أول مره
قابلتِك فيها
فى عيونك شوفت
أحلى حياه
نسيت الدنيا
وكل ما فيها
حسيت إحساس
عمرى ما هنساه
كان الكون
فرحان حواليا
وإتعزف الشوق
على أوتارك
ومن غير ما أتكلم
بان فى عنيا
فرحة قلبى
إنه إختارك
وبان الحب
اللى إستنيته
وعِشت بسببه
سنين رحال
علشان ألاقيه
وآدينى لقيته
معاكى ياللى
شغلتى البال
وياكى مشاعرى
رسيت على بر
دى كانت تايها
وعايشه فى حرمان
حُبك خلانى
أقوى على الشر
وأخلى الخير
هو الكسبان
غرقت وتوهت
فى بحر هواكى
يا فرحه ياما
انا إتمنيتها
عيونى هتفضل
على طول عشقاكى
لأنك إنتى
سبب فرحتها
ليست هناك تعليقات:
إرسال تعليق