وتعشق فيا أوجاعى
ولما اصرخ واقول فينك
ترد تقول مفيش داعى
ماتتحمّلش أشواقى
ولا تعرفشى أطماعى
أسمّيك إيه
بحن لسه لكلامك
وأوتارك وألحانك
ولما يفيض بى أنده لك
تقول ده كلام مالوش داعى
أسمّيك إيه
بتعرف إمته تسعدنى
وتعرف إمته تنسانى
وتستعبدنى وتسيبنى
وتشكى تقوللى يا أنانى
أروح أخدك كده لحضنى
واطيّب فيك واكون جانى
أسمّيك إيه
أسمّيك بحر أخاف أغرق
عشان الشط لسه بعيد
أسمّيك نهر أنا العطشان
ونفسى اخدك هناك لبعيد
وتتحكّم كده براحتك
وفجأه تغيّر المواعيد
أسمّيك إيه
أمانه عليك بقى تسيبنى
كفايه اللى جرى ليّا
ما بتفرّقش بين حبى
ولهفة شوق مدوّيه
أكيد لو بعتنى خسران
كفايه أعيش لوحديا
ليست هناك تعليقات:
إرسال تعليق