غناها قلبى ف احلى غنوة ** هزت كيانى * ودى البداية **
مستشفى ابنى * مرض يصيبنى ** آلاقى علاجى و آلاقى دوايا **
أروح لمصنع * واسطة لا تنفع ** مطلوبة الكفاءة مش بس النوايا **
لا حد يدينى * وبعرق جبينى ** فطارى وغدايا وكمان عشايا **
أزرع اراضى * وابقى راضى **و ف يوم حصادى احكى الحكاية **
كلمة باحبك يا مصر كلمة ** على لسانى * دى مش كفاية **
غناها قلبى ف احلى غنوة ** هزت كيانى * ودى البداية **
نزرع صحارى * أنا وجارى ** عليا البذور * عليه السقايا **
أبنيلو داره * يبنيلى دارى ** وفى الليالى * الشاى ده غاية **
أفرح لفرحو * يفرح لفرحى ** ولادى عنده * ولاده حدايا **
نجوز ولادنا * وكمان احفادنا ** ونشوف بيوتنا * زى السراية **
كلمة باحبك يا مصر كلمة ** على لسانى * دى مش كفاية **
غناها قلبى ف احلى غنوة ** هزت كيانى * ودى البداية **
لو طرحة خضرة * والبركة نعمة ** نيلك ح يبرق * زى المرايا **
تتهــز شجــرة * وبكــل فرحــة ** فروعها تنادى * غنو معايا **
تسمعها نسمة * وتقول بهمســة ** النيل والوادى * جابوا الهدايا **
وبأيدين ولادنا * ترجع أمجادنا ** مـن دلـوقــــت * وللـنهــايـــة **
كلمة باحبك يا مصر كلمة ** على لسانى * دى مش كفاية **
غناها قلبى ف احلى غنوة ** هزت كيانى * ودى البداية **
ليست هناك تعليقات:
إرسال تعليق