انى بضحك رغم مراره السنين
انا الرخيص اوي عندكم وغالي عند اللي خالقني
فى يوم ما افارق ارضكم موضوع لايمكن يضايقني
انا اللي جيبتولي الامراض
انا اللي بيا منكم فاض
انا اللي قولت ياباشا كتير
واكتر كمان اتقاللي انا ياض
انا المهدد انا المجند انا اللي دايما بعيا وبرقد
انا المراكبي والصياد
انا المواطن يا مسؤولين
انا اللى احتقرتوه سنين
ياما اتقلى يا بن حرامى الغسيل
وانا اللى انضربت وجف عودى
وياما نسيتوا وجودى
انا اللي متكحرت في بولاق
وانا اللي بتلملم اشلاء
مركب وقطر وعبارة
الموت لأمثالي إعارة
والموت بقي ليكوا تجارة
الموت في اشكالكوا خسارة
عيشوا حياتكم اخرها هنا
ماهتسلكوش مع ربنا
عنده هيتجاب حقنا
ولسه اللي عايشين بعدنا
شوكة في زوركم
وطعنه فى صدروكم
هيردوا كل اللي خانقني
عرفتوا ليه انامطمن
وحتي موتي ولا قالقني
انا بصحي في عروق الثوار
بعد اما روحي تفارقني
هلاقى اللى ياخد بالتار
ليست هناك تعليقات:
إرسال تعليق