بنت خالتك احسن منك في ايه؟ لقطت واحد ما يتعيبش وخطبها وكل يوم هدايا وعزومات وجاتوة وشحن رصيد، وخالتك كل شوية داخل عليها بهدية عيد ام وعيد ميلاد وراس سنة وف الاخر هيرموله الدبلة وياخدو كل حاجة وباقي الدهب وتتخطب لواحد احسن منه ويكرروا معاه
والا اتعلمي الرقص وانزلي اي فرح من بتوع صحباتك اعملي نفسك مكسوفة وارقصي زي بنت عمتك ما عملت وعجبت مهندس ابن ناس واتجوزها وجابتله 5 عيال ما شاء الله مش لاقي ياكلهم وشغال زي الطور في الساقية علشان المصاريف وبيروح مهدود وتلويله بوزها وتعايره تاني يوم انه مش مكفيها لحد ما انتحر وبقت ارملة عندها شقة ملكها وبتاخد معاش
والا بنت عمك اللي الله أكبر عليها دلوقتي مطلقة واخدت كل القايمة بتاعتها ومطلعة عين جوزها ومشحططاه في المحاكم
= لا يا ماما بجد انا مبفكرش ادخل ارتباط وانهيه بالشكل ده
- ومين قال انك لازم تنهيه؟ ما عندك انا وابوكي اهه متجوزين بقالنا 25 سنة ولسه مع بعض
*صوت جاي من أوضة النوم: انا سوووبر ماان انا سووبر مان*
-ابوكي باين الحالة جاتله ادخلي لبسيه البوكسر فوق الهدوم وطبطبي عليه لحد ما ينام.
= لا يا ماما بجد انا مبفكرش ادخل ارتباط وانهيه بالشكل ده
- ومين قال انك لازم تنهيه؟ ما عندك انا وابوكي اهه متجوزين بقالنا 25 سنة ولسه مع بعض
*صوت جاي من أوضة النوم: انا سوووبر ماان انا سووبر مان*
-ابوكي باين الحالة جاتله ادخلي لبسيه البوكسر فوق الهدوم وطبطبي عليه لحد ما ينام.
ليست هناك تعليقات:
إرسال تعليق