قصيدة : صوت العمل ....... بقلم الشاعر هشام رضا

صوت العمل
مبقاش مسموع
راح الأمل
وإمتى الرجوع

كفايانا نجرح
كفايانا دموع
عايزين نفرح
القلب الموجوع

وننسى الأمس
ونئيد الشموع
ونفتح للشمس
مجال للسطوع

والظُلم ننساه
وكمان الركوع
غير بس لله
رب كل الجموع.

قصيدة : القلب النابض ........... بقلم الشاعر محمد العراقى

شباب أمتنا يا مجاهد
أنتم أمل الغد الواعد
أنتم نار ثورتنا الخامد
أنتم شوكة في حلق الحاقد
أنتم آية تبيد الحاسد
أنتم قلب وطنا النابض
أنتم صوت ضعفائنا الرافض
أنتم جند الأمة الرابض
أنتم درع بلانا الصامد
و على فعالكم ربنا شاهد
شباب أمتنا يا مجاهد
ارفضوا أي تدخل وافد
خلوا أحبتي صوتكم واحد
كونوا الصوت للظلم معارض
كونوا لنهضة مصر سواعد
و ادعوا الله القادر الواحد
إن يوفق جيلنا الصاعد
إنه يفوق و يثور المارد
لأجل يعوض كل الفاقد
حتى يعيد المجد الخالد
و يكون منه لمصرنا قائد
يبقى لكل عدونا صائد
دايما يبقى لمصر مساند

انسان ....... بقلم الكاتبة ميرفت عاصم

انسان
كنت فى يوم نايم تعبان
نفسى قالتلى وعقلى كمان :
ليه زعلان كده يا انسان
قلت : أفضفض عن الأحزان

صِعب العين عليها الحال
و نزلت دمعة معاها نفس سؤال :
ليه زعلان … !!!؟
قولت : كتير شارد تعبان
عقلى الطيب .. شافنى ونادا
قالى تعالى انا عندى عياده
وعلاج فيها وبالمجان
فيها هتقدر تحضن روحك
و تشفى جروحك م الاحزان
والدكتور كان هوه ضميري
خدنى بفرحة وبالاحضان
قالى الدنيا جميله تعالى
وافتح لجمالها الاحضان
أيوه كفايه عليك ان انت
تبقى فى وسط الناس انسان
والنسيان جه قالى كمان
انا ليك نعمه استعملها
ليه بتسيبها وليه تهملها
وليه حيران …؟؟
و ست مبادئ هانم قالت :
انا حبيتك و انتى كمان
امسكى فيا
و موتى عليا
مش هيجيلك لحظة شيطان
بيا هتبقى زى ملاكى
ولافيش غلطة هتستناكي
ولاتوهان
قوي عزيمتك .. تعلى فى قيمتك
مش هيصيبك غدر جبان
عيشى عفيفه بريئة وقوره
كونى بصبرك اقوى صبوره
ليكى البشرى من القرآن
رجع العقل الطيب قال :
ايه رأيكم يا أحباب
رد الكل عليه وقال
ليك الطاعه والعرفان
فرح العقل وطار م الفرحة
و قال تم علاجى وبالمجان
ولقيت نفسى بحس براحه
قوى مرتاحه
و راح الهم مع الاحزان
أقدر انام دلوقتى بجد
احساس حلو انك انسان

قصيدة : أيهدأ البحر ...... بقلم الشاعرة المبدعة عالية الناصرى

أيهدأ البحر في عباب عينيك؟
أم يرتجلُ على شاطئي
ويركل أمواجاً من اوجاعي
يلملمها
في المساء...
يجدفُ مسرعاً نحو الشقاء...
ما لهذا البحر
ألم تنتهي قنينة ماء الصبر
التي ابتلعها
بحر الوجع
في داخلي؟؟!!!!

قصيدة : في حب الرئيس السابق .... بقلم الشاعر العامى عياش

انا الكاتب وانا اللي بقرا ..!
انا الجارر وانا البقرة ..!
انا الزارع وانا الشجرة ..!
انا اللي من ضحك حالي بلطم .. !!
انا القاعد وانا الكرسي ..!
انا الفاكر وانا المنسي ..!
انا اللي مختار بأيدي مرسي ..!
وانا اللي ثورت عشان ما يحكمشى ..!!
انا القفل اللي مفتاحه انا برضو ..!!
خريف طايح بريح في ربيع انا ورده ..!!
انا اللي حقي اتظاهر وده الظاهر معاك اخري ..!
ياريت سمّعني اعذارك بدل ما هسمعك شَكري ..!
وكون فاهم انا فاهم اوي حقي ..!
اجيبه ان شا الله لو في الدم انا اسقّي
ولو تغزل بصوف الكون غطا مني ..!
شتايا هتبقي قصادى برده متعرّي ..!

https://www.facebook.com/ayash89?fref=nf

قصيدة : ويبقى وجهك ........ بقلم الشاعر الدكتور أحمد شمسين

ويبقى وجهك ساطعاً
كبدرٍ في بحر الظلام
ويبقى الشعر هائماً
سحرك أنساه الكلام
أحببتك وابتدى العمر
وحكمتي قلبي بالغرام
أحببتك لا تلوميني
ليس في العشق ملام
أنا جيشٌ من العاشقين
تاهوا في بحر الهيام
أخذتهم أمواج الهوى
وحملهم عبير الأنسام
أنت سيدة الأماني
وسكرةُ عشقٍ ومُدام
كتبت لك ألف قصيدةٍ
ماعرفها من قبل الكلام
في عينيك مفاتيح الهوى
وفصول ربيعٍ وأحلام
و شمسٌ ذوّبت ثلجاً
وسماءٌ صافيةٌ وحمام
و سهر ليلٍ لا ينتهي
ونجمات لؤلؤٍ لا تنام
فيها عبوديةٌ وعتقٌ
وثورات حبٍ واستسلام
منها البداية و لها النهاية
وفيها موتي والقيام

قصيدة : قرأت فى عينيك ....... بقلم فارس الكلمات صلاح السمرى

قرأت في عينيك...
ان الحب قدر...
وان القدر موعد...
وان الموعد انت...
واحببت فيك الحب...
فلا تسألني ارجوك...
متى بدأ ذلك الحب ...
و لا كيف كان...
ولا الى اين يمضي...
انني و لدت وفي عيني صورتك...
لا يهمني ان كان حلما سبق الواقع...
الذي يهمني هو انك قدري من الحب...
وما اروعه من قدر...
تهت فيه وللابد...