واقع من عمري سنين وايام ... بقلم محمد كحيله

واقع من عمري سنين وايام
واقع من عمري اجمل احلام
واقع ايام قضيتها بنام
علشان بس اهرب م الواقع
واقع بيغمى العين والشوف
وحبيبك سابك وقت الخوف
واقع بتعيشه بدون ناسك
واقع بيضيق أنفاسك
واقع من عمرك احساسك
ان انت ضعيف ومشاعر زيف
واقع من عمرك طعم الفرح
فبلاش تسألنى عن الواقع
الواقع واقع شكله مخيف

كل كلامكوا .... بقلم نبيل شفيق

كل كلامكوا مسكن بيروح
ومحدش بيعالج احزان
الدنيا جراح من باع اوراح
عيان وبيسند 100 عيان
فبقينا بنختصر المشاوير.
وبناخد براشيم للنسيان
ما هو نبض القلب تملي جبان
ميدقش غير لقضاه ظالمين
والروح عاشقه تملي السجان

ساقط اعماركوا مخوفنى ... بقلم أحمد صبرى

ساقط اعماركوا مخوفنى
وكلامكوا الزايد ع الاحلام
انا ساقط قيد بس عارفنى
والنبى ما تاخدلى على كلام
انا زى الليل اما يضلم .
ويشد خيوطه الكل ينام
وانا زى حمام راح يتعلم
قام صابه رصاص الصياد
بقى حلمه مشابه للاوهام
انا عمر عقيم مين يبتاعه
مين ياخد قلب على دراعه
مين ياخد عقل سليم جدا
مين يقدر بس على طباعه
مين ياخد عقل سليم جدا
مين ياخد غُلب على طيابه

بتسالى ليه ... بقلم أحمد الاسوانى

بتسالى ليه ع اللى بيوقع
خلينا نتكلم ع الواقع
العمر حسابه يكون مظبوط
وقت ما هنامن وهندافع
بان الايام طبعها دواليك
يوم ليا ويوم راح يجيى عليكى
قوليلى كام مرة الدنيا
بتبكى عنيكى

ازاى راح تحسب ايامك .... بقلم عبدالرحمن فارس

ازاى راح تحسب ايامك
ونتا ناسيها..
وتوقع ف السكه سنين
واقع من عمرك بنادمين
جرحوك وسابوك..وسعات يخونك
واقع من عمرك احلى كلام
ازاى بهداوه بتسالنى
وتقولى فاضلى ف عمرك كام
واقع من عمرى الايام

واقع من عمرك كام عام ؟... بقلم أحمد فخرى الاسوانى

واقع من عمرك كام عام ؟
رديت عليه وقولته
_ واقع من عمرك كام عام ؟؟
* واقع من عمري كتير ياما
_ جربت تعيش الاحلام ؟؟
* جربت اعيش زي الآله
وامشي واتهته ف كلامي
مبقتش بعد ف ايامي
من كتر م بَسكر وانام
خليني احكيلك تفاصيلي .....
يمكن تحسبلي !!! واقع من عمري كام عام ؟

عشان ببات محروم .... بقلم محمد فاروق

عشان ببات محروم
بحلم بلحظة لقا
الهم صار مهموم
والدنيا كات ضيقة
قلبي باديكي اتسقى
الحسني بالسيئة
مبخافش فيكي اللوم
لو حتي ميت مشنقة
بقا لما اغربلك
الاقيكي ليه مشرقة
وتطفي ناري ازاي
وانتي العذاب غية
عندك وواخداني
للغدر تسلية
تبا لقلب هوى
صدق لك النية
ويل لمن يعشق
فردا و تثنية