اللي كان زينة البلد
ماشي ف البلد.. مجنون ورسمي

يللي باعوكي بالرخيص
ودفعت انا أكبر تمن
زفوكي انتي للعريس
وسابوني مني للزمن

خدني وعملني ملطشة
م الفجر دمعي للعشا
ولما يوم خدني التعب
سلمني للنوم م العشا

شفت الكابوس
شفتك ف حضن سي العريس
شفته بملكي منفرد
وانا الملك .. محروم تعيس

حرمت انام لو حتى اموت
ما النوم دا راحة للبشر
وانا مش بشر
انا صخرة فتتها المطر
أنا ورقة وقعت م الشجر

أنا رقبة طايرة من جسد
أنا جتة موتها الحسد
أنا أي حاجة حياتها ظلم
أنا كلمة ثابتة ف كل فيلم
أنا شكلي حتى هنسى اسمي

لو رجعتي هتلاقيني
وساعتها يمكن تعرفيني
لو حتى شكلي هيتنسف
أنا سهل جدا أتكشف
هتلاقي اسمك ع اللسان
هتلاقي دمعة جوه عيني

دا ياحبيبتي يبقى انا
طب ضحكتي وديتها فين؟
طب دا سؤال؟
من إمتى ضحكة بتتخلق من ناي حزين؟

حبي بنيته جوه قلبك بالتعب
ويا السهر ويا الدموع
لو كل حب ف الحياة ضاع واتغلب
حبي مصيره للرجوع

ولو هيحصل غير كده
يبقى الثبات اصبح شذوذ
يبقى النفاق ويا الفسوق
أصبح حلال اصبح يجوز
يبقى اصدق لو قالولي
إن انت من ٣٠ سنة مولود عجوز

فاكرة اللي كان؟
فاكرة اما كنت دنيتك؟
فاكرة كلامنا والوعود؟
فاكرة الحنان؟
اللي سقيته لدمعتك
خلاها ضحكة مفتحة زي الورود

طب فاكرة صوتي ونبرته؟
كان يسحرك ويطمنك
طب مين هيقدر؟
بعد مني .. بس ياغالية يتمنك

يللي انتي حالفة لترجعي
يلا ارجعي
دي الشمس طلعت الف مرة
وانتي غايبة ما شفتها
يللي انتي حالفة لترجعي
يلا ارجعي
لو راجعة عبدة ولا حرة
راضي بالنتيجة .. قبلتها
بس ارجعي
بس ارجعي

قصيدة : تفاصيل الحكاية ............ بقلم الشاعر أيمن جبارة

لو قالوا لك ليه بعدنا
قولي عادي كان نصيب
و اني مش اول حبيبة
يفترق عنها الحبيب
و ان بعد سنين طويلة
قام مابنا 100 خلاف
احكي دايما قصة واحدة
اوعي تحكي بأختلاف
خلي دمع عنيكي يصرخ
فوق ردودك م البداية
لجل يرسم صورة ليهم
تحكي تفاصيل الحكاية

أبو تريكة فى المونديال

بعد ان قام نجم كرة القدم المصريه وامير القلوب محمد ابو تريكه بالاتفاق مع شبكه بى أن سبورت على تحليل مباريات كأس العالم الذى سوف يقام فى البرازيل فى الفترة من 13 يونيو الحالى الى 13 يوليو المقبل .
وقد نص الاتفاق على حصول النجم المصرى على مقابل مادى يساوى ما يحصل عليه باقى نجوم الكرة العالميه المشاركين  فى تحليل المباريات وهو يعد اعلى مقابل مادى حصل عليه اى محلل مصرى اخر .
وكان ابو تريكه قبل العرض يجهز اوراقه هو واسرته للذهاب لمشاهدة كأس العالم فى البرازيل وعندما عرض عليه من قبل شبكه بى ان سبورت تحليل مباريات كاس العالم وافق على الفور ليجعل من تواجده هناك عمل ومشاهدة فى نفس الوقت .

قصيدة : تعال فسر معنى وجودى .......... بقلم الشاعرة شادية محمد

تعالَ وفسر معنى وجودي
تعالَ نطير بكل فضاء

تعالَ بقربي تعالَ هناك
تعالَ نذوب ببرد الشتاء

وشطٍّ تجلَّى لبحرٍ تمنّى ال
عناق طويلا لوقت الفناء

تعال نحلق بين عيون الهناء
برحلة عشقٍ ؛ لننسى الشقاء

فأنت الحبيب وأنت القريب
وأنت التحدِّي بكل سخاء

أحبك قلبي لأنك همس
البلابل تشدو بحلو الغناء

قصيدة : الى حبيبتى مصر .... بقلم الشاعر عقيل يوسف

إلى حبيبتى مصر
جمعت عشق العاشقين
وحديث المحبين

وكلمات الشعراء المرهفين
وورود جميع البساتين
إلى حبيبتى مصر
دقت جميع الأجراس
وحان موعد القطار
سأسافر فى بلد فيها
السيسي بطل الأبطال
وسأشرب من نهر النيل
وسأشرب من نهر النيل
كأس أحسن من
طعم الرمان

قصيدة : غــــــــــدآ ............ بقلم الشاعر أبو عمار المصرى

غـــــــــــــد اً
مــائى ليسَ كأىّ ماء
طينى ..ليسَ كأىّ طين
إن .أنتَ رضَعتَ مِن صَـدرِ السماء
فأنا رضَـعتَ مِـن صدورِ العاشقين
فلا تبارى بالحروفِ
فنِـصفُ حرفى
بألفِ حرفٍ ثائرٍ
لا يستَـكين...
أنا قلمى سيفٌ
لا يهادنُ ظالماً
حبرى ..مدادٌ.. نَـهرُ دمّ
لا يَـجِـفُ ..

لا يلين
وسطورُ أحلامى .جَناحَ نورِ
لا تقيدهُ القيودُ
لا يُـبَكّيهِ الأنين
ولتَـرتَـفِـع .قِـلاعُ الظُّـلـمِ
ما تشاء
فَـغَـداً .
يثورُ الحقُّ فى كُلّ القلوبِ
وغداً ..
يفيضُ النورُ مِـن كُلِ العيون

قصيدة : مصر سمانا وارضنا ......... بقلم الشاعرة زينب الميهى

مصر سمانا وارضنا
مصر دي حته مننا
مصر الابيه غاليه علينا
كلنا لو تطلب الروح ترخص
وتعيش هيه بمجدها
عاليه فوق الجميع اصلها
قلب العروبه قلب العروبه كلها
وخير بلادي جندها
خير جند الارض بآسرها
تعيشى تعيشى ياأجمل
حريه شوفتها

قصيدة : ذكريات ..... بقلم الشاعرة شاديه ياسين

ذكـــــريـــات ..
ذكريات ... ذكريات
مـــزروعه فــــــيا
بـــــــتهد فــــــيا
عايشه ف حـياتى
حتى ف سـكاتـى
بسمع أهــــــاتى
جــــرحى أسرنى
يـــــــــارب عينيي
ف الـــــــــدنيا ديا
كــــله عـــــــــليا
كـــله ظـــــالمنى
يـــــــــارب عينيي
أغـــــــلى حبايبى
بـــيحبوا تــــــعبى
و لــو شــــــافوني
فرحه ف عــــيونى
بـــيقسوا عــــــليا
و يـــــــهدوا فــــيا
وتــنزل دمـــــوعى
صــدقت ظــــنوني
بـــاعوا و خـــانونى
الـــكل فــــــــاتنى
إشــــــــهد يــاربى
مـــعدتش لــــــــيا
ف الــــدنيا ديــــــا
و لا حد جـــــــنبي
جــــرحى تــعبنيي
حتى ف ســكاتـى
بسمع أهـــــــاتى
جــــرحى أسرنى
يـــــــــارب عينيي
يـــــــــارب عينيي .

قصيدة : تقول عنى كاذب ....... بقلم الشاعر محمد عسران

تقول عنى كاذب
من اول الحرف
الى اخر الحرف
مخادع
يرضى هواه غروره
سندباد له فى كل مدينة
عاشقة أو أكثر
تقول عديم الثقة
واننى أخر رجل يمكن ان تفكر فيه
ولن اصل الى بحر عينيها الازرق
ولا الي مملكة شعرها الأشقر
تقول كل ذلك
ولم تجرب معى شىء يذكر
تقول عنى كثيرا وتجرحنى أكثر
وانا ما زلت اردد ياملاكى
أحبك أكثر
رغم الجراح
التى وضعتها فى صدرى
رغم قسوتك
كهذا الدهر
على عصفور قلبي الاخضر
أحبك وعن هوى غيرك لن أفكر
هل ذنبي اني احببت ملاكا
لذنوب الماضى لا يغفر
عذرا اذا احببتك يا ملاكى
يا قرة العين
يا وردة تنبت في خيالي
هل كنت معك دون مستوى الاخلاق
وكيف لمذنب مثلى أن تحبه ملاكى
تقول عنى كاذب وتسخر من هوى قلبي
ولو قطرة مطر
تساقطت من عشقي
لامتلأ الكون بالحب
ولكنها لا تبصر