فى حاله من الهدوء تزداد اعداد خيام الاعتصام فى الاتحاديه

فى حاله غير مسبوقه فى الفتره الماضيه  ومنذ لحظه اعلان الرئيس الاعلان الدستورى فى 21 من نوفمبر الماضى  والاتحاديه تشهد مظاهرات كبيره وحاله من التخبط فى محيطه وتعدى المتظاهرين على بعض من مؤيد ومعارض ونزع الاشلاك الشائكه جاء اليوم مغاير لكل هذا فقد سادت حاله من الهدوء محيط الاتحاديه مع زياده اعداد خيام الاعتصام وقد يكون سبب هذا الهدوء دعوه الرئيس للقوى السياسيه للاجتماع لحل هذه الازمه التى تمر بها البلاد والخروج من عنق الزجاجه .

اغنيه انا راح اوافق على الدستور

انا راح اوافق ع الدستور ... علشان بلدى تشوف النور
يا سلام لما يكون مرجعنا ... شرع الله .. وهدى رسول
اوعى تصدق اى فلول ... بيقول حاجة ع الدستور
لو هتقوله ايه مش عجبك ... على طول بيلف وبيدور
 انا راح اوافق ع الدستور
بالدستور هنعدى الازمة ... ليه نستنى ليالى وشهور
من غيره راح نبقى ف فوضى ... وهنرجع ونعيد الدور
بينسق بين السلطات ... ولا سلطة ع سلطة تجور
فيه من حق الشعب يحاسب ... اى حكومة أو مسئول
 انا راح اوافق ع الدستور
دستور شامل كامل عادل ... هتلاقى حقك فيه مكفول
كتبه اساتذة وعلما اكابر ... مش ترزية فتحى سرور
او  علشان بلدى تشوف النور
دستورنا بيحاسب الفاسد ... لازم كل الفاسدة تغور
ان كان محكوم أو كان حاكم .... دستورنا ميرضاش بالجور
 انا راح اوافق ع الدستور
فيه عدالة اجتماعية ... بكرة الحال يكون ميسور
بكرة حد اقصى وادنى ... ف الرواتب والاجور
الفلاح فيه مدعوم ... بتقاوى والات وبذور
يعنى مفيش ارض تبور ... ينعى زيادة للمحصول
انا راح اوافق ع الدستور
بيقيد سلطات الرئيس... عمره م يبقى ديكتاتور
لو يتفرعن او يتريس ... بكرة عليه الشعب يثور
فيه الريس لو كان عاوز... برلماننا يكون محلول
لازم كل الشعب يوافق .... اما يكون هو المعزول
 انا راح اوافق ع الدستور
بيقوي مؤسسة الازهر .... يرجع تانى يشع النور
بيه البحث العلمى هيكبر... ولا عمره هيرجع مهمول
بيه هيقوى الجيش الوطنى .... يبقى رادع للمغرور
ويرتب الوضع الامنى ... نجدة ومباحث ومرور
دستورنا دستور اسلامى ... يا سلام على احلى دستور
واليهودى والنصرانى ... حقه ف العبادة مكفول

بالفيديو خيرى رمضان يستقيل على الهواء مباشره من cbc

خرج علينا الاعلامى خيرى رمضان وعلى الهواء مباشره ويعلن انسحابه من البرنامج واستقالته من قناه cbc
وقد اكد خيرى رمضان انه كان من المفروض ظهور مؤسس حزب التيار الشعبى ومرشح الرئاسه السابق حمدين صباحى
ولكن فى الفاصل اتصلت بها اداره القناه لابلاغه بعدم الظهور على شاشه القناه وقد زعمت الاداره اننى لم ابلغها بالمقابله
مع العلم باننى اعملتها واحترام اداره القناه واسبابها واهدافها ولكن نظرا لمهنتى واحترافيتى كصحفى اننى اعلن انسحابى من مجموعه قنوات cbc واشكركم والى اللقاء .

قصيده طبيعى نتكلم اى كلام ... للفنان احمد السقا رووووووووووعه بجد

غالبا ما نعرفه عن الفنان احمد السقا انه نجم الاكشن والمغامرات فى السينما المصريه وانه محب للركوب الخيل وتربيتهم ولكن اليوم يخرج علينا وجه اخر للفنان احمد السقا وهو وجه الشاعر الذى اظهره لنا الدكتور باسم يوسف فى برنامجه الشهير البرنامج الذى تبثه قناه cbc وقال احمد السقا قصيده تسمى طبيعى نتكلم اى كلام 
تيجى نتكلم اى كلام 
ما احنا بقينا جبال تتحمل اى الآم  
يبقى طبيعى نتكلم اى كلام 
مين هيلومك لو تقلت فى عز الحر
10 اغسطس ألبس صوف بص وشوف 
تلقى عيون الناس بتقفل
تلقى عيون الناس بتنام 
يبقى طبيعى نتكلم اى كلام
طب ايدي فى ايدك نركب تاكس 
العداد هيعد فلوس ولا سنين 
ومر ياعمرى مر كرام 
يبقى طبيعى نتكلم اى كلام 
طب جدول ضرب الكيلو بكام 
5*6 ب30 حته ولا اخش اتغطى وأنام
كيلو اللحمه 1000 جنيه 
وكيلو الفحمه 1000 جنيه
طب كيلو الرحمه هيبقى بكام 
يبقى طبيعى نتكلم اى كلام  

الاهلى يتغلب على شيكايو اليابانى 0/4 فى مباراه وديه استعدادا للمونديال

فى اطار استعدادات النادى الاهلى المصرى لكاس العالم للانديه والتى تقام فى اليابان
استطاع النادى الاهلى التغلب على نادى شيكايو اليابانى فى المباراه الوديه التى جمعت بينهم بنتيجه 0/4
وجاءت المباراه فى اطار اطمنئان الجهاز الفنى للفريق على عناصر الفريق الرئيسيه .
والاهداف كانت لكلآ من محمد نجيب الهدف الاول من ضربه ركنيه  والهدف الثانى من هدف ولا اروع للمبدع وليد سليمان بكره ساقطه من فوق الحارس لتسكن الشباك وجاء الثالث للساحر الخلوق محمد ابوتريكه اثر كره عرضيه لسيد معوض ليضعها براسه فى الشباك وجاء الهدف الرابع من ركله ثابته من نجم الهجوم عماد متعب .

عاجل بالفيديو العمده يفتح النار ويكشف اسباب الاعلان الدستورى واطراف المؤامره

قام عضو مجلس الشعب السابق محمد العمده بفتح النار على المحكمه الدستوريه  ويكشف اطراف المؤامره التى كانت مدبره لاعاده الدوله مره اخرى لنقطه الصفر وقد استشهد العمده بمقطع من حوار رئيس حزب الوفد السيد البدوى مع الاعلامى وائل الابراشى بان هناك من اخبره بحل مجلس الشعب وحل التأسيسيه طرف قضائى وطرف الاخر شخصيه قانونيه وقد اعلن محمد العمده ان تلك الادله امام نيابه امن الدوله لكشف المؤامره كامله كما اكد ان هناك ادله اكثر وامور اكثر

الاستفتاء الدستورى بدون القضاه بعد قرار المقاطعه للاستفتاء

اعلن المستشار أحمد الزند رئيس نادى القضاه
مقاطعه الاشراف على الاستفتاء على الدستور والتى من المقرر لها يوم 15 من الشهر الجارى .
وقد حضر الاجتماع الدكتور احمد البرعى عضو جبهه الانقاذ الوطنى وكذلك الدكتور احمد كبيش 
وذلك فى مقر نادى القضاه 
كما وجه احمد الزند خلال اعلانه مقاطعه الاستفتاء كلمه لنائب الرئيس مكى وقال له انت المسيس وليست المحكمه الدستوريه 
واكد على ان اى اعتداء على المحكمه الدستوريه يعتبر اعتداء على كافه قضاه مصر .