تحميل راوية يسمعون حسيسها ... بقلم د/ ايمن العتوم

هي رواية لقصة حقيقية بدأت احداثها منذ 30 سنة مضت تقريبا ، تحكي عما عاناه الدكتور اياد أسعد من تعذيب خلال فترة سجنه في سجن تدمر بتهمة الانضمام للاخوان ؛ يروي لنا باسلوبه الرائع و السلس تفاصيل احداث و يوميات هذا السجين الذي شاركه الالاف هذا الجحيم بكل ما تعنيه الكلمة ..، سنوات تعرض فيها هؤلاء السجناء من شخصيات مثقفة و متعلمة كل ما سلب منهم كرامتهم و انسانيتهم و ابسط حقوقهم ... سنوات لم يتجرأ هؤلاء على رفع رؤوسهم لرؤية معذبيهم ممن نسوا انهم بشر و مارسوا ساديتهم و رغباتهم المريضة على هؤلاء السجناء
تأخذك الرواية بعيدا عن واقعك .، تجعلك ترى ما يمكن للنفس البشرية ان تتدنى اليه ؛ تجعلك مندهشا كيف يمكن للايمان ان يتغلب على هذا الالم و كيف للامل ان يحمي من الياس و كيف يمكن ان يكون الانسان بطبعه نورا في غابة الظلام ..، تجعلك تسأل اي شجاعة هذه و اي قلوب تلك التي تجعل من يتم مناداتهم كل صباح للاعدام ان يخرجوا مبتسمين متفائلين مقبلين على الموت كانه الحياة ... تعيشك الرواية اسوأ الاحاسيس التي يمكن ان تمس النفس البشرية و ارقاها كذلك
فلا تعرف كيف يمكن لرواية في أدب السجون ان تكون بهذه الروعة بعد انهائها ... ثم تتذكر انها تحفة العملاق #اأيمن_العتوم - الكتاب ده مش مجرد وصف لمعتقل "تدّمر" ف سوريا ولا انواع العذاب المستخدم لكنه هايحجزلك مكان داخل الزنزانة تسمع الأنين وترى الاهوال وتشم رائحة الدم مختلطة بدموع الذل والمهانة ، تجربه قاسية ورهيبة هاتغير من تضاريس روحك نفسها لا أدري بأي قلمٍ خطّت هذه الرواية الرهيبة
أكدت لي وجود شياطين على هيئة بشر
لا أدري كيف استطعتُ إتمامها رغم الآلام المحبوكة في كل سطرٍ منها، كيفَ كان بقلبي متسع لتلك المأساة الضخمة عن كل المعتقلين في سورية وغيرها،
مزيجاً من الدموع والأسى والحسرة تنازعت في داخلي طيلة قراءتي لها .. تعايشتُ بها في كل زاوية حتّى اخترقت فؤادي.. وربّما سحقَتهُ، كأنّها خُطَّت من دماءٍ وحجر على صفحاتٍ من جحيم
قبضَتْ على قلبي في بعض اللحظات وأحدثت شرخاً عظيماً فيه
كدت لا أصدق أنواع التعذيب التي تقشعر لها الأبدان وتدمي بها القلوب
كدت لا أصدق وجود بشر أحياء في مقابر لشياطين تتسلّى في تعذيبهم
وكيف أن الموت أرحمُ بكثير
أيّ قلوب تلك التي يحملوها في صدورهم..
وأين نحن من صبر هؤلاء..
                                                   تحميل الرواية

تحميل كتاب مع النبى العالم قبل الاسلام

يقول نبي الإسلام - صلى الله عليه وسلم - { إنّما بُعِثْتُ لأتَمِّم مكارِم الأخلاق }..
يعتريني سؤال -هنا- مهم دائمًا، يراودني، يحتل جزء مهم من عقلي، لماذا تبدأ كتب السيرة دائمًا بوصفٍ للعالم قبل الإسلام؛ قبل مجئ النبي محمد؟؟!
في كتب الفقه يبدأ الحديث عن الطهارة لأنها شَطْر -نصف- الإيمان، فهل وصف العالم قبل الإسلام هو نصف ما ترمي إليه السيرة النبوية؟!

                                               تحميل الكتاب

من خلال قرائتي للادب الاسلامي

من خلال قرائتي للادب الاسلامي و كتب عشان افهم ديني و ابقي مسلمه بإقتناع مش بالوراثه .. جه فِ بالى سؤال كلنا سألناه ، هو مين الِ خلق ربنا ؟؟ 🐸
السؤال دا خلى ناس كتير تلحد لمجرد عدم الوصول لإجابته .
السؤال دا بييجى فى بالى و اكيد بييجي فِ بال اى حد .. وبنحاول نستغفر ونبعد التفكير دا عن عقلنا ..
و دا كان أول سؤال بديهي اسأله اما كنت صغيره و كان لازم افهم و اعرف الاجابه مقولش استغفر الله و حرام اسأل عشان لما اكبر و طفل يسألهولي اعرف اجاوب مش اقوله روح ماما بتنادي عليك .. و بصراحه لقيت اجابات جميله اوي و منطقيه من علماء و مشايخ كتير ..
د. مصطفي محمود جاوب علي السؤال دا اجابه منطقيه جداا ..
قال السؤال دا فيه ( مغالطة منطقية ) .. يعني ايه ؟؟ .. يعني اما اسألك مين خلقك و خلق الكون ده ؟ هتقولي " ربنا " .. اذن انت معترف ان ربنا خالق .. يعني انت بتسألني :
( ربنا الِ خالق الكون و خالقك ، مين الِ خلقه ؟ )
انت كده حولت ربنا من خالق لمخلوق فِ نفس الجمله !! ، انت كده بتناقض نفسك .. و بعدين تعالي نمشي معاك للاخر ..
و لنفترض جدلاً إن فِ إله خلق ربنا ..
هتقولي طيب مين الِ خلق الإله ده ؟؟ هقولك إله أكبر هتقولي مين خلق الاله الأكبر و بالتالي هندخل في حلقه مفرغة زي بالضبط الحلقه المفرغة الِ وقع فيها علماء الرياضه اما بحثوا عن أكبر الاعداد .. لو قولت اكبر الاعداد ديشيليار هقولك خليها ديشيليار و واحد ، ديشيليار و اتنين و هكذا هتقولي تريليون هقولك ترليون و واحد ..
اذن الحلقه المفرغة دي لازم يبقي ليها أول مفيش قبليه.. و ربنا هو الأول و الاخر ...
الامام الشعراوي بقي جاوب اجابة أجمل ..
الفعل يعني حدث و الحدث لازم يكون مقترن بزمان او مكان .. اما اقول السفينه دي صُنعت .. مش ( صُنعت ) دا فعل ( ماضي ) ؟؟ ها ؟ ... طب يعني انت بتتكلم فِ زمان اهو ..
اذن أي حدث يحصل فِ الكون الِ احنا عايشين فيه دا لازم يقترن بزمان او مكان لان العالم بتاعنا 4 ابعاد .
3 ابعاد مكان و بُعد رابع الِ هو الزمان طبقاً لنظرية النسبيه
لكن انت بتسأل من خلق لله اذن انت بتسأل عن حد (وُجد ) و ( خلق الله ) و دول فعلين ماضيين يعني يندرجوا تحت بُعد الزمان و ربنا مش موجود في عالمنا اصلااا
مش موجود ضمن ابعاد الزمان و المكان الِ انا وانت فيه لان ببساطه ربنا الِ خلق الزمان و المكان اصلاً :D !
فَ ربنا لا يمتثل لقوانين العالم الِ هو خلقه ، تخيل انك جبت خشب و بنيت بيت صغير لعصفور هل انت مجبر تعيش فِ البيت الِ انت بنيته ده ؟؟ اكيد لا طبعاً ، ولله المثل الاعلي ، اذن فسؤالك مغلوط .
طب لو انت لسه بتتعرف علي حد دلوقتي هتساله خلف ولا لسه ولا المفروض تسأله الاول اتجوز ولا لسه ؟
الاجابة : لا المفروض اسأله الاول اتجوز ولا لا ، لو قالي اها اتجوزت ساعتها اساله خلف ولا لا
طب تمااام اوي
طب يعني لو قالك متجوزش هل سؤالك عن الخلفه هيبقي له معني ؟
الاجابة : لا طبعا هيبقي سؤال غبي :D
تمام .. يبقي انت المفروض قبل ما تسألني ( مين خلق ربنا ) المفروض تسألني سؤال قبليه :D ( هو ربنا اتخلق ؟؟ ) لو قولتلك اها يبقي أسالني سؤالك .. لكن لو قولتلك لا يبقي سؤالك ملوش معني :D .. و الاجابه ان ربنا متخلقش لانه مش مخلوق اذن سؤالك ليس له محل من الإعراب ..
مش عيب ولا حرام ان الواحد يسأل لكن العيب اننا نخاف نفكر او نسأل لنوصل للالحاد . بالعكس الامام الغزالي كان هو مؤسس منهج الشك و قال " الشك طريق الوصول إلي اليقين " .. العيب ان اما يجي طفل يسالني اقوله ماما بتنادي عليك "
العيب ان ابقي جاهله و استمر فِ جهلي لمجرد الخوف
إقرأ و اتعلم و افهم الدنيا و الدين دى حتى اول كلمه نزلت في القرآن كانت إقرأ ياعم
" لم يلد و لم يولد ولم يكن له كفوا احد" 😌

سألت نفسي عن أسعد لحظة عشتها ..؟؟

سألت نفسي عن أسعد لحظة عشتها ..؟؟
ومر بخاطري شريط طويل من المشاهد ... لحظة رأيت أول قصة تنشر لي .. ولحظة تخرجت من كلية الطب ... ولحظة حصلت على جائزة الدولة في الأدب .. ونشوة الحب الأول والسفر الأول..والخروج إلى العالم الكبير متجولاً بين ربوع غابات
إفريقيا العذراء .. وطائراً على ألمانيا وسويسرا والنمسا وإيطاليا وإنجلترا وفرنسا وأمريكا .. ولحظت قبضة أول ألف جنيه .. ولحظة وضعت أول لبنة في المركز الإسلامي بالدقي..استعرضت كل تلك اللحظات وقلت في سري لا ... ليست هذه اللحظة

بل هي لحظة اخرى ذات مساء ... لحظة اختلط فيها الفرح بالدمع بالشكر بالبهجة بالحبور حينما سجدت لله فشعرت أن كل شيء في بدني يسجد ... قلبي يسجد ... عظامي تسجد ... أحشائي تسجد ...عقلي يسجد ...ضميري يسجد ... روحي تسجد...
حينما سكت داخلي القلق وكف الاحتجاج ورأيت الحكمة في العدل فارتضيته، ورأيت كل فعل الله خير، وكل تصريفه عدل، وكل قضائه رحمة، وكل بلائه حب ... لحظتها أحسست وأنا أسجد أني أعود إلى وطني الحقيقي الذي جئت منه وأدركت هويتي وانتسابي وعرفت من أنا ... وأنه لا أنا ... بل هو .... ولا غيره...
انتهى الكبر وتبخر العناد وسكن التمرد وانجابت غشاوات الظلمة وكأنما كنت أختنق تحت الماء ثم أخرجت رأسي فجأة من اللجة لأرى النور وأشاهد الدنيا وآخذ شهيقا عميقا وأتنفس بحرية وانطلاق ... وأي حرية .. وأي إنطلاق يا إلهي ... لكأنما كنت مبعدا منفيا مطرودا أو سجينا مكبلا معتقلا في الأصفاد ثم فك سجني ... وكأنما كنت أدور كالدابة على عينيها حجاب ثم رفع الحجاب ...
نعم ... لحظتها فقط تحررت.
نعم ... تلك كانت الحرية الحقة ... حينما بلغت غاية العبودية لله. وفككت عن يدي القيود التي تقيدني بالدنيا وآلهتها المزيفة ... المال والمجد والشهرة والجاه والسلطة واللذة والغلبة والقوة ...
وشعرت أني لم اعد محتاجا لأحد ولا لشيء لأني أصبحت في كنف ملك الملوك الذي يملك كل شيء ...
كانت لحظة ولكن بطول الأبد ... نعم تأبدت في الشعور وفي الوجدان وألقت بظلها على ما بقي من عمر ولكنها لم تتكرر ... فما أكثر ما سجدت بعد ذلك دون أن أبلغ هذا التجرد والخلوص وما أكثر ما حاولت دون جدوى ... فما تأتي تلك اللحظات بجهد العبد ورغبته بل بفضل الرب ...
ولقد عرفت في تلك اللحظة أن تلك هي السعادة الحقة وتلك هي جنة الأرض التي لا يساويها أي كسب مادي أو معنوي
يقول الله سبحانه لنبيه عليه الصلاة والسلام (واسجد واقترب) 19 – العلق.

إِنَّي رَمَيْتُگِ فيِ بَقاياْ خَاطِرّي ... بقلم أحمد الخطيب

لَمْلِميِ اْلشَّوقَ الْمُبَعثَرَ وَادْمَعيِ 😢
مَا عَادَ يَقْبلُهُ اْلفُؤادُ وَأَضْلوْعّيِ
إِنَّي رَمَيْتُگِ فيِ بَقاياْ خَاطِرّي 📖
وَحَسِبْتُ حُبَگِ مِنْ جُنُونِ صَوَانِعّي
تبّاً لِقَلْبيِ حِيْنَ آمنَ مِثْلُكّيِ 💘
عَجَلُ الْخِيارِ وَظنَّ أنَّهُ نَافِعّيِ
إنَّيِ رَسَمْتُكِ فيِ خَيَالْيِ أَميِرةً 👸
تَمشيِ الْهُوَيْناَ فيِ زِحامِ شَوَارِعيِ
وَأَنا بِشَوْقٍ خَلْفَ نَْعلَگِ تَابِْعاً 👠
أَمْشيِ وَقَلْبِي فيِ هَوَاگّيِ مُلَوّعِيِ
ماَ گُنْتُ أَعْلمُ أنَ غَدْرَگِ صَائِبْيِ 💔
وَعلىَ يَداگّيِ تَگُونُ نَارُ مَوَاجِعّيِ
أنَا لاْ أَنُوحُ اْلقَوْلَ عِندَ گِتْابَتيِ 📝
لاگنْ أُقِرُ حَمَاقَتّيِ وَقَوَارِعْيِ
تِلگَ الْعِيُونُ الْخَادِعَاتُ تَبَيْنواْ 👀
لا سِحْرَ بَعدَ اْلآنَ مِنْهُم قَامِعّيِ
أَلْقِي الْغَشَاوَةَ فَوْقَهُمْ وَتَغيْبيِ

وانا قلبي متغرب ؟ ... بقلم ياسين السيد

ياللى انتى حبك زيف وعنيكي اغنيه
روحى اللى كت ليا /
مَلِّت سنين السَمْع
قلبي اللى كان مركبه بتطوف بلاد وقلوب
بقى كيف صبي مصلوب /
خانق وريده الدَمْع
وان كنتى فعلا دوا
دليني كيف يرتاح
عصفور عنيه للسما
لكن ناقصله جناح
الخوف ضلوع صبار
بتضُم روحى بشوق
فيسيل نزيفى سنين
من ليل مالوهش شروق
وتبانى رغم القسى
وقت الغياب أقرب
فقوليلي كيف هسكنك
وانا قلبي متغرب ؟

السلام عليكم

السلام عليكم يا من سرقتم القلوب والاحلام وفي بعادكم عني هجرتني السعادة والمنام... 

قصة طريفة تستحق إنها تتحكي عن غامبيا

غامبيا كمان ليها قصة طريفة تستحق إنها تتحكي: سنة 1994 كان فيه ضابط عمره 29 سنة، قرر يقود مجموعة من الضباط الصغار للاستيلاء علي الحكم في غامبيا، دولة صغيرة في غرب أفريقيا محاطة من كل حدودها البرية بالسنغال، وعدد سكانها دلوقت أقل من 2 مليون، الانقلاب نجح، وطبعا بقية القصة معروفة، قائد الانقلاب -اللي اسمه يحيى جامع- اترشح للرئاسة، وكسب، وفضل راكب في السلطة ومدلدل رجليه لمدة 22 سنة، يحيي جامع حكم البلد بالحديد والنار، اعتقالات وقتل وتعذيب والباكدج السلطوي اللي احنا عارفينه كويس ومجربينه كتير.
لحد هنا القصة عادية جدا ومتكررة ومفيهاش جديد، لكن المشكلة إن جامع ده فوق إنه كان ديكتاتور فهو كان شخص مجنون فعلا، نسخة طبق الأصل من القذافي حرفيا وبدون مبالغة، رقى نفسه من رتبة ملازم لعقيد، وكان بيوصف نفسه بـ "فخامة رئيس الجمهورية والقائد الأعلى للقوات المسلحة، الشيخ البروفيسور الحاج الدكتور، قاهر النهر، وناصر الدين يحيى عبد العزيز جيموس جونكونغ جامي"، اللقب كله كدة علي بعضه :D
كان بيقول علي اللي بيعارضوه "طفيليات"، ومكنش عنده مشكلة انه يتوصف بالديكتاتور، ولما أي صحفي أجنبي كان بيقوله الناس بيتهموك بالديكتاتورية كان بيألش ألشة سخيفة كدة ويقوله :"أيوة أنا ديكتاتور تنمية" هاهاها، بل بلغت بيه الوقاحة إنه لما اتسأل عن موت المعارضين داخل السجن جاوب ببرود شديد نصا كدة : "أين هي المشكلة؟، الكثير من الناس يموتون في الحجز أو أثناء الاستجواب، هذا أمر شائع"
جامع كان برضه عايش أوي في دور القائد اللي بيعادي الاستعمار والامبريالية، وفي 2014 حظر استخدام اللغة الانجليزية كلغة رسمية لأنه بيعتبرها من "إرث الاستعمار"، وسحب عضوية غامبيا من المحكمة الجنائية الدولية، ولما منظمة العفو الدولية وبان كي مون اعترضوا علي اغتيال معارض في السجن، جامع قال لبان كي مون ببساطة "اذهب للجحيم".
عجايب جامع موقفتش عند السياسة، كان برده لابس وش التدين، أعلن إنه هيحول بلده لـ"دولة إسلامية"، ويُنقل عنه إنه قال إنه مش هيسلم السلطة لحد "أقل تدينا منه" ،وتقريبا لقب جامع ده كان واخده لزوم المشيخة برده، وهو كان بيعتبره نفسه أعظم أطباء عصره، فأعلن بفخر إنه اخترع علاج للربو والصرع، وشوية شوية فجر المفاجأة وأكد إنه قدم خدمة عظيمة للبشرية واخترع علاج للإيدز، وطلب المواطنين المصابين إنهم يروحو المستشفيات ياخدوا الدوا ده فعلا، وطبعا الناس راحت، ولقت الحوارات دي كلها فنكوش - شايفك ياللي بتلقح بالكلام :D -.
آخر مفاجآت يحيي جامع كانت في آخر السنة اللي فاتت، لإن كان فيه انتخابات رئاسية، وكان طبعا الكل متوقع إنه هيفوز بيها، مهو أصله مش بقاله 22 سنة بيحكم وهيسيبها دلوقت يعني، لكن المفاجأة إن لجنة الانتخابات أعلنت إن جامع خسر فعلا، وإن مرشح أحزاب المعارضة "آدام بارو" هو الفائز بمنصب الرئيس، والمفاجأة الأكبر إن جامع أعلن تقبله للنتيجة ساعتها فعلا، وكان فيه حالة من الذهول جوة وبرة من ازاي ديكتاتور دموي زي ده تبقي نهايته هادئة وهزلية وكاريكاتورية بهذا الشكل.
لكن جامع، وبشكل تقليدي تماما، قرر إنه ميخيبش ظن الجميع فيه، شوية وأعلن إنه مش متقبل الخروج بالشكل ده، وطعن ع النتيجة وقالك مش هسيب غير أما يفصلوا في الطعن، لعب عيال يعني.
طبعا الكلام ده جر عليه انتقاد الجميع، المعارضة تمسكت بفوز "آدم بارو"، والأفارقة مبيحبوش اللي يبين إنه واخد السلطة دراع وقفش كدة، يعني انت كرئيس ممكن تزور انتخابات، تحكم طول العمر، والناس هتعمل مش واخدة بالها، إنما تاخدها فتونة كدة الأفارقة بيتدخلوا علي طول، السنغال تحديدا جامع كان عامل مشاكل معاها، طبعا مفيش مقارنة أصلا بين القوة العسكرية والبشرية بين الدولتين، فضلا عن إن غامبيا محاطة بالسنغال من كل الجهات بشكل يخليها أشبه بمدينة سنغالية صغيرة لا أكثر، والسنغال أعلنت إن جامع لو مسابش الكرسي في الموعد المحدد بالذوق، هتخليه يمشي بمعرفتها :D
جامع نشف دماغه، وقال عليا الطلاق منا ماشي، والمعارضة أعلنت إن هيتم تنصيب بارو في منصب الرئيس يوم 19 تحت اي ظرف، هيعملوها في السنغال لو معرفوش يعملوها جوة البلد، وجامع ركب دماغه، وخلي اللبرلمان يطلع قرار بمد فترته 3 شهور كمان.
القاضي اللي كان مفروض يحكم في الطعن بتاع الانتخابات هرب، جامع حاول يجيب قضاة من دول تانية يمشوا المصلحة بس الدنيا فشلت، السنغال ونيجيريا حطت قواتها ع الحدود، والتصريحات كانت واضحة ومكررة إن جامع لو ممشيش، هيتفشخ.
موريتانيا والمغرب حاولوا يلموا الدنيا دبلوماسيا كدة ويعقلوا الراجل، وواحدة واحدة أركان حكم جامع بدؤوا ينطوا من المركب، الوزراء بيخلعوا ويهربوا، وقائد الجيش قالك أنا مش هدخل جنودي في حوارات سياسية وملناش دعوة، وليلة الجمعة كانت قوات الجيش السنغالي اتدخلت فعلا، والدايرة كانت بتضيق علي جامع بسرعة البرق، لغاية ماضطر.
تحت الضغط والتوسل، الأفارقة قرروا يدوا جامع فرصة أخيرة لغاية النهاردة، وفي خلال ساعات، جامع يا هيكون اعتقل، يا اتقتل، يا هرب برة البلد.
جامع في 2011 كان ليه تصريح شهير جدا، لما أعلن إنه هيفضل يحكم بلده لمدة "مليار عام"، وبعدها بخمس سنين كان مطرود من السلطة شر طردة، نستفيد من ده إيه ؟
الدنيا دوارة، ويا ريت ما يبقوش يعرضوها أوي...

ساعِة سَلام .. بقلم صقر

وِينِك يآ دار خَدْ اِلعِنَب ..
تايهْ أنا فـ شارِع خَشَب ..
وِينِك وِ بابِك وِ العَتَبْ ..
مِحتاج أنام ..
ساعِة سَلام ..
دون الجيوب وَ لا حِيلتي كام ..
دون اِلعتَب ..
..
ناوليني مِن نَخلِك رُطَب ..
وِ القُلهَ مَيّة طَلّتِك ..
وِ كاسين "قّناعهَ" بـ إن بُعدي -لَحظه- موت ..
إني أموت ..
جَنبِك جعان مَكسَبْ ..
عَن مُعاشرة عيش "كَفيل" ..
وِ إن ليل ..
الحُوجهَ زايل لا محالهَ ..
ليّا نِجمهَ ..
وَ ألف هالهَ ..
ليكي جَنهَ بـ "صَبر" ثابِت ..
ليكي عُمري بـ كُل رابِط ..
تِرضي بيّا..
بـ أي حالهَ ..
وَ أرضى بيكي ..
دِرع ليكي ..
مِ الحواشي..
وِ بَطريّرك لـ ذاك كِرازهَ عَفيّجِيَهَ ..
فَلسفيهَ ..
سامِريّهَ ..
قالِت إن الغُربهَ سِكهَ لـ حِلم لُولي ..
يلّا قُولي ..
لَم يِهزِك بَطش عُصبهَ داروا "يُوسِف"
مِدي كَفِك ..
راح تِطولي..
تَمر يُوسِف ..
ثُم راحهَ فـ العصاري ..
مهما هيكون إختياري ..
أو هِتافي بـ الولاء ..
أو مساري..
دين تُرابِك مِلّتِي ..
لو راياتِك يوم هـ تِنهَج رفرَفهَ ..
ضَهري ليها..
ألف ساري ..

عبارة في منتهي الغباء

الدنيا مابتديش كل حاجة...عبارة في منتهي الغباء...اللي بيدي أو بيمنع هو اللي خلقها..واللي خلقها مين قال أنه مابيديش كل حاجة...اختص بعض خلقه بالملك والحكمة وكمان النبوة..واختص البعض الآخر بالعلم والمال والبنين...وهو الكريم الذي لا حدود لعطائه.. والمنح والمنع ليس له قواعد نعلمها بمعني لا نستطيع أن نقول إذا أعطي كذا ففي المقابل يمنع كذا...فالمنح والمنع لحكم يعلمها جل شأنه..اللهم ارزقنا الرضا بما تفضلت علينا والصبر علي ما منعت عنا واجعل لنا فيما أعطيت أو أمسكت الخير لنا

يُغَنِّي في الهَوى لحنًا ... بقلم هيثم جبل

سأخلِقُ كوكبًا للعشقِ أسكُنُهُ
وأُسكِنُهُ بقايا الروحْ ...
فهذا القَلبُ قد ضلَّتْ مساعِيهِ
وفي سفحِ الجبالِ ينوحْ ...
أزيلي الآهَ في رِفقٍ فها جسَدِي
يُغَنِّي في الهَوى لحنًا
على عودٍ لهُ مبحوحْ ...
فزيدي شَدَّ أوتاري
ليَعلوا صوتِيَ المذبوحْ ...
غَداةَ البَينِ ألقاكِ
لأُلقي فوقَ نَوحِ الطيرِ أوجاعِي
وأرسمُ نَجمةً لليلِ تحرسهُ ،
على طَللي سأُلقِيها ،
لعَلَّ الصبحُ يا ليلى ،
هنا بالخافِقَينِ يَلُوحْ ...

حفل وداع سينيمائي

حفل وداع سينيمائي بمعنى الكلمة لأوباما (المفوّه)، من حق الأمريكيين يفخروا بيوم زي دة حتى ولو اللي جاي بعد أوباما هو ترامب!
أفكار كتير عدت على دماغي صعب أعبر عنها أو ألخصها، بس اللي لسة عايز يعرف إزاي ممكن وطن يتبني على قواعد، يخش يتابع آخر كام فيديو على صفحة البيت الأبيض … واللي مش متابع الصفحة من بدري فايته كتير.
تحديث:
اللي فاضي يتفرج على كلمة ترامب اللي شغالة دلوقتي هيتبسط جدا …
ليها بث على صفحة الجارديان …
واضح إننا هنبقى منتظرين خطابات (رئيسين) على سطح كوكب الأرض المسكين عشان نرفه عن نفسنا

ميت مليون تعجب ... بقلم محمد فاروق

كونك اساسا مننا صنف البشر
نظرية محتاجة لمراجعة و تصحيحات
كون ان عيشتك بيننا مش فوق القمر
لا يستدل عليها انك م البنات
حطي جنبك الف ميت مليون تعجب
جري تحت وجود سعادتك الف خط
لما كنت غريق دعيت متسابش وحدي
فاتوجدتي ف وسط بحري بالف شط

متفصله ليك بالمقاس .... بقلم مروة كامل

بستني ساعة الشقشقه
الوحده حبل المشنقه
كل الحواري الضيقه
متفصله ليك بالمقاس
" نفض تراب العتمه م الاحساس "
الروح بتعزف زقزقه
كل البنات متزوقه
كل الجراح كات سأسأه
لسعاده فيك تنداس
" انهش ساعات العدل م الانجاس "
الضحكه فيك اصلاً قدر
والصبر فيك شيئ مُعتبر
قول للهموم حالنا انجبر
والرّك ع الاخلاص
" ثبت بواقي الفرحه جوا الناس " .

اقترب للناس حسابهم وهم فى غفلة معرضون

احنا رايحين نقابل حد مهم او لو عندنا مناسبة مهمة بنبقا عمالين نجهز من قبلها بفترة عشان نطلع بأحسن صورة
طب بالنسبة للمقابلة الاهم اللي هانختم بيها حياتنا او بمعني ادق اللي هانحصد فيها اللي زرعناه ف حياتنا مقابلة "ربنا" !!!! ياتري بنجهزلها ازاي وهي مالهاش معاد معروف غير انها ممكن تكون ف اللحظة دي
الموت قريب اوي اوي اقرب من النفس اللي بنتنفسه واحنا لسه بعيد اوييييي عن اننا نبقا اد المقابلة الاخيرة والاهم واللي هايترتب عليها اخرتنا
انا مش خايفة من الموت انا مرعوبة ومش بكئبكم بكلامي والله ، بس حبيت اقول الكلام ده يمكن اي حد يفوء بسببه وبفوّأ نفسي قبل اي حد لاني مهما عملت بحس اني ماعملتش حاجة ومش جاهزة
الموت هو الحقيقة الوحيدة ف حياتنا كلها الكلام عنه مش كآبة
ربنا يهدينا جميعاً قبل فوات الاوان

ماهي آيات السكينة وفضلها

قال الرجل :-
زرت إحدى قريباتي في المستشفى بعد ولادتها وكانت حالتها النفسية صعبة لا تريد أحدا ولا تكلم احدا
فبعد أن رأيتها بهذه الحالة قرأت عليها آيات السكينة فنامت تلك المرأة بعد القراءة وإرادة الله تعالى والتوكل عليه..
ذهب الرجل فما إن جاء الصباح اتصلت عليه وقالت له : ماذا فعلت بي والله إني نمت نوما هنيئا وكأنها إبرة مخدر وصحوت وأخذت ابني وتغيرت حالتي.
فما السبب ياترى ؟؟؟؟؟
فمن أصيب بالهم والحزن والقلق والارق وشدة الغضب وإيذاء شيطاني وجميع الأمراض الروحيه والنفسيه عليه بقراءة آيات السكينة
فما هي؟
آيات السكينة
سورة البقرة 248
﴿وَقَالَ لَهُمْ نَبِيُّهُمْ إِنَّ آيَةَ مُلْكِهِ أَنْ يَأْتِيَكُمُ التَّابُوتُ فِيهِ سَكِينَةٌ مِنْ رَبِّكُمْ وَبَقِيَّةٌ مِمَّا تَرَكَ آلُ مُوسَىٰ وَآلُ هَارُونَ تَحْمِلُهُ الْمَلَائِكَةُ ۚ إِنَّ فِي ذَٰلِكَ لَآيَةً لَكُمْ إِنْ كُنْتُمْ مُؤْمِنِينَ﴾
سورة التوبة 26
﴿ثُمَّ أَنْزَلَ اللَّهُ سَكِينَتَهُ عَلَىٰ رَسُولِهِ وَعَلَى الْمُؤْمِنِينَ وَأَنْزَلَ جُنُودًا لَمْ تَرَوْهَا وَعَذَّبَ الَّذِينَ كَفَرُوا ۚ وَذَٰلِكَ جَزَاءُ الْكَافِرِينَ﴾
سورة التوبة 40
﴿إِلَّا تَنْصُرُوهُ فَقَدْ نَصَرَهُ اللَّهُ إِذْ أَخْرَجَهُ الَّذِينَ كَفَرُوا ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا ۖ فَأَنْزَلَ اللَّهُ سَكِينَتَهُ عَلَيْهِ وَأَيَّدَهُ بِجُنُودٍ لَمْ تَرَوْهَا وَجَعَلَ كَلِمَةَ الَّذِينَ كَفَرُوا السُّفْلَىٰ ۗ وَكَلِمَةُ اللَّهِ هِيَ الْعُلْيَا ۗ وَاللَّهُ عَزِيزٌ حَكِيمٌ﴾
سورة الفتح 4
﴿هُوَ الَّذِي أَنْزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَانًا مَعَ إِيمَانِهِمْ ۗ وَلِلَّهِ جُنُودُ السَّمَاوَاتِ وَالْأَرْضِ ۚ وَكَانَ اللَّهُ عَلِيمًا حَكِيمًا﴾
سورة الفتح 18
﴿لَقَدْ رَضِيَ اللَّهُ عَنِ الْمُؤْمِنِينَ إِذْ يُبَايِعُونَكَ تَحْتَ الشَّجَرَةِ فَعَلِمَ مَا فِي قُلُوبِهِمْ فَأَنْزَلَ السَّكِينَةَ عَلَيْهِمْ وَأَثَابَهُمْ فَتْحًا قَرِيبًا﴾
سورة الفتح 26
﴿إِذْ جَعَلَ الَّذِينَ كَفَرُوا فِي قُلُوبِهِمُ الْحَمِيَّةَ حَمِيَّةَ الْجَاهِلِيَّةِ فَأَنْزَلَ اللَّهُ سَكِينَتَهُ عَلَىٰ رَسُولِهِ وَعَلَى الْمُؤْمِنِينَ وَأَلْزَمَهُمْ كَلِمَةَ التَّقْوَىٰ وَكَانُوا أَحَقَّ بِهَا وَأَهْلَهَا ۚ وَكَانَ اللَّهُ بِكُلِّ شَيْءٍ عَلِيمًا﴾
الكثير من المؤمنين محتاج لهذه الآيات فلا تحرم نفسك الأجر و لا تكن أنانيا فتحرمهم منها.. شاركها مع من تحب .
و الحمد لله رب العالمين

عشان خاطرك ... بقلم محمد بدر

عشان خاطرك
نسيت نفسى
ونسيت
كل اللى كان
وكان نفسى
ومن حزنى ومن يأسى
نسيت اللى كنت
بحلم بيه زمان
وتعبنى الشوء
ورضيت
ب الوحده والحرمان
ماحلمتش
يوم يجمعنا مكان
مرسمتش حلم
للأيام
ما اتكلمتش
وعلى جرح العمر
بقوم وبنام
مافيش فى الدنيا أمان
ومن يأسى
عشقت النار
ماسألتش ليه
أنا قلبى أخطار
عشان خاطرك
رضيت ب المر
أنا اللى عشت
عمرى حر
ومن ايدك وانا راضى
شربت مرار
ودى الأقدار
ومين فينا
يا حب
يقدر يختار
وعشت سنيين
فيكى أفكر
وليل ونهار
وامشيلك يادنيا
بالمشوار
مسحور مكسور
بحج لبيتك المهجور
مافيش فيه نور
ارسم على شباكه زهور
وارجع محسور
والقانى هناك
لسه بتمناك
وانت جوايا سر
م الأسرار
ويمكن اكون عايش
جواك وهناك
يمكن
نسيت نفسى

الدنيا كانت حور .... بقلم فيروزه الشرقاوى

الدنيا فى بعادك غريبه ومهلكه
زي السما لما تكون .. عماله تنده ع النجوم
تصرخ بصوت زى العويل ..تطلع بأهه توصل السماوات
او يعنى ممكن !
الدنيا بعدك ضلمه جدا ..العمر فى غيابك فى ليل
مافيهوش لا ضى ولا بصيص من نور
الدنيا كانت حور
صبحت بدونك ليل
العمر كان قربك يشبه لزهر جميل
عطشان بدون ميه ..
الحب فيه واجب
والعشق صار غيه

ألف دليل .... بقلم محمد الجبالى

كل ما اقولُّه واحشني بيتقل
..وعليا بالعافية يرد
مهما بغيب ولا مـــرة بيسأل
..وعليا بـيلـوم وبجد
عمرى فـ مرة ماقولت بَحِبَك
..ولقيت مِنُه ليا الرد
..........................
احساس جوايا بألـف دليل
بيقول جـواه حُبِك ده قليل
وانا مهما سهرت عشانه الليل
ولا يـوم بـيقَدَّر جـوايـا إيـه.
بالنسبالي ياحُـبي أنا غير
وعليكي بـخـاف وبجد بغير
ليا انتي اميره وانا ليكي اسير
حُبِك ده هوايا وعايش بيه.
...........................
كل ما بتأخر سـاعة بـتـزعـل
..وعليا بـتـهد الأرض
وتقوللي مفيش مره بتسأل
..ووقتها بـالـحق بَرُد
عمري ماقولت كلام وتصدق
..شكها فيا د أكبر رد
...........................
احساس جوايا بألـف دليل
بيقول جـواها حُبَك ده قليل
وانا مهما سهرت عشانها الليل
ولا يـوم بـتقَدَّر جـوايـا إيـه.
بالنسبالها ياحُـبيبي أنا غير
وعليك مـ النسمه بجد بغير
قلبي ده قصرك وأنت عليه امير
حُبَك د هوايا وعايشه عليه.

الوجع صعب اوي لما يجي من اقرب حد ليك💔

الصعب ف الموضوع ان تيجيلك ضربة من حد قريب ..

كان بينكوا حب ومودة وشغف ومتعلقين ببعض ..

بس الغريب أكتر أنهم بيعملوا دة مع أقتناعهم الشخصي ب إنهم صح وإن الطرف التاني غلط 

..التعب النفسي أصعب ١٠٠مرة من التعب الجسدي 

انا مبجبرش حد ع البقاء ف حياتي ... اللي عايز يسبني يتفضل ..ف نفس الوقت هما بيدخلوا حياه الشخص للتخريب بس .. 

بيبقي عارفين دة دة بيوجعك وبيعملوة .. ودة أكبر دليل انهم محبوكش أصلا ف يوم من الايام

وكل االي بينكوا شكليات .

خطبة تارك الصلاة ... للشيخ عبدالحميد كشك

اليوم نقدم لكم خطب من اهم الخطب للشيخ الجليل عبدالحميد كشك ويتحدث فيها عن عقوبة تارك الصلاة

نتمنى لكم الاستفادة الدائمة مما نقدمه لكم

ويقدم قربان لله ... بقلم عماد طنطاوى

الموت مش أصعب مأساة
ولا صعب ف وصفه ومعناه
الموت ف الغالب معاناة
وصراع بين روح وجسد فانى
على مين هيموت ف التانى
ويقدم قربان لله
الموت مش معنى انك سايب
أو ساجن روحك وياك
الموت معناه انك غايب
جوة اللى شايلهم جواك...!!

عشان حنيت ... بقلم حسام أفندى

كان المكان خالي
يدوب كراكيب
ترابه قديمه في حضن أثاث
بدون ترتيب
دخلت مكانك ومكاني
هجرنا الناس
ضميتك وعيني بتغمض
كاني كنت متلخبط
يطول الحضن والتغميض
وبستعبط
بعمل نفسي يعني نسيت
يدوب حبيت
واضمك تاني ضمه كمان
عشان حنيت
وأشوف الدنيا وانا جمبك
وبرجع طفل زي زمان
احبك جدا وبتعلق
في حااجه بشوفها بر أمان
وأحب الفرحه وافرحها
تشبهلك
تشبه لورده في حضن الربيع ساكنه
لضحكه أمي لو فاكره !
واندهلك
تخاف الضلمه من نورك
وأهربلك
و اتفائل جدا بوجودك
عشان حبيت
فقربي وهااتي الدنيا وياكي
وهات من الفرح الوان
وهااتي بيانو وجيتار
وهاتي بكره بيغني
وهاتي الفرحه في كمان
وهااتي الحلم يسمعني
وهااتي البدر لو يطلع
وبيعي الحزن لمين يدفع
وشوفي الامل في مرايا
وخبي الصوره جوايا
بيهرب حزني وبكايا
بقربك وقرب انفاسك
باحاساسك
وترسي ، البحر يشتاقلك
تجيله ! البر يندهلك
كانك كنتي هيروينه
بيشرب روحه من كاسك
كانك كنتي ايامي
وكنتي قد احلامي
فكوني ضي لخطايا
واجبلك دنيا من ماسك
وكوني حضن يسكني
وكوني قلب يحضني
وكوني الجاي يطمني
واكونلك ابن او ناسك
وردي التوهه من قبلك
وزيدي الدنيا من نورك
وهااتي الدنياا من بعدك
ياقوته ساكنه في بحورك
بحبك زي ما بشوفك
و يحلم حلمي لو تبقي
أكون في العشق مجنونك
فلو ترضي اكون ممنون
واكون روحي لو هتكون
من روحك يبقي تكويني
وتفضل مني وف عيني
وسكه عمري وسنيني
قوليلي ازاي ؟!
شغلتي الروح وتفكيري !
شغلتيني

وأنا مالى .... بقلم محمد أنور

فروع النخل لو مالت
تبص لفوق
وقلب النجم لو عالي ..
وانا مالى
لو كان قصادى 100 مخلوق
هوصل لحلمى الغالى
وبكرة الدنيا معايا تروق
بعامل الناس بكل ذوق
وانا المرزوق
برزق الشعر والكلمات
بحكى ع الذكرى والاموات
وعن الخالق وعن المخلوق
اللى عاش وسط الشقوق
بيبكى بحرقة م الاشواك
من تعب الحوجه والحرمان
وانا تعبان
وعمرى يوم مااشكى لانسان
وراسى لفوق
كما النخلة
بعيش حياتى كما الرحلة
وبكرة تخلص
وناس تدعيلى بكل شوق

لما كنا....لمحمد إبراهيم

وياما بشوف من الدنيا
حاجات أغرب من السيما
وربك برضه ليه حكمة
وليه حسبة وتقسيمة
وانا اللي مشيت وانا مآمن
وسِبْت مشاعري واطمنت
نسيت إن البلاء وارد
وقد يأتي فـ هيئة  "بنت "
ما تعتذريش  
الشاعر محمد ابراهيم
ديوان : لما كنا

انتي عارفة الأزمة ايه ؟ ... بقلم عمرو البطل

كانت الأحلام ساعتها ..
وردة من إيدك ، و إيدك
كنت هقدر لو بعدنا ..
أنفلت م. الخوف و اعيدك
كنت أطيب من عيونك
كنتي أطيب من عيوني
كنت طفل بينكسف منك
و بيخاف من وعيدك
سبتي ليه الطفل يكبر
يصحبه الخوف في الطريق
سبتي ليه الندب يكتر
و البراح في الروح يضيق
انتي عارفة الأزمة ايه ؟
إن "انا" شئ مش لاقيه
لسه هندور عليه ؟!!!
لا خلاص ، قلبك برئ
الزمن له يد عليا
و البصير أياديه قصيرة
بشحت النور م. الحقايق
رغم أحلامي المنيرة
بانكسف _مازلت_ منك
بس طعم كسوفي غير
قلبك الوردة ف حرير ..
قلبي نحتاه الحصيرة