قصيدة : انا مصرى .......... بقلم الشاعر المبدع سيد عباس

انا مصرى
لما الوطن بيئن
القى فؤادى اتجن

واغنى رغم الهم
انا مصرى طبعى كده
رغم المحن ابتسم
ما ارضاش بظلم العدا
وعمرى يوم ما انهزم
المولى عطانى قوه
وذكرنى ف القرآن
والنيل سقانى مروه
على مدى الازمان
انا ابن طين الارض
وانا اللى زارعها
مالناش غنى عن بعض
وان جفت ينابيعها
ارويها انا بالدم
وينبت المحصول
الخير علينا يعم
واغنى ع الارغول
يا مصر قومى اتبسمى
واحضنى كل الولاد
مدى ايديكى وسلمى
ع اللى راجع م البعاد
تبكى عينه ع اللى فات
والحنيين والذكريات
مدى ايدك هدهديه
حسسيه هنا بالامان
لاجل ياامه ما تلاقيه
وقت المحن ثابت
ده انتى ياامه تقتليه
لو بسمتك غابت