ياحـبيبا عـلَّمَ القـلبَ الهوى .... بقلم الشاعرة رضا عبدالوهاب

ياحـبيبا عـلَّمَ القـلبَ الهوى
كن دليلي في متاهات النوى
قـصَّتي حـبٌّ رواني نــــوره
غادر الحبُّ ليبقى لي الجوى
ياحــــياتي زهرتي تبكي هنا
كيف ردَّ العشق نهرا ماارتوى
أنت في الدنيا وجودي كله
أنت في ضعفي قوانين القوى
ياملهمي زهر الخدود قصةٌ
في سطورِ الشوقِ أكوابُ الدوا
ياروائي من سيروي مهجتي
أنت وحدك من بعينيه روى
إنما الحـبُّ سطورٌ دمـعـها
يحرق الأوراق إن طال النوى
أنتَ حبٌّ في حياتي ، من أنا
غير سهدٍ من حنينٍ واكتوى
ذاك عمري هل تداوي جُرحه
صوت جرحي مثل ذئب إن عوى
صرت خصما رغم حبٍّ جامح
من سيعدل لي إذا القاضي غوى
كيف جاء الحب عندي قاتلا
بعد ما رويت عشقي واستوى
صرتَ المواجعَ في حياتي كلها
ياحبيبا كان في وجعي الدوا

طريقة عمل الحواوشى الاسكندراني الاصلي

لعمل عجينه الحواوشى
.......................
كيلو دقيق / معلقه ملح / معلقه خميره فوريه مزابه مع معلقه سكر في نص كوب لبن دافي وتوضع في مكان دافي حتي تفور /كوب زبادي / بيضه
لتجهيز اللحمه...
.................
نص كيلو لحم مفروم نيئ /حزمه بقدونس/واحده طماطم مقطعه مفرومه/عدد اتنين بصل مفروم ناعم /قرن فلفل حراق / معلقتين لبن بودره بيدي طراوه للعجين / بهارات لحم /نص ملعقه من القرفه / جوز الطيب /جنزبيل/ ملح / فلفل
***نعجنه كويس بحث العجين مش يلزق ونتركه بخمر
***نقسمه علي قد الارعفه اللي حنعملها ونرش الرخامه دقيق ونفرد ونحط اللحمه ونقفل النص رغيف وهكذا
***نعمل بالشوكه اخرام وندهن الوش ببيضه مع فلفل اسمر
*** ندخله الفرن نخبزه وبالهنا والشفا

فقدت الصوت بضربة صوت ..

فقدت الصوت بضربة صوت ..
ومَتخيلتش اني افوت
وصوتها اللي ضرب قلبي ..
فَـ يرجع للحياة مِـ الموت
نسيت الناس بدون احساس ..
بفكر بُكرهٰ بِـ إمبارح ..
وطول الوقت أنا سارح ..
فِـ ايه معرفش ؟!
جايز فيا .. جايز فيها !
لكن عمري مَـ كُنت فِـ يوم ..
بفكر إني ءأذيها !
بفكر فيّا أنا عارف ..
بكون خايف ومش شايف ..
بحس برعشه جوايا ..
ولما بشوفني فِـ مرايا ..
بضحكه بإيدها ..
تفنيها وتبقيها وماتتأثرش !
بقول يلا كفايه الضحكه ..
على وشك أهي دايمه
بلاش تسهر تكلم صوره ..
صاحبتها اكيد نايمه
هتفضل برده تتكلم وتتألم ..
لكن عمرك مَـ يوم هتوب وتتعلم !!
غرامك ده اللي فِـ عيونك بيبكي أنيّن !
ووشك كان فِـ ساعة فرح وش حزين !
وحبك خلي أنفاسك تمَلّي تقل ..
قاعد على طول فِـ حضرتها ..
ولا بتزهق ولا بتمل !
وهي ياعيني ياولداه ..
أكيد بتقول " دي حاجه تشل "
- لأ ..
لا يُمكن دي اللي قلبي فِـ يوم عليها دق !
أكيد في حاجه فِـ الموضوع ..
اكيد عمري مَـ هستسلم واعيش ف دموع !
انا الموجوع .. وبرده بحب !
برغم التوهه والحيره ..
وقلبي اللي تعب غيره ..
- فَـ هدعي يارب !
هدعي الرب يهديني ويهديها ..
وأقوله إجعلي فيها نصيب !
دي أغلىٰ يارب من أغلىٰ قريب وحبيب ..
بإيدك أمري ولـ عبدك أكيد بتحب !
وحبك ده وهب قلبي حبيب منك ..
وروحك نافخه فيه الروح
يارب أجعلنا فِـ الجنه ..
وإبعد عنّا أي جروح
يارب إوصلنا بِـ وِصالك لِـ فين مَـ نروح

حبيبي انت فين ... بقلم جابر عبدالقادر

حبيبي انت فين حين اكتبلك
ولكن مين انت انا بكتب لحبيبي
وعمري تعاله واهمس في اذني
قولي كلمة واحد ه هل انت حبيبي
هل انت ا لذي ياتي في احلامي
حبيبي انا بكتب لمين اتعلمت الكتابه
علشان اكتبلك علشان لا احد يعرف
غيرك انت واحدك علشان بكتب ليك
انت الغائب الحاضر حبيبي عمري وحياتي
حين اراك في احلامي اكتبلك بكلمات الحب
واكتبلك ليس بحبر القلم لا انها حبر من دمي
وفيها ماء الورد حبيبي تعاله انا اسمعك وانت
بتنادي عليه اسمعك بس تقول لمين الكلام ده
ليه انا ولا لوحده اخره وانا بكتبلك واقولك
وانت تغني وتقو ل ليه حبيبتي بس لمين ليه
انا طب اتكلم وقولي اسمك ايه انا عرفتك
بس كبريائي وانت عارف باني لا اتحمل با اني
ليس وحيده في حياتك ولمه اشوف كل الفتيات
حولك ابعد عنك واقول الكلام دة مش ليه انا وحين
اشوفك في منامي واحلامي وعيوني تنظر اليك
وتقولي تعالي انت حبيبتي اقوم واكتب اليك
وحين اسمعك وتنادي علية ورغم نفس الكلام
الذي اسمعها منك هو الكلام الذي اكتبها ليك
قولي ولا تحيرني معاك انت مين هل انت حبيبي
هل انت حبي هل انت العمر الجاي بسعاده بعد
تعب السنين قولي الكلام ده لمين انا اسمي
فعلا حبيب الروح وانا عرفت اسمك وعرفت صوتك
وعرفتك من عيونك انت املي وعمري انت الهواء
انت النسمة والحب انت قلبي الذي لا املك لوحدي
علشان انت شريك فيه حبيبي بحبك واتعلمت الحب
من كلامك وصوتك حبيبي انا الانثي الذي يركع لها
كل الرجال انت الوحيد اركعلك علشان بحبك اوي
ولا احد يعرف يكسرني غيرك علشان انت الوحيد في
قلبي ودمي وحين اتكلم مع احد اشوفك انت حبيبي
تعاله وقولي الكلام ده لمين قبل ان اجن واكون مع
الاموات حبيب قلبي بحبك وهيه من حرفين وانا
عايشها علشان الحرفين دول انت عرفتني انا مين
قولي علشان اكون انا معاك انت فعلا حبي الاو ل
والاخير وانا ايضا حبك الاول والاخير انت معي في
قلبي وعمري وحياتي واملي انت كل شيئ في
حياتي وكلامي هو نفس كلامك انا موجوده و مستنيك
في اول لقاء علشان نكون معا الي الابد يا حبيبي قلبي وعمري؟

كيد النسا .... بقلم محمد تركى

- يا بتاع الانابيب يا مأنبب
= يا مإيه؟!
- يا مأنبب.. زي يا بتاع النعناع يا منعنع كدة
= اللي تشوفيه يا ست هانم!
- هات انبوبتين واطلعلي الخامس
=حاضر
- بسم الله ما شاء الله.. شايل انبوبتين مرة واحدة!
= ومن غير ما اريح كمان
- دا انت جامد قوي بقى؟
= الحمد لله
- باين عليا اخترت صح المرادي.. دخلهم المطبخ وأقلع الجلابيه وحصلني على اوضة النوم
= ايه الولية الساهلة دي؟ باينها هتلعب وليليتنا هتبقى فل
- ايه ده؟ انت بتعمل ايه؟
= بقلع هدومي عشان آ..... انتي فاهمه بقى
- البس هدومك يا شهواني يا حيوان..
= مش انتي اللي قولتيلي أقلع واحصلك على اوضة النوم!
- قلت لك إقلع الجلابية بس
= اقلع الجلابية بس ليه؟!
- تعالى اوضة النوم وهفهمك هناك
= اديني قلعت الجلابية اهو وجيتلك اوضة النـ... ايه ده؟! ايه دول؟! جثث مين دي ياست؟ وايه المسدس اللي في ايدك دا؟ هتقتليني زيهم ولا ايه؟
- انت تستحق القتل عشان زي كل الرجاله ماشى ورا ديلك الوسخ، بس اطمن انا محتاجاك في شغل وهتاكل من وراه عيش
=عيش ايه وسط المجزره دي؟! مين دول وقتلتيهم ليه؟!
- ابو كرش اللي هناك ده يبقة جوزي، زي مانت شايف كدة اقرع وبكرش وعنده حَوّل خفيف وبريالة وكان طول الوقت بيلعب في مناخيره.. كل العبر دي وكان بيخوني كل يوم، وكنت بصبر نفسي بانه شهواني مريض زي كل الرجالة، لكن لما يخوني مع مرات صاحبه اللي ضوفري برقبتها يبقى يستاهل القتل
= ............؟!
- ولا انت ايه رأيك؟
= ييييـ... يستاهل القتل طبعا هو واي راجل يخون مراته
- اومال كنت هتعمل زيه وتخون مراتك ليه من شوية؟
= ماهو.. ماهو.. ماهو انتي مش مرات صاحبي
- هئ.. مش بقولك رجالة أوساخ..
= طيب قتلتي الاتنين التانيين ليه؟ خانوكي برضه!
- هيخونوني ازاي يا غبي؟! هو انا هتجوز التلاتة!
= اومال قتلتيهم ليه؟
- ابدا.. ابو قميص مكرمش دا المكوجي، عمل زي حالاتك.. قلع هدومه ودخل ورايا فاكرني بغازله، ولما قلت له اني عايزاه يخلصني من جثة جوزي، وافق بس ما قدرش يشيلها فقتلته
= ليه طيب؟ ماهو وافق وحاول يساعدك.. قتلتيه ليه؟
- اولا عشان زي راجل كل الرجالة وفاكر كل النسوان شمال.. ثانيا: عشان ماقدرش يشيل الجثة فخفت اسيبه يمشي يبلغ عني
= يعني هتقتلينى يا ست هانم؟
- رغم انك ما سألتنيش عن الجثة التالتة بس هاقولك.. ده بتاع اللبن
= بس ده عجوز يا ست.. يعني لا هيقدر يشيل الجثث ولا فيه حيل يغازلك!
- ماهو ماحاولش يغازلني علشان هو ميت إكلينيكيا اصلا وانا كمان ما عرضتش عليه يتاوي الجثث
= اومال قتلتيه ليه؟
- ابدا.. كان بيغش اللبن ويقول عالبقري جاموسي، فقلت اقتله بالمرة، والحيوان اللي هايشيل جثتين يشيل تلاتة عادي
= الحيوان دا اللي هو انا؟
- انت اه.. والحمد الله انت زي البغل اهو وتقدر تشيل
= يا ست اعتقيني لوجه الله.. واحلفلك على مصحف ما هبص لواحدة ست تاني.. حتى مراتي لو دا هيريحك
- ما ينفعش لانك ممكن تبلغ عني فلازم تخلصني من الجثث عشان تبقى شريك معايا وفي الجريمة، ولو رفضت هضم جثتك للمتحف دا والحمار اللي هيشيل ٣ جثث يشيل اربعة عادي
= احم.. اللى تشوفيه يا ست هانم
- شاطر.. بعد ما تخلص بقى كلمني عشان هديك عنوان تروحه هتلاقي هناك جثة فوق البيعة.. تخلصهم منها
= نعم؟! لا كدة كتيير انا مش ممكن اعمل كدة
- كويس انك عرفتني عشان الحق اشوف غيرك قبل ريحة الجثث ما تطلع
= إحم.. العنوان فين حضرتك؟
- دا عنوان صاحب جوزي.. اصله قتل مراته لما عرف انها خانته مع جوزي.. وبعد ما تخلصنا من الجثث هنتجوز
= ........؟!
- مش هتقولي مبروك!

أمرُ بينَ الناسَِّ مُبْتسماً .... بقلم أحمد الخطيب

أمرُ بينَ الناسَِّ مُبْتسماً
ويَعْلو اْلضحگَ منْ فاهي
وَأسْمَعُ منْ أتى قَسَماً
بِأنَ الْعيْشَ لي زاهي
وَأنَّ اْلدَّهْرَ طَيْبُ لي
وَعَنْهُمْ طِيبَهُ سَاهي
فَلوْ عَلِمواْ ما بِداخِليِ
لَحَمِدواْ اْلَّلهَ وَالَّلهِ
گَرِهْتُ اْلضِحْگَ يا هذّا
سَئِمْتُ اْلبَسْمَ تِبْيانِ
فَلَيْتَ اْلعَيْشَ يَهْجُرُني
وَلَيْتَ اْلنَّاسَ تَنْسانْي

يا حبيبي ..... بقلم دنيا غنيم

يا حبيبي
أنا مش ملاك
حبي ليك
يمكن هلاك
جاية منك
أعتذر
روحي ملكك
قلبي فداك
واحشني صوتك
ضحكتك
نفسي يوم
أكون معاك
أرجع لروحك
دنيتك
ليه الخصام
وأنا بهواك

فوائد العرق سوس

عرق السوس يحتوي على مواد سكرية وأملاح معدنية من أهمها البوتاسيوم، والكالسيوم، والماغنسيوم، والفوسفات، ومواد صابونية تسبب الرغوة عند صب عصيره، ويحتوي كذلك على زيت طيار.
يصنع من جذور السوس شراب (العرقسوس) وهو ملين ومدر للبول، ويسكن السعال المصحوب بفقدان الصوت (البحة الصوتية) وهو مفيد في علاج أمراض الكلى.
ـ ويستعمل مسحوقه (ملعقة صغيرة مرة واحدة يومياً) في علاج قرحة المعدة والإمساك المزمن وعسر الهضم.
ـ أثبتت أبحاث حديثة أن العرقسوس مقو ومنق للدم، ومعترف بالعرقسوس في كثير من دساتير الأدوية العالمية.
في عام (1955- 1960) تم فصل مركب سيتر ويدي أطلق عليه اسم حمض الجلسريزيك glycerrhysic acid من جذور نبات العرقسوس وقد تبين أن هذا الحمض يشبه في بنيته الكيميائية مركب الكورتيزون المعروف إلا أنه يتميز عنه بخلوه تماما من الآثار الجانبية المعروفة عند التداوي بالكورتيزون خصوصا لمدة طويلة.
علاج فعال للكحة وأمراض الجهاز التنفسي وله قدرة كبيرة على طرد البلغم وعلاج حالات عسر الهضم والتهاب المعدة وقرحتها
علاج مساعد في بعض الأمراض الفيروسيه
تفيد العديد من الأبحاث أن نبات العرقسوس له فعالية في علاج بعض أنواع العدوى الفيروسية، بما في ذلك فيروس الهربس البسيط والتهاب الكبد الفيروسي وفيروس نقص المناعة البشرية.
علاج بعض الأمراض الجلدية
يحتوي العرقسوس على بعض الأحماض التي لها تأثير مشابه لتأثير الكورتيزون لذلك يعتبر علاج فعال للالتهابات الجلدية. ومؤخراً تم استخدام العرقسوس لعلاج الاكزيما والصدفية
الأضرار :-
يفضل تجنب تناول مشروب العرقسوس أثناء الحيض. كما أن كثرة تناوله يمكن أن يسبب اضطراب مواعيد الدورة الشهرية
اضطراب ضربات القلب: العرقسوس يسبب انخفاض البوتاسيوم في الدم مما يؤثر على انتظام ضربات القلب. وبالتالي، لا يجب على مرضى القلب تناوله بأي حال من الأحوال ومرضى ضغط الدم

دهنت الزيف .... بقلم خيرى على

دهنت الزيف
بزرع اخضر ونور وخيال
وصبيت الدهان ع الظن
رجعت كأنى طفل يتيم
بيلعب .. جنب اشواقه
لضمة حضن
طلع ممكن اكون واكون
حاجات غير بعض
أعض الارض والتوقيت
وانا بتعض
اتارى البحر ف الميه
بيغرق واحنا مش عارفين
اتارى الناى بيشجينا
ويبكينا
وهو حزين
ومين قال النهار مبسوط من الضى اللى عايش فيه ؟
سكاتك
نفسه يتكلم
وفرحك
نفسه يتألم
وامتى براحك اتعلم
ينام ف الطل
دهنت الزيف بالوان السما السبعه ومش مرتاح
ومش مرتاح

تفاصيل .... بقلم أحمد شبكة

دَخلِة بيتنا
و ريحة بيتنا
سندة ضهري علي كنبتنا
تزييقة الباب
اللي ياما ورّد أحباب
نشع الحيطة
اللي جاى من عند جارتنا
الدُّش اللي محتاج تصليح و مافيش سباك
و الكيكة البيتي الطازة قوي
و محروقة خفيف
و هوا العصرية من الشباك
مع طعم القهوة ف كنكتنا
صوت الخلاط و الغسالة
وهدوم الشتوي المتشالة
في دولاب عمر ما كان ليه أُكره
لكن يكره
إيد الأغراب
و يحب الإيد ال.. حبيبتنا
و قميص
صاحبي يستلفه عشان عنده خطوبة
تست الكبريت ع الأنبوبة
ف لسعة طوبة
فرحة قلبك لما السخان
بيهبّ عشان
هيدفي الميّاه ف عز البرد
و محل الورد
ف عيد الأم
و الهمّ
اللي دايما بيدوب مع لمّتنا
.
.
.
دي حاجات ما نقدّرهاش بتمن
تفاصيل تتجمّع
تتلمّع
تتسمّي "وطن"

خايفه ليه قطرِك يفوت .... بقلم علاء أحمد

خايفه ليه قطرِك يفوت
دا القطر لو هايدوس عليكى
دا قطر " موت "
سِيبيه يفوت
...
طريقه لو مش سكتك
لو مش هايوصل جنتك
فى القلب لو ماندهش "توت"
سِيبيه يفوت
...
اوعاكى تخشى من البوار
دا الميه لو عِكره انتحار
فـ " الصرف " مايعيش الياقوت
سِيبيه يفوت
...
ماتقوليش ولا " ضل حيطه "
تفنى عُمر بساعه .. زيطه
الضل عتمه فى البيوت
سيبيه يفوت

مش هنسهالك... بقلم محمد رمضان

انت فاكر لما تضحك يوم علييا
ها انسهالك....
وللا أشوف بعيوني غدرك.تفتكر
هاعديهالك.....
انت متصور هتقدر.. تنسى كل
ذكرياتك....
وأما تبعد يوم بقلبك.تفتكر ..
هتسيب.مكانك.....
ياريت.تفكر.قبل ما تعيش...في..
انهيار.......
حبي ليك..كان قبل مااكبر...
يوم ميلادك...
من قبل ما تحلم .. تفكر..
شوف.حياتك...
كنت حضنك..كنت ضهرك...
في انكسارك..
كنت قبل ما تلقى عمرك..
كنت دارك....
انت فاكر..وللا افكر..
انت من غيري
دمار...........
شد حيلك..كل حاجه مدين...
وداين.....
على اد ما نوعد ونوفي..بنلقى..
خاين....
ارمي عودنا..ماعدش لحن الوعد..
باين....
يوم دموع..ويوم..بيروي..فرحنا..
ورد الجناين...
ويوم ما نزرع حبنا..نجني.دمع...
..الانكسار....
مش هنسهالك...

أخفي الهوى بالقلب .... بقلم ماجد فياض

أخفي الهوى بالقلب ِ أُبقيه ِ
والعينُ تَفضحُ ما أداريه ِ
حاولتُ أمنعُ عنك ِ ما نطقتْ
نَشَرتْ وقالتْ ما أعانيه ِ
ما شئتُ أبدي بالهوى وجعي
قلتُ قلبي النارُ تكفيه ِ
الحُبُ أقدارٌ تُداهمنا
نَرضى ونقبَلُ كلَّ ما فيه ِ
حظّي بأنك ِ من غدا قدري
قلبي هوى ما باتَ يُشقيه ِ
أهواكِ أرضى الحبَ خاتمتي
لو فيه ِ مَوتي لستُ ساليه ِ
الذنبُ ذنبي لو طغى المي
لا ذنبَ منك ِ بدا أُشاكيه ِ
قلبي هوااك ِ ولم يسلْ أبداً
لو صارَ دمعُ العين ِ ساقيه ِ
قَدري أحبك ِ دونما كَلَم ٍ
عُذراً إذا ما العينُ تُبديه ِ

طول عمري ... بقلم محمد الحمامى

طول عمري مؤمن بالوصال
لكن حبك دين وجع
كان لازم غصب عني أحصله
كنتي في عيني نجم عالي
بحلم ليلاتي إني أوصله
فماتطلبيش
مني تاني أعشقك
لو قلبي ينبض بحبك
من بين ضلوعي أستأصله

سألها لما هذا الحزن صغيرتي !!! .... بقلم وسام القاضى

سألها لما هذا الحزن صغيرتي !!!
* نظرة استنكار منها كانت
تابعت بجراءة وبراءة معهودة
و يحك يا أنت توقف عقلك
لم تعد تفكر منذ غادرت
الصغيرة كبرت اليوم
لما يعد الصباح يلهو
كما أنت لا تدرك قيمة الأفعال
والصغيرة تتحمل مسؤولية البقاء .
* صمت وكأن أصابه وابل من رصاص
اخترق أعماق التغابي بداخله
ودون أي أحساس ...
أشاح بوجهه لممارسة عادته البلهاء
في افتراس ملامح وأحوال الناس
وتابع قائلا لا بأس ...
بفتور لا يرتقي لانسان .

يا خالق الراحة ... بقلم محمد الشيخ

يا خالق الراحة
إجعلها فى صدرى
وكلتك الأحمال
وأنا حملى زاد بدرى
الصبر طال وأهو طار
والهم فاق صبرى
وإحترت فى أمرى
ياخالق الراحه ...إرزقنى إياها
عجل لى بلقاها لو حتى فى قبرى
إرزقنى بسعاده ماتكونش كالعاده
بتروح فى لحظتها
ارزقنى بسعاده
تسكن حيطان القلب
فيكون مكان بيتها...
و إرزقنى حب الناس
والعفه والإخلاص
والسبحه والسجاده
زود محبتها
ياخالق الراحه
الراحه ليه بترتاح ....ديما فى غربتها؟؟
مش بعد عسرك يسر..
مش بعد كحل الليل..
ديما يشقشق فجر
مش بعد لما تضيق..
ديما بتفرجها.....
أنا شوفت عسر براح
وهموم بجملتها
لا عرفت أكون نواح
ولا قلبى مني إرتاح
ولا توهت وسط الناس
التايهة فى توهتها
صابر وراضى يارب
مهما يطول الأمر
لو حتى طول العمر
عبدك يادوب عشمان
فى سجده فى الكعبه
ترزقنى إياها
فأطمع كمان وكمان
فى سكنه فى الجنه
أو سجده تحت العرش
ولا بعدها أتمنى
ياخالق الأكوان شوف رحمتك بيا
جيت أطلب الراحه
لقيتها دمعه فى خلوتك بتفض ما فيا

لَو عَليّا .. بقلم صقر

لَو عَليّا ..
فَـ أنا نِفسي..
أكون اِلمَهدي وِ اِلمُهدى ..
لُكل يَتيم -بـيــبان- النور..
أكون دُستور ..
يراضي كُل وَاد -عَرقان-..
وَ اكون قُضبان..
تِكتِف -فِتنهَ- الكادرات..
وَ اكون سموَات ..
بـ تُحضن فِكرِة -النُكتهَ- ..
وَ اكون سِكهَ ..
تِجمّع جُوز كناري ضَحوك ..
وِ ادان ديوك ..
كما ترانيم بـ تُحضن فَجر -حُريّهَ- ..
وَ اكون الكون..
وِ كون فيّا..
بـ سِلميهَ ..
وِ رتم إيقاع يِرقص كُل جِزع قَديم ..
وَ اكون المُلهِم الدايم ..
لـ لُوحِة فَرح بـ التنسيم ..
وَ اكون -الميم-
فـ شِفِة بِنت حَلمّانهَ ..
بـ حُصان سابِق ..
لـ " وُندَر لاند "
وَ اكون الرَد ..
لـ إستفهام ..
..
"جاي بُكرهَ وِ شايل إيهْ ؟!! " ..
..

لعينيك فقط .... بقلم أحمد على

لعينيك فقط ،
زرعت حدائق الجمال
في أرض روحي
جعلت القلب حارسا عليها
يراها العابرون جنة وحريرا
ولا يشم ريحها غير قلبك
يا أنثاي وذاكراتي
يا حنيني
ربما يقرأ البحر تفاصيل الغياب
بينما روحي ماتزال معلقة
على أطراف البوح
هل نسيت يدي في يدك؟
المؤكد أنني مازلت أحتفظ برائحتك ،
نظرة عينيك في محطة القطار ،
عناقك قبل الغياب ،
هداياك
وقلبي
المؤكد يا حبيبتي
أنه لا حبيبة سواك

خدنى الحنين .... بقلم حسن محمد

خدني الحنين
ودخلت اقلب جوه صفحات اللي كان
نفس المكان ، نفس الصور ، نفس الديكور
نفس العيون الفاتنات / المليانين ضحك وهزار
نفس الحوار و خناقة الصبح العظيمه
بين رمش عينك والعفار
نفس السمار ساكن ملامحك شنطتك
لسه القمر ساكن سراديب طلتك
لسه النجوم متنكرين في هدوم نمش
وبيلعبوا نط الحبال علي حفَّ شفة حضرتك
نفس المكان ، نفس الصور ، نفس الديكور
لسه العيال العشمانيين ف ضحكتك
واقفين طابور
لسه الشجر واقف جَسُور / ولا بيتهز
من فعل زلزل خطوتك
لسه المايصه في مشيتك
وانا قلبي شاخ مابقش خلاص حمل الدلع
لسه الوجع موجود مابينا
ولسه دين البعد واقف بين جنابي وحضرتك
نفس الشوارع والشجر ع الضفتين
نفس الطرق والفاترينات
نفس القهاوي والتحف عند الحسين
مش كنا متوعدين هناك انا جيت اهو
طب هو ليه كل الحاجات فضلت هنا
وانتي البعيد
واهو عدا عيد ووراه سنه
وتلات شهور وست ايام بالتمام
واربع ساعات / وسنتين
وانا وانتي فين ؟
انا وانتي تاهين في السنين
طواحين هواء بتلف بينا
ومره واحده تسيب ايدينا
ندب واقعين ع البلاط / نتكسر
نفس الصدف مترتبه
لسه الأماكن مرعبه
لسه الشوارع حاسه خوف وبترتجف
لو عدا اي اتنين شبهنا مره صدفه / اتكلموا
نفس الوجع ساكن في جوفنا
نفس الحنين حاسس بخوفنا
ولسه روحنا شابطنين
في طرف جلابية العياط
وانا وانتي ايه " غير ريح و نار "
قابلوا بعض في حضن شارع / سلموا
* فاتلعموا .!
ان الشوارع و الصدف و الشتا و الحسين
كل دي اشياء كفليه تموتك أَوْفَر حزين

وبجملة العنْعَنة ... بقلم خليدة ابراهيم

وبجملة العنْعَنة ...
عن كل صوت تنهيد
قلتوا عليه مسْكَنَه
عن كل حد رخيص
كانلُه في يوم خاطر
عن الشاطر ..
في سرقة روحي
ابن اﻹيه !
عن اﻹفيه ..
عن الحلم اللي شالني زمان
عن الحمل اللي شايله الآن
عن الناب اللي بان ..من ضحكة الإنسان
عن كل أسرار الوجود
أو كل من خان العهود
عن صوت العود ..
انا أصلي ببكي من النشاز
عن بيتي .. كان مبني بإزاز
عن قلبه .. اجحد من فوﻻز
والشعر خايف من عنيه
وأرجع وأقول
عن الافيه ..
الضحك يصنع معجزات
في القلب ويطبطب عليه
عن الجامِع ..
ابن الجيران بيصلي فيه
بيبُصِّلي
ويداري إعجاب نظرته
بكفوف ايديه
عن (المعلش) ..
في دولة (معلِشاليا) الأم
قانون المعلَشَة واجب
عن الصاحِب
كمان مرة عن الصاحب
زعل؟!! معلش
ماتضربليش في بوزك وِش
كﻻمك كله هري ووَش
عن الافلام ..
وكل (الهيييح)
عن المجاريح
عن المراجيح ..
وعن كل الصُحاب الميح
صحاب تاني؟
عن الدُنيا اللي واخداني
عن الاخوات ولمّتهم
ياريت نتلم من تاني

يوشع ... بقلم أحمد السعيد

يوشع
إزحف بكُل رجال بنى اسرائيل للمجد
المعركه
مَهلَكه
و النُصره عِدّه و عَدّ
قاللى و نظر للجند
( مش بالعدد يابنى)
(لا يتّبعنى رجُل
جهّز عشان يِبنى
أو راعى من غير جاه
مستنّى خِلفة شاه
أو شابّ حبّ فتاه
و عَقَدْ ولم يَبنى)
(اللى انكَوُو بالقُرب
ضُعفا ف وقت الكَرب
لو خدتهم للحرب
ايه اللى هينوبنى؟)

انا مش يوسف ... بقلم أحمد النجار

انا مش يوسف
ولا كنت آمين
على خزنة أحلام ف قلوبكم
انا من توبكم
بخطئ وبتوب
انا مش ايوب
ولا كان للصبر فى قلبى مكان
دايما مستعجل ع الاحزان
وبروح للجرح برجليا
دمع عينيا على ناس ف الدنيا ماهيش هيه
دايما بيسيب لى فى قلبى جروح
الدنيا طوفان ومكنتش نوح
وغرقت ف اول شبر الام
انا عمرى ما فكرت اتعلم
مع إن قالولنا الدنيا علام
وانا كنت سلام
وسط حروبكم
زهر الاحلام جوه قلوبكم
انا عمرى ما فكرت افوتكم
سبتونى ف عرض البحر وحيد
طول عمرى بعيش ليلة الوقفه
لكن ولا مرة قابلت العيد
ملعونه الدنيا دى مابتديش افضل اشياء
الدنيا نفاق
وخداع ورياء
ومابينهم كدب وغش وخوف
الدنيا ظروف
دايما بتعاكس فى غلابه
الدنيا صحيح اكبر غابه مليانه ديابه وبنى ادمين
وما بين لتنين مش عارف اعيش
محسوب طول عمرى من الدراويش
الليل بيقصر ف ساعاتى
والخوف بيقصقص جناحاتى
وانا فارد ليكم دراعاتى القاكم خنجر بيمزع
احزان الكون لوتتوزع
ما هتلقى مكان غير شطى
مش قادر للفرح اخطى
او اروحله هناك
الدنيا هلاك مفيهاش منجى
وبتعزف دمعى على كمانجه من غير عازف
وانا مش عارف
وانا مش عارف
اخرتها معاكى يا دنيا لفين

النظام الجديد فى امتحانات الثانوية العامة(نظام البوكليت)

النظام الجديد فى امتحانات الثانوية العامة(نظام البوكليت) الشرح فى 40 نقطة
1-يتم اختيار لجنة واضعي أسئلة كل امتحان من مستشار المادة بالوزارة وأعضاء اللجنة.
2ـ يتم التحري أمنيًا عن أعضاء لجنة واضعي الأسئلة للتأكد من عدم وجود موانع قانونية أو انتماءات سياسية.
3- بعد الاتفاق على وضع طباعة الأسئلة في جهة سيادية يتم أخذ موافقة أعضاء كل لجنة امتحانية بعدم مغادرة هذه الجهة قبل انتهاء الامتحانات.
4- إقرار أعضاء اللجنة أثناء وضع الامتحان يشمل منع ذهابهم لمنازلهم أو اصطحاب الهواتف المحمولة طوال هذه الفترة
5- بعد الاتفاق على تطبيق نظام البوكليت في الثانوية العامة تم ضم ورقتي الأسئلة والإجابة فى كراسة واحدة.
6ـ الطالب سوف يجيب فى نفس كراسة الأسئلة
الأسئلة تتراوح ما بين 40 إلى 60 جزئية.
5ـ جميع الأسئلة إجبارية وطباعتها قبل موعد الامتحان بأيام قليلة.
6- الاستثناء الوحيد في "الاختياري" سيكون سؤال التعبير بامتحان اللغة العربية حيث سيختار الطالب بين موضوعين للكتابة في أحدهما.
7 ـ 40% من الأسئلة تعتمد على الفهم والفكر و60% على التذكر والحفظ.
8 ـ الأسئلة مباشرة ولا تحتاج إلى جهد في التفكير.
9- إجابة كل سؤال تستغرق دقيقة أو دقيقة ونصف على أكثر تقدير.
10- الطالب لن يستطيع حل كل أسئلة الامتحانات إذا استغرق أكثر من دقيقة ونصف في كل سؤال.
11- درجات الامتحان ستكون موزعة على جميع أسئلة الامتحان.
12- الإجابة ستكون في حدود المساحة الموجودة أسفل كل سؤال.
13- توجد ورقتان فارغتان في انتهاء الكراسة لإتاحة الفرصة أمام الطالب لكتابة تفاصيل جديدة في الإجابة.
14- الأسئلة تشمل المنهج بالكامل وجميعها من الكتاب المدرسي.
15- طريقة الأسئلة عبارة عن اختيار من بين القوسين وأسئلة مقالية صغيرة عبارة عن "علل، وبم تفسر، برهن"
16- الأسئلة تضم جزئيات صح وخطأ في أضيق الحدود.
17- كل لجنة امتحانية سيكون فيها 4 نماذج مختلفة من الامتحان وليس نموذجًا امتحانيًا واحدًا.
18- الاختلاف في النماذج سيكون بتغيير ترتيب الأسئلة فقط وليس بتغيير طبيعتها ومضمونها.
19- تغيير ترتيب الأسئلة في اللجنة الواحدة يقلل الغش لأن السؤال الأول عند طالب قد يكون السؤال العاشر عند طالب آخر
20- في حال نجاح الطالب في تصوير ورقة الأسئلة لن ينجح في تصوير أكثر من 4 أسئلة من الـ50 أو الـ60 سؤالا.
21- توضيح: كل صفحة من صفحات كراسة البوكليت فيها سؤالان على الأكثر.
22- تسريب الامتحان بالكامل على مواقع التواصل الاجتماعي يحتاج أن يصور الطالب 30 ورقة وهذا أمر شبه مستحيل
23- لو نجح الطالب في التسريب سيكون أمامه مشكلة اختلاف ترتيب الأسئلة إذا حاول الاستفادة من الإجابة
24- نظام البوكليت يسهل تأمين الأسئلة حيث ستخرج من مطبعة الجهة السيادية إلى الطالب مباشرة.
25- يتم تغليف كل 20 بوكليت في مظروف سري بشكل إلكتروني لا يتم فتحه إلا مع بدء الوقت الأصلي للامتحان
26- النظام الجديد يمنع رؤساء اللجان من الاطلاع على الأسئلة قبل موعد الامتحان مثلما كان يحدث في الموضع.
27- قديمًا.. كانت الأسئلة تصل لرئيس اللجنة ويوزعها على الفصول حسب عدد الطلاب والجديد أنها مغلفة حسب أعدادهم
28- نظام البوكليت يخفض عدد الطلاب الحاصلين على مجاميع عالية مثل كل عام والطالب المتفوق فقط
نادرًا ما سيحصل أي طالب في الثانوية العامة على مجموع 100%
30- مدة الامتحان 3 ساعات للمواد الأصلية وساعتان للمواد الاستثنائية.
31- من الصعب خروج الطالب من اللجنة قبل انتهاء الوقت الأصلي لارتباط كل سؤال بفترة زمنية للإجابة عليه.
32- سيتم ترجمة نماذج الامتحانات لمدارس اللغات.
33- عند تصحيح الامتحان سيتم الفصل بين النماذج الأربعة ولن توضع في مكان واحد.
34- سيتم وضع كل نموذج امتحان في غرفة أثناء التصحيح وتخصيص مصححين له نظرا لاختلاف ترقيم الأسئلة بين كل نموذج
35- سيتم حذف رقم اللجنة والختم من على البوكليت حتى لا يعرفها مصصحو البوكليت وترقيمها بشكل سري.
36- ممنوع مشاركة المراقبين والمصححين ورؤساء اللجان ممن لهم أقارب في الثانوية حتى الدرجة الثالثة.
37- في النظام الجديد.. اصطحاب المراقب ورئيس الدور للهاتف المحمول جريمة.
38- نظام البوكليت يقلل عدد التظلمات في الثانوية العامة لأن الإجابات مباشرة.
39- رفع نماذج تدريبية للطلاب على موقع الوزارة خلال ساعات لتعريفهم بشكل وطريقة امتحانات البوكليت.
40- إتاحة إبداء الرأي أمام الطلاب عبر استفتاء إلكتروني على موقع الوزارة لإبداء الرأي وإمكانية دراسة المقترحات حول النظام الجديد

أنا 1000قصيدة .... بقلم شاهنده الزيات

في بحور الشعر تعوم ماتعوم لكن على مين
انا1000 قصيدة وحيدة بتشبه شكل ال بني أدمين..
قرب كدة جرب هات الإثم على العناوين
فارق واتغرب واذرف دمع على الماشيين
صحح في مسار مرسوم في خريطة ناس تانيين
قول التضاريس منحوتة عشان توجعنا منين
شكل الإشكال متشكل شوق فالروح والعين
فسؤالي الوقت دا وقت تقدم فيه قرابين
لو حُكم بموتك أكرم ليك من وضع مُشين
في بحور الشِعر تعوم ماتعوم لكن على مين
أنا 1000قصيدة وحيدة بتشِبه شكل ال بني أدمين
قسم أوصالك توصل صوت بالحق يذيع
ارخي ف إسدالك واكتم وجَع الحق يضيع
اعكس لظروف بتجمع خوف روحك تجميع
..
ع الاحتواء بين ميم وصاد والرفع راء يحكمها حبة جرابيع
والنيل مواني والموج يعاني جسد الشهيد ويسيع
والجَمع يهرب م العجز كيف الملوك تشتري لتبيع
والشك ميعاد طول ماحنا بعاد جوا المتاهات في براح تايهين
..
يا حضن كان حالف يسعني لما كنا صغيرين
طاطي لكف الحبُ جوايَ كفاني كفي للحنين تأبين
..
موصول الأصل بصورة وصل ف زيف طريقين
أنا كنت مخبي الحب ف قلبي ورادمه بطين
فخضوعي اتفصل واتفسر اننا أموات
علشان ساكتين
في بحور الشِعر تعوم ماتعوم لكن على مين
أنا 1000قصيدة وحيدة بتشِبه شكل البني آدمين

صباحك خير ... بقلم أشهد سعيد

_صباح بالورد
متحني ،
يضم عيونك الحلوين
ويحلف بيكي ألف يمين
ويقسم بالندا تحبيه ..
يابت خدودها
شانزليزيه !
بناات حوا ..
جميعا ، يشبهوا عبايات
ووحدك عامله زي سواريه
صباحك طعمه
نوتيلا
وشيكولاته ..
ودايبه جوه مج لاتيه
يابت انتي متتعبنيش
وردي عليه طوالي
جمالك ده أسميه ايه !

بعد مماتك ... بقلم أيمن قطب

#مشهد 1
فاكر إنك بعد ممـــــــــــاتك ..
كل الناس دي هتبكي عليك !
فاكــر إن الكون راح يحزن ..
علشان هيودّع معاليــــــك !
إصحى وفوق م النوم يا عبيـط
أخرك صُوره فــ برواز ع الحيط
وكام كومنت وشير ع الفيـــس
ودمعـة حــد وحشته بجـــــــــد
على ضحكه وحبة أحاسيــــس
شالهــــــم قلبـــك مـــره لحـــد
وهدومـك جنـــب التسريحــــه
مش هتسيب منك غير ريحـــه
وعقارب عمرك مصلـــــــوبه ..
مش راح تمشي خلاص النوبه
#مشهد 2
غمّض عينك ..
عِيش المشهد ..
وتخيل إنك فـ جنازتك ..
واتأمــــل فـ وشوش النــــاس
وانت هتعرف حجم غلاوتـك
مين راح يبكي عليك وبحُرقه
مين هتأثر فيــه الفُرقــــــــــه
مين فـ صحابك صان العشره
مين يوم حبك وبـ إخــلاص !!
مين كان أصل ومين كان قشره
ومين بيجامل كده وخـــلاص
مين هــ يوّد أبوك فـــ غيابـك
مين هيخبط يوم علي بابــــك
مين راح يفتكرك م النــــاس
#مشهد 3
بعد شوية بُكــى ونــــواح
الكل هيمشي وهيسيبـــك
لو عاوز روحك ترتــاح ..
لو عاوز تعرف بقا عيبك
دوّر فــ جيوبك ع الخيــر
مِد إيديك لـ إيدين الغــيـر
خُد لك دعوه تونّس قبرك
ربك يعلـــــم وحده الغيب
اكتب حسنة خير من حِبرك
علشان كفنك .. مالهوش جيب

احبها اكثر منك الف الف مرة .... بقلم عادل السمرى

احبها اكثر منك الف الف مرة
ان مدت لى مداسها
اقبلت على الفور نحوها
وقبلته
وعلى رأسى وضعته
وان داستنى بمداسها
اقول لها ادعكينى
وزيدى
تحت رجلك افعصينى
... احبها اكثر منك الف الف مرة
ياحبيبتى
فلا تغارى
واعذرينى

فَصُغنِي .... بقلم هيثم جبل

فَصُغنِي
يا نَبِيَّ الشِّعرِ بيتًا
وأَسكِرْها على عِطرِ الأقَاحِي
أرومُ
لِوَصلِها ، فازددتُ شِعرًا
فَزادَ الشِّعرُ لَيًّا في جَنَاحِي
تَرانِي
اليومَ مَصلوبًا لدَيها
وقد لانَتْ لِعَينَيهَا رِمَاحِي
فَلا رَقَّتْ
ولا فَكَّتْ قيُودي
فزِدْ يا راحُ وطئاً في قِداحِي


متَى مَاذا وأينَ وكيفَ أمحو ؟!
فؤادًا رَامَ بالعِشقِ اجتِيَاحي

نِزلتْ لـ فوق ... بقلم صقر

نِزلتْ لـ فوق ..
طِلعت لـ تَحت ..
مِشيت لـ شروق..
لـقتني فـ فَحت..
جِريت واقِف ..
وِقفت جِريت ..
ألِم الحَظ ..
يُكر الخيط ..
صحيت ثابت..
بنام تنطيط..
أصُب الشاي ..
فـ حَبِة مَلح..
و ماسِك رُمح ..
للـ كتاكيت..
..
أسد / أرنَب ..
"چيري" تَعلب..
وِ "توم" حَويط..
..
وَ عَم بخيت..
سـقى الصالهَ ..
وَ قعد فـ الغيط..
شِرب مِ القُلهَ ..
بُق نِبيت ..
وِ هاتَك "رومبا" عـ "التوني" ..
..
لون السما بُحلقي ..
وِ البَشره كمّوني ..
الأرض لونها خُشاف ..
وِ السُنتيان شفاف ..
أكتب بـ حبري الجاف..
يِطلعـلي "سَتَمُوني"
..
ضاني الزمالِك و لّا دِهن بولاق..
أحلى التوينكيز و لّا فول حراق..
الموسكي شارِع و لّا ده دولهَ ..
أولى نِجازي "لميس" و لّا نُفك عِراق ..
أحلى كلام "بَكري"
و لّا كلام "بوشناق" ..
..
"لاموني الـ غاروا مِني ؛ قّالولي وِ إش عاچبك فيهااا " ..
..
فيها لـ اخفيها..
و اخفيها لو فيها..
و فيها تِخفيني..
تِخفيني لو فيّا..
رشوا الشجر بـ "فلت"
رشوا الكُتب ميّه..
طعم الزتون -شيبسي-
طيني بـ لون جِبسي ..
"عَرق البلح" ثوره..
و لّا ده من سِكسي..
وِ الشاشه تقليه..
..
كُل الـ فات تَهريج..
وِ الحالهَ مِتنعنِشه ..
إلزم يا واد الخِشى ..
الثورهَ سِلميه..

نسيت اللي اتعاهدنا عليه .... بقلم محمد حسين

نسيت اللي اتعاهدنا عليه
نسيت آخر مكان رحناه
وآخر حلم عشّمناه
يعيش وقلوبنا بيه حاسه
نسيت كل الأمل في الجاي
نسيت حبينا بعض ازاي
ورغم اني بقيت نسّاي
لحد عنيكي
مش بنسى
فيا آخر بلاد قلبي
يامعنى التوهه والمرسى
باقيلي تعلميني ازاي
ابيع ودّك في يوم
واقسى

6 وصفات طبيعية نافعة لعلاج ألم عرق النسا

تاتي أعراض عرق النسا على شكل آلام حادة تمتد من أسفل الظهر إلى الكعبين مع الشعور ببرودة وتنمل وبرودة في القدمين ، ألم عند الوقوف لفترات طويلة وغالبا
ما يكون سبب الإصابة بعرق النسا التعرض للبرودة أو رفع أشياء ثقيلة كذلك الحمل والتهاب المفاصل قد يؤديان إلى الإصابة بعرق النسا ولعلاج ذلك ينصح بالالتزام بالراحة وتجنب حمل الأشياء الثقيلة بصفة نهائية وتجنب البرد والنوم على سرير قاس وتوجد بعض الأعشاب والوصفات الطبيعية التي تعمل على تخفيف حدة الألم وتعالج عرق النسا .

وصفات طبيعية مفيدة لعلاج ألم عر النسا ووجع الظهر :
الوصفة الأولى :
يؤخذ مقدار ملعقة من بذور الحرمل تغلى على كوب من زيت الزيتون وتنقع لمدة ثلاثة أيام ثم تصفى ويستعمل كدهان مباشرة على مكان ألم عرق النسا أو وجع الظهر ويكرر ذلك بشكل يومي فإن الألم يخف .
الوصفة الثانية :
يؤخذ مقدار ملعقة كبيرة من الزعتر ، يطحن ويخلط مع ملعقة عسل نحل جيدا ويؤكل من هذا الخليط مقدار ملعقة صغيرة صباحا على الريق أما باقي الخلطة تستعمل كدهان على مكان الألم .
الوصفة الثالثة :
يؤخذ مقدار ملعة كبيرة من البابونج وملعقة من الشعير تغلى المكونات في كوب من
زيت الزيتون وينقع لمدة 10 أيام ثم يصفى ويدهن لألم عرق النسا ووجع الظهر والتهاب المفاصل والوركين فهو مفيد .
الوصفة الرابعة :
يؤخذ ملعقة من الهليون وتطبخ على كوب ماء ويشرب منها المصاب بعرق النسا مقدار نصف كوب صباحا على الريق بشكل يومي حتى تتحسن حالته .
الوصفة الخامسة :
يسحق الملح ويدفأ على نار هادئة قليلا ويدهن به مكان الوجع ويحزم عليه بقطعة شاش لمدة 3 ساعات ثم ينظف فإنه مفيد لألم عر النسا والورك والمفاصل والأصابع .
الوصفة السادسة :
هي عبارة عن تركيبة من الزيوت الطبيعية الفعالة في التخفيف من حدة ألم عرق النسا يؤخذ بكميات مساوية كل من زيت الخردل زيت إكليل الجبل زيت القرفة وتمزج جيدا وتحفظ في وعاء زجاجي محكم الإغلاق ويتم استعمالها كتديك بشكل يومي .
هناك أيضا علاج آخر أخبرنا به رسونا الكريم عليه الصلاة والسلام وهو مفيد ومجرب يؤخذ إلية شاة عربية لاصغير ولا كبير ولا بد من التأكد من أنها عربية خالصة ، تذوب على نار هادئة لا تتعدى درجة حرارة النار 50 درجة ، وتقسم إلى ثلاثة اجزاء ويؤكل منها المصاب مقدار كل يوم جزء صباحا على الريق فإنه يشفى بإذن الله وقد جربها العديد من الأشخاص ونفعت معهم .
رَوَى ابْنُ مَاجَهْ فِي سُنَنِهِ مِنْ حَدِيثِ مُحَمّدِ بْنِ سِيرِينَ عَنْ أَنَسِ بْنِ مَالِكٍ قَالَ: سَمِعْتُ رَسُولَ اللّهِ صَلّى اللّهُ عَلَيْهِ وَسَلّمَ يَقُولُ: "دَوَاءُ عِرْقِ النّسَا أَلْيَةُ شَاةٍ أَعْرَابِيّةٍ تُذَابُ ثُمّ تُجَزّأُ ثَلَاثَةَ أَجْزَاءٍ ثُمّ يُشْرَبُ عَلَى الرّيقِ فِي كُلّ يَوْمٍ جُزْءٌ" فإن هذا الحديث رواه الإمام أحمد وقال إسناده صحيح، وهناك بحوث ودراسات علمية حول هذا الموضوع، فالشاة العربية تتغذى على العشب ، وبالتالي فإن إليتها تحتوى على الدهون غير المشبعة والغنية بأنواع من الدهون تسمى (اوميغا 3)الحموض الأمينية ، وهي حموضة لها فائدة على الجسم عكس الدهون غير المشبعة .
ملاحظة : في حال تم استعمال إلية شاة غير عربية فإنها لن تعطي أي نتيجة .

عمري بعدك سابني وحدي .... بقلم نهى النجار

عمري بعدك سابني وحدي
كان هوايا هواك معنبر
كان غنيا في حضن قلبك معصفر

كان كل سؤال لي في عنيك متحضر
ياظل فارد جناحه علي امبارح جي
يانور وضي يا اصل الحكاية والبداية
يا كل اللي فات بينا ولسه حاضر
مكنش فيه مر و معاك الحلو كان مسكر
يا برد قلبي في بعدك واملي بس انك حي
يا رجفة خطوتي وهي رايحة تزورك
يا ندهتي عليك كل ليلة تطمني وتشد غطي تكفني
ما انا كل ليلة بعدك مت --وانت اللي لسه جوايا حي

تبوس الأرض يخضر التراب ... بقلم عماد طنطاوى

تبوس الأرض يخضر التراب
يطرح سنابل قمح للناس الغلابة
يجيوا الديابة متحامين ف دياب
ياخدوا السنابل غصب ل ديابة
شاربة السنابل حمو جوف م الريق
ترفض وتتمرد بقوة
يزعل و يغضب هوه ع المخاليق
مين دا اللى جاله شجاعة يهب ف فتوة
تفتح سجون الخوف ببانها وتتنصب خوازيق
ف يحوم ملاك الموت
وتدور رحايا الذل بين طحان وقمحة
وتموت جعانة غصب بالنبوت
فتموت على حجرالوجع وماهش مسامحة...!!!

الحكمة والبلاغة فى فنون الرد

ركبت سيدة " سمينة جداً " الباص
فصآح أحد الراكبين متهكما :
- لم أعلم أن هذه السيارة مخصصة للفيلة . . !
فـ ردت عليه السيدة بـ هدوء :
- لا يا سيدي !
... ... هذه السيارة كـ سفينَة نوح !
تركبها الفيلة و( الحمير ) أيضاً !

: الكاتب الشهير : برناردشو
حين قآل له كاتب مغرور ؛
- أنا أفضل منك، فإنك تكتب بحثا عن المال !
وانا اكتب بحثاً عن الشرف .. !
ف قال له برناردشو على الفور :
- صدقت !! كل منا يبحث عما ينقصه !
: الاعرابي الأعمى المعروف :
بشار بن برد
حين قال له رجل ثقيل الدم :
ماأعمى اللّه رجلا إلا عوضه ، فبماذا عوضك أنت ؟
فرد بشار: عوضني بأن لاأرى امثالك !
: تزوج اعمى امرأة ..
فقالت :
لو رأيت بياضي وحسني لعجبت !!
فقال :
لو كنت كما تقولين !!
لمآ ترككِ المبصرون لي
أراد رجل احراج المتنبي ..
فقال لـه : رأيتك من بعيد فـ ظننتك إمـرأهـ !!
فقال المتنبي : وأنا رأيتك من بعيد فظننتك رجل !!
وامرأة قبيحة جدا قالت لرجل :
لو كنت زوجي سوف إسكب في قهوتك سم
فقال : لو كنتي زوجتي فلا أتردد لحظةة واحدة في شربهاا ~o)♡
هذآ مايسمى بـفن الـرّدَ

أنا سلاحك يا بلادي ... بقلم عمرو زين

أنا سلاحك يا بلادي..
ضد الأعادي..
يا بلادي..
ولا يوم..هافاوض..
ولا يوم..هاساوم..
ولا يوم..هاطاطي..
***
أنا سلاحك يا بلادي!
صاين حماك..
صاين ترابك..
صاين سماك...
***
أنا سلاحك يا بلادي!
فداك شبابي..
فدام دمايا..
فداك حياتي...
***
أنا فداك يا بلادي!
ويوم ما يصدر منك..
ندا:
فين ولادي؟
يردوا عني؟
يصنواأمني؟
تلاقيني جنبك..
سلاح في يدك..
يصد عنك..
شر الأعادي..
**
بس انت نادي..
تلاقيني جايلك..
شايل في يديّ..
روحي..
اقدمها فداك..
ما أنا سلاحك..
وأنا صباحك..
وأنا مدافك..وملاحك..
و مستني أوفيّ..
مستني بس..
لحظة نداك..
**
أنا سلاحك يا بلادي!
ضد الأعادي..
يا بلادي..
صاين حماك..
صاين ترابك..
صاين سماك...

كيفية التخلص من رائحه الفم وتسوس الاسنان

حديثنا اليوم يهم الكثير والكثيبر من الناس لان بالطبع ان مظهر الاسنان هو اكثر الأشياء الهامه فى وجه الانسان وخاصة لدى النساء يهتمون جدا بتعديل مظهر اسنانهم باستمرار حتى لا يشعرون بالخجل عند الضحك وسط الاشخاص ولكى تكون اسنانكم بمظهر جميل يجب ان تكون سليمة وخاليه من الطبقات الجيريه المتراكمه عليها ومن التسوس ايضاً . من
اذا كنت تعانى من تسوس الاسنان فقد حان الوقت للتخلص منها فى يوم واحد فقط عن طريق!!
حديثنا اليوم يهم الكثير والكثيبر من الناس لان بالطبع ان مظهر الاسنان هو اكثر الأشياء الهامه فى وجه الانسان وخاصة لدى النساء يهتمون جدا بتعديل مظهر اسنانهم باستمرار حتى لا يشعرون بالخجل عند الضحك وسط الاشخاص ولكى تكون اسنانكم بمظهر جميل يجب ان تكون سليمة وخاليه من الطبقات الجيريه المتراكمه عليها ومن التسوس ايضاً .

من أكثر الأمور التي تؤدي الى وجود التسوس في الأسنان هو تناول السكريات بكثرة وخاصة الحلويات الشرقية، والأطفال يعانون من التسوس بكثرة بسبب كثرة الحلويات التي يتناولونها والتي تحتوي على نسبة عالية من السكر بالإضافة الى مواد أخرى لها تأثير سلبي على الأسنان بشكل خاص وعلى الصحة بشكل عام.
كما ان تسوس الاسنان يتسبب لك فى اكثر الامور احراجاً على الاطلاق وسط الاشخاص وهو رائحة الفم الكريهة الى جانب الآلام الكبيرة والتي تكون غير محتملة في كثير من الأوقات حتى لو تم أخذ المسكنات وفي هذه الحالة تتطلب الذهاب الى الطبيب الخاص بالأسنان..
مكونات الوصفه :
ملعقه من الكركم المطحون
ملعقة صغيره من زيت جوز الهند
نصف ملعقه صغيره من الملح
ملعقة صغيرة من زيت القرنفل.
الطريقة
اخلطى كل المكونات معا فى وعاء زجاجى صغير واستمعليه بواسط الفرشاه وفرشى اسنانك به مرة واحدة يوميا وستشعرين بالفرق من اول مره.