وانا اللى بموت عشان راحتك
وتنكر ليه وقوفى معاك
أكيد مبسوط كده براحتك
وسايبنى أنا لجراح
ومش همك أعيش جرحك
بتقصد ليه
بتقصد ليه تبكّينى
ياما بإيدى مسحت دموع
وتغزل حلم علشانك
وأنا حلمى يموت م الجوع
بتضحك لما أتألم
وتشكى لو فى يوم موجوع
بتقصد ليه
بتقصد إيه تكون وحدك
أنا لوحدى بقالى سنين
بعدّى اليوم ما بيعدّى
غير اما يسيب عذاب وأنين
ويترك فى الوريد بصمات
من الحزن اللى عشته سنين
بتقصد ليه
بتقصد ليه تدمّرنى
أنا اللى بنيت قصور مجدك
لا عمرى جيت عشان نفسى
وتزرع لى غصون عندك
أكيد من حقى عش بسيط
يكون سكنى أنا فى حبك
بتقصد ليه
ليست هناك تعليقات:
إرسال تعليق