دمعتك على خدي
صرختك مكتومه
ليه ؟
وبسمتك الوردي ..
مقهوره مهزومه
ليه ؟
يامصر يا بلدي ..
أنا فهمي على قدي !!!
شديني من يدي ..
وقوليلي
أعمل إيه !!!!
علشان أهنيكي ..
وأفتخر بيكي
وماشفش فى عينيكي ..
بكره بتبكي عليه
---------------
دانا شايفه بيلومنا ..
عاللى جري
فى يومنا
وعايز يقومنا ..
مالوحل
اللي إحنا فيه
يابكره لا تلومنا ..
ساعدنا وإخدمنا
وياريت تفهمنا ..
نمشي منين
وبإيه ؟!؟!
نمشي منين
ولإيه ؟
-------------
دمعتك على خدى
وصرختك مكتومه ليه ..
وبسمتك الوردي
مقهوره
مهزومه ليه .
مين اللى خان
مين اللى باع
مين اللى زيف الحقيقه ..
لو تقدرى ردى
قولى ليه يامظلومه .
دمعتك على خدى
والود ودى
أقطع أيدين الظالمين ..
وآخد بتارك ..
وأرد شرفك
وإعتبارك ..
ده الود ودى
أقطع إيدين الظالمين ..
مين اللى خان
مين اللى باع
مين اللى زيف الحقيقه
لو تقدرى ردى ،.
قولى ليه
يامظلومه
ليست هناك تعليقات:
إرسال تعليق