خطبة تارك الصلاة ... للشيخ عبدالحميد كشك

اليوم نقدم لكم خطب من اهم الخطب للشيخ الجليل عبدالحميد كشك ويتحدث فيها عن عقوبة تارك الصلاة

نتمنى لكم الاستفادة الدائمة مما نقدمه لكم

دعاء يا رب انا جاية اتوب

قصيدة : طبعا ما صليتش العشا ............ للهويس هشام الجخ

طبعا ما صلتش العشا
المشهد الأول (السبت الأول من أكتوبر سنة 81)

كانت ككل نخيل بلدتنا تطل عليّ من أعلى سماء
وأنا أجمّع لعبتي سرا .. وأعيد تشكيل البناء
وقد اصطففنا في طابور الصبح ألهانا الغناء
في الطابق العلوي .. وقفت هيبة .. كفنار بحر ترتدي زي النساء
وتراقب الطابور في حزم وصمت بارعين .. فتستقيم ظهورنا
يعلو الهتاف تحية العلم المرفرف في الفناء
بإشارة منها يقود مدرس الألعاب ذو الصوت الجهور الصف نحو فصولنا
وبنظرة منها يدق العامل الجرس ابتداء الحصة الأولى
من أين يأتي كل هذا الحزم في نظراتها؟
وأنا أراها كلَّ ليل تطفئ الأنوار من حولي وتصنع خيمة من حبها
وتحيك دفء حنانها فوقي غطاء
وعلام يخشون الأساتذة الكبار وجودها
يعدّلون من هندامهم .. ويراقبون الصف عند مرورها
أنا لا أراها مثلهم
ما زلتُ لم أفهم حقيقة كونها أمي وناظرة بمدرستي
فأنا – كطفل – لا أفرق بين أحداث الصباح .. وبين أحداث المساء
لكنني ما زلت أذكر جيدا غضبي وضجري كلَّ ليل
حين يغلبني النعاسُ تهزني .. وتتهمُني أنني دوما أنام وقد سهيتُ عن العشاء
وقد سهتْ هي أنها ما تزال على يديها من وضوئي .. آثارُ ماء
بعدما صليتُ يا أمي العشاء

المشهد الثاني (6 أكتوبر 85)

يوم أجازة
لمّة خالاتي عندنا أو عند سِتّي
كلام حريم .. وانت خدتِ وانت جبتِ
أبويا كان يحس بلمة العيال .. يطير
وجواز خالاتي هكذا .. يوصّلوهم عند بير السلم بالكتير
ماعرفش ليه بيقولوا على باب العمارة إنه بير
المهم عيال خالاتي يجولنا بدري .. وابويا ينزل .. وانا الكبير
أنا اللي اقول مين اللي يُوقف .. وانا اللي اقول مين اللي يلعب
وانا اللي اقول مين اللي ياكل .. وانا اللي اقول مين اللي يشرب
كنت أكبرهم وهما عيال يا عيني صغيرين
أنا كنت أرخم طفل عنده عشر سنين
لما اغيب عن عين خالاتي يا إما تِلقاني ف مصيبة .. يا إما بعمل مشكلة
كنت عايش طول حياتي أسئلة
ماما .. بنصلي ليه؟
ماما .. مين بابا حسني؟
ماما .. يعني إيه عابر سبيل؟
ماما .. يعني ايه راجل أصيل؟
عيّل فَصِيل
كنت بسأل أسئلة ولا ليها رد .. ولا ليها عازة
بس السؤال اللي سألته وقتها .. كان مهم .. أحنا ليه واخدين أجازة؟
لِمعتْ عنيها ساعتها لمعة بحبِها
اللمعة دي على طول بتظهر لما بعمل حاجة أمي تحبها
لما بنجح .. لما بسأل .. لما بتنرفز على اخواتي البنات لو حد كركر
لما بعمل أي حاجة تحسّ فيها إني بكبر
لفّتْ على الكرسي اللي عمّر عندنا عشرين سنة
وبدأِت حكاوي ودندنة
ساعتين حكاوي ودندنة
ع اللي اتضرب واللي اتفنى .. واللي اتهدم واللي اتبنى
أبطال هنا وشهداء هنا
وانا وِدني أصلا مش هنا
كات ماما نجوى بتبدِي .. وانا إلّا دي
أنا لسة حاسمع حرب واكتوبر وخط بارليف وارض سينا ومين حماها ومين خطفها
دي حكاوي تافهة
كلام تقيل وكلام مجعلظ
ونجوى جت .. عايزين نبقلظ
هرِبت من نص الكلام .. لكني فاكره
انا كنت آ عيل صحيح
لكني فاهم الكلام من أوله ولحد آخره
إن اسرائيل سرقت سلامي
وان اسرائيل قتلت عمامي
واننا زي النهاردة .. خدنا تارنا
داقوا نارنا
عرفوا طعم جند مصر في المعارك
وان سوريا والجزاير والعراق والخليج وكله كله كله شارك
واننا بعد امّا فزنا
بعد مّا شافوا الوحدة بتوسع نفوزنا
وعلمنا بيرفرف عليهم تحت عينّا
دقوا نار الفتنة بينّا
كنت عيل بس فاكر .. كنت بلعب بس شاطر
كنت بحضر ماما نجوى وبابا ماجد
كنت انام احلم بجونجر .. واني حاكبر .. ابقى مارد
يجمع العرب اللي تايهين .. صف واحد
وابقى قائد
كنت انام احلم باني ف موقعة حطين
واني الامير هشام الدين
ومعايا جيش وسع المكان
ملوش لا اول في الشمال ولا في اليمين
بإشارة من إيدي الحصون متدشدشة
وإشارة من سيفي الحشود متفركشة
وإشارة من أمي اللي جت بتهزني وتقول لي طبعا نمت قبل ما تصلي العشا

المشهد الثالث (1 أكتوبر 89)

مين يا خويا
عيد ميلاد؟؟!!
والله خلَّفت وعَلَفت
وانت أطول مني عايز عيد ميلاد .. امشي ياد
في اعدادية ولسة بتفكر يا شَحْط في عيد ميلاد
روح لابوك .. كلمه في الشغل
قل له وانت جاي .. عدّي هات لي نفّاخة
شوف العيال لما تكبر تتملي مساخة
ثم خد يا بعيد .. ايه اللي خلا يوم ميلادك اسمه عيد
يَكْش فاكر يوم ميلادك اختفت نار المجوس
ولا حد قالك ان لقينا يومها شوال فلوس
ده احنا كنا العيش يادوبك والغموس
كنا مش لاقيين نجيب لك هدمتين
ايه ياد السعادة اللي انت فيها دي ؟ جاياك منين؟
ده احنا أفقر فترة عشناها في حياتنا .. حملي بيك
كانت البلد ولا فيها زيت ولا فيها سكر
والجو بينا وبين كل العرب .. كان شان وعكّر
والسادات كان كل يوم .. شدوا الحزام .. شدوا الحزام
والإعارات اللي كانت في الخليج رجعوا لنا تاني
والجنيه مابقاش يجيب ولا جوز حمام ولا نص ضاني
كنا دايرين نستلف من القريب ومن البعيد .. خليته عيد؟؟؟!!!
بس عارف
لما قالوا جه ولد .. ضهري اتسند
رغم اني كنت مخلفة قبلك بنات .. كنت انت بكري
أبوك حريمه كلهم جابوا الولاد بدري
وجدتك – في غياب أبوك – كانت تلقح بالكلام
وانا طبعا اهري
حتى لو ماقالتش حاجة .. أحنا ستات
أوعر كلام بنقوله بنقوله بسكات
ماكانش ابوك يعرف يا ولدي انهم سمّوني بينهم .. أم البنات
وماكنتش اعرف حظي الاغبر .. وان خلفة الولاد
حتجيب لي نَطْع يقول لي عايز عيد ميلاد
اسمع يا ولدي
اسمع وركز في الكلام
النبي عليه الصلاة والسلام
كان يحتفل بعيد ميلاده .. زيك تمام
ازاي بقى؟؟؟ بالصيام
يعني انت بكرة تجيني صايم
عيد ميلاد يعني تقوى .. مش جاتوه وباتوه وعزايم
ولا اقول لابوك على الدرجتين اللي نقصوا في التاريخ
مش عايز تعلّق نفاخات ؟؟ أجيب لك النفّيخ

خش ذاكر
أيوة واتنغوج وخبّط في البيبان .. هو يعني ابوك مسافر
بس ييجي وكل ده حيوصل له حاضر
تاني يوم الصبح وانا نازل ورايح المدرسة
لقيت ع السفرة كيكة مقطّعة ومكيّسة
قالت خد طفّح صحابك .. ما انتو جيل العيد ميلاد
جيل مايعرفش الخِشا
قول لي صح .. انت نمت الساعة كام؟
شكلك ما صلتش العشا

المشهد الرابع (24 ديسمبر 2004)

النهاردة عُرْس .. مش زي الخطوبة
مش كله رقص رقص رقص .. والبس فانلتك مقلوبة
وما تطلّعش حد تاني شقتك
مفتاح حماتك تاخده وانت ف سكتك
وانده لي وادّ اختك يغيّر صندوقين
و(حسن) سألني على السجاير قلت له ماعرفش فين
كلّمت خالك؟ آخر مكالمة قالولي وصلوا المنيا خلّي بالك
بَعَتّ حد ع المحطة؟
بص طيب .. انا كنت ناوية الليلة اعشيكم ببطة
بس بصراحة لقيت حماتك جايبة أكل أسبوعين
افترا .. وفَرْتِيك فلوس .. وحتاخدوا عين
قلت اشيلها عندي في الفريزر حبتين
حلوة بدلتك عليك .. ماشا الله .. بدر وهلّ ضيُّه
شبه ابوك .. بس انت فين .. هو ابوك كان حد زيه
بس عارف .. الواحدة فينا بتبقى فاكرة يوم ما يتجوز ولدها بتبقى فرحة
الحمايم تبقى سارحة .. والجناين تبقى طارحة
فين يا ولدي؟
ليّا اسبوع شيل وحطّ .. وسَلق بط .. حتى ولا غيّرت طرحة
البنات جوازاتهم اسهل .. ع الاقل كنا وسط عيلتنا قِبلي
كنت بلقى اللي يساعدني اللي يلافيني اللي يجاوبلي
كان نفسي اجوّزك هناك واتباهى بيك
وكلهم ييجوا الفرح ويباركوا ليك
بس انت طفشان من زمان .. ومالكش صحبة
زي جدك الكبير .. كان غاوي غربة
كان يختفي شهرين تلاتة لا كان يقول بلاده فين ولا كنا نعرف خط سيره
لف أرض الله بطولها وعرضها
ولإن ستك ست صانت عرضها
ربك مابهدلهاش .. ماخدش روحه الا ف سريره
أصل أصعب حاجة يا ابني لما تبقى الست تايهة عن راجلها
المرض والفكر والأحزان تجيلها
شوف يا ولدي
أوحش لحظة حتعيشها ف حياتك
لو بعدت عن مراتك
والبعاد يا ولدي مش بعد المكان
البعاد لو جت في حضنك .. وانت بخلان بالحنان
افرح يا واد
وافرد دراعك ع الرجال ولم عيلتك
الليلة ليلتك
والله مامنعني اني ارقص كالعيال غير بس هيبتك
ليقولوا أمه اتجننت ولا جاها مسّ
طب مين حيفهم ان عمري ضاع عشانه بس
افرح يا واد الليلة ليلة فرفشة
بس اوعي ياخدك الكلام والدردشة والوشوشة والنغنشة
والفجر يتسحّب عليكم .. قبل ما تصلوا العشا

المشهد الخامس (25 مارس 2009)

كل الدكاترة قالولي خير
ماعندهاش ولا أي حاجة
ولا حتى محتاجة لدوا
ما احنا عارفين شهر مارس والهوا
السن برضه ماتنسهوش
شوية برد ما يستاهلوش
أول مرة اشوف حبيبتي بتتوِجع وبتتلوِي
وانا عارف امي .. ماتشتكيش غير م القوي
عجّزتِ يا امة؟ وشاخ جريدك
ده انت لسة ماسحة الشقة بايدك
عجزت فجأة
ده احنا كل جمعة نبوس اديكي عشان نوضب شقتك وتقولي لأة
عجزت فجأة
ومالك ابيضّيتي ليه؟ ياك حاطة بودرة؟
ما انت كنت زيي سمرا
الدكاترة مش بيحكوا حاجة بينّا
وانا قلبي متوغوش وحاسس ان امي فيها إنّ
طب لو مافيشي شيّ قلقانين عليه .. حجزوها ليه؟
لأول مرة احس دماغي بتشقق وتفكيري بيعمل صوت
ماصدقتش ولا اتخيلت وانا واقف في ساعتها بإنه الموت
رسمت الضحكة بزيادة
دخلت عليها عارفاني أنا الكداب كالعادة
ومين يقفشني غير امي اللي عاجناني وخابزاني وخالعة بيدها سناني
فعرفت بس من عيني انها شهادة
وشهدت ييجي 100 مرة
ساعتها كل احساسي اللي كان محبوس طلع برة
وهاجت ذكريات عبّت عنيا دموع
واحساس الطريق اللي ملوهش رجوع
حاولت اخدعها واستهبل
بقالك عمر بتمثل
وهي معيّشاك في الدور وصدقت انها بتتخمّ
يا راخل خلي عندك دم
دي حافظة عنيك وتقاطيعك وتهتهتك وألاعيبك
مش هاين عليك الويل ؟؟
عايزها منين تجيب لك حيل عشان مايبانش في عنيها العذاب والهم
يا راجل .. خلي عندك دم
كانت باصة لي في عنيها السنين بتفوت
وجوايا كلام من كتره عدّا سكوت
كان نفسي أقول آسف .. واقول ندمان .. واقول خجلان
واقول لك إني والله بحبك حب مش معقول
ماعرفتش ساعتها الحلق كان مقفول
لكن القلب كان مفروط على قلبك وكان بيقول
بكل حروف كتاب الله اللي حافظها على يدك
ومن أيام ما كنت بعد على يدك وعلى عدك
وفرحة خدي يامايا وانا نايم على خدك
وقسما باللي قام حدي وقام حدك
ما حبيت في الوجود قدك
وجاي دلوقتي تتنغوج .. بتستعجل في وقت الموت وتتلهوج
مابنحسش بقيمة الثانية غير بعدين
وتسرقنا الحياة مانفوقش غير والموت مبكي العين
يا شاقة القلب ومسافرة
خدتني الغربة من حضنك سنين كافرة
نسيت نفسي وانا آسف
قالولي الغربة بتعلم دروس وحياة
وان الغربة يا مايا دي طوق ونجاة
أتاريها حزام ناسف .. أنا آسف
ميعادنا يامّة في الآخرة
وهي الدنيا أيه يامايا .. حقة مناهتة ومعافرة
خلاص خلينا للآخرة
حتى تكوني محلوة وعليك العين
واوريكي العيال يامّة .. بقم بتين
وجبت الواد يا ستي عشان ماتضايقيش
حاوصيهم يا ستي خلاص ماتخنقنيش
أفراد عيلة هشام المدهشة
دي تعليمات جدتكم المفتشة
ممنوع تناموا في أي يوم أي يوم .. قبل ما تصلوا العشا

حلقة صافيناز فى برنامج المش برنامج ............. مش هتبطل ضحك

لطالما كان باسم يوسف نجم ساخر وقد اشتهر ببرنامجه البرامج والذى قدمه على on tv وبعدها رحل الى قناة cbc املا ان يجد بعد الحرية فى طريقته الساخرة لنقد الاحداث التى تجرى فى مصر على الساحة السياسية وقام بعمله على اكمل وجه وانتهى الموسم الثانى وعزل مرسى وجاء السيسى رئيسا للبلاد وعندما عاد باسم حاول انتقاد الاحداث السياسية ومنها الرئيس السيسى لكن قامت القناة بفسخ التعاقد معه وليرحل الى قناة السعودية mbc مصر والتى بعد حوالى الخمس حلقات قامت بفسخ التعاقد معه بحجه الحفاظ على العلاقات المصرية السعودية وهو ما جعل باسم يوسف يتوقف عن تقدمه ولكن قام بزرع بذرة الابداع فى كل محبيه ومن هنا جاءت فكرة برنامج المش برنامج وحلقة اليوم تتحدث عن الراقصه التى اثارت حولها ضجه اعلامية كبيرة انها الراقصه صافيناز . اتمنى لكم مشاهدة ممتعه

بالفيديو قصيدة آدم وجميلة ...... للشاعر عمرو قطامش وغناء على الالفى ورنا عتيق

عندما ظهرت المسلسلات التركية على شاشات القنوات الفضائية الكل اعجب بها لما فيها من رومانسية قد نفتقدها هذة الايام ولطالما عشناها وحلمنا بها وعندما استيقظنا من تلك المشاعر والعاطفه والحب قولنا لانفسنا هل يوجد مسلسل مصرى يقدر ان يواجه تلك المسلسلات فظهر هذا التحدى فى وجوه كل من يعمل فى المجال الفنى ليخرج لنا مسلسل آدم وجميلة ومن هنا جاءت فكرة القصيدة التى كتبها الشاعر عمرو قطامش وقام بغنائها كلا من على الالفى ورنا عتيق نتمنى لكم مشاهدة ممتعة .

حلقه نيكول سابا فى برنامج فؤش فى المعسكر

اليوم اقدم لكم حلقه من البرنامج الذى تم بثه حصرى على قناة الحياه اليوم وهو برنامج فؤش فى المعسكر وكان البرنامج يدور حول مقالب يديرها النجم محمد فؤاد بمشاركه المذيعه سالى شاهين وتدور فكرة البرنامج حول خطف الاسرائيلين لابطال الحلقات ومشاهدة رد فعلهم وفى حلقه اليوم كانت بطلتها النجمه نيكول سابا والتى اظهرت وجه لم نراها منها من قبل 
 اتمنى لكم مشاهدة ممتعه .

حلقه جنات فى رامز قرش البحر

اليوم نقدم لكم الحلقه الرائعه من برنامج رامز قرش البحر والتى تطل لنا فيها النجمه الجميله المغربيه جنات وليحدث فيها مقلب من اقوى المقالب التى حدثت فى حياتها .
نتمنى لكم مشاهدة ممتعه

الحلقه الجديدة من برنامج جو تيوب بعنوان مبروك علينا السيسى

نقدم لكم اليوم الحلقه الجديدة من برنامج جوتيوب والذى يقدمه الفنان الساخر يوسف حسين وفى هذه الحلقه بنتقد فيها لحظه تنصيب المشير عبدالفتاح السيسى رئيسا لمصر بعد الانتخابات الرئاسيه التى اجريت بينه وبين المرشح الاخر حمدين صباحى وعلى اثارها فاز المشير عبدالفتاح السيسى برئاسه جمهوريه مصر العربيه هذة فقط المقدمه وينتظركم المزيد عن مشاهدة الحلقه نتمنى لكم مشاهدة ممتعه

حمزة نمرة وابداعه الجديد أقولك أيه

اليوم اقدم لكم ابداع حقيقى يتحدث عن ما يحدث فى مصر بدايه من ثورة 25 يناير الى وقتنا هذا ابداع حقيقى بمعنى الكلمه ويستحق كل تقدير انه المطرب حمزة نمرة فى اغنيته الجديدة أقولك أيه والتى اثارت على تويتر جدل كبير عندما قام الدكتور محمد البرداعى بنشر تويته متحدثآ عن الاوضاع السياسيه فى مصر وفى نهايتها ختمها بمقطع من الاغنيه ومشاركه الاغنيه معلقآ عليها محدش فينا خسران ولا مجروح أمتى نفوق  وفى الختام نقدم لكم الاغنيه ونتمنى لكم الاسمتاع بها . 
واقولك ايه طريق الكره اخرته ايه وهي قلوبنا ماتت ليه لفين هنروح ما بينا شيطان املنا ياوطن خلصان محدش فينا مش خسران ولا مجروح 
ومن امتي ما بينا خلاف انا وانت ولما تشوفني او اشوفك نبص بعيد
ومش معقول هيبقي كل واحد مننا في سكه غريب الحال ودا احساس علينا جديد
واقولك ايه طريق الكره أخرته إيه وهي قلوبنا ماتت ليه لفين هنروح
ما بينا شيطان املنا ياوطن خلصان محدش فينا مش خسران ولا مجروح بيالمني شعور انك قدرت في لحظه تظلمني تنام مرتاح
وانا منك دموعي تزيد باي اساس تقابل بسمتي برصاص وليه بايدك تخلي بكل عيله شهيد.
صحاب وجيران معاك ع الحلوه والمره بقالنا سنين وزيك ع الوطن قلبي اكيد محروق وايه بعدين مودينا طريقنا لفين ياخوفي علينا من بكره وامتي نفوق
واقولك ايه طريق الكره اخرته ايه وهي قلوبنا ماتت ليه لفين هنروح ما بينا شيطان املنا ياوطن خلصان محدش فينا مش خسران ولا مجروح

من معجزات الله فى الارض جبل يتحرك فى ايطاليا

ان معجزات الله فى الارض والسماء كثيرة ومن معجزات الله فى الارض نتحدث اليوم عن الجبال التى يعتبرها الناس شيئا ثابت وخصوصا من هم على غير مله الاسلام لان القرآن الكريم ذكر من الالاف السنين النظريه التى تم اكتشافها حديثا وهى نظريه الانجراف القارى وقد تم اكتشافها بحمض الصدفه عندما انجرف جبل وتحرك من مكانه فى ايطاليا فالجبال تمر كمر السحاب ولا يمكن لاحد ان ينكر هذا وختاما نختم بقول الله تعالى " وترى الجبال تحسبها جامده وهى تمر مر السحاب صنع الله الذى اتقن كل شيء انه خبير بما تفعلون " 
ان الله قادر على كل شىء ولا يستطيع احد ان يقول غير ذلك سوى ناكر لذات الله

كوميديه ساخرة عن انجازات الرئيس مرسى بس جامده جدا

من الاشياء التى اصبحت مشهورة فى مصر برامج ستاند اب كوميدى التى تتناول الموضوعات بطريقه ساخرة سواء كانت مواقف فى حياتنا سواء كانت سياسيه او معيشيه واليوم نقدم لكم احد اشهر برامج ستاند اب كوميدى فى مصر وهو الكوميدى صلاح الدالى ويتناول الدالى ما يحدث فى مصر بعد حكم الرئيس الحالى محمد مرسى والانجازات 
التى حققها فى تلك الفترة .

باسم يوسف يهاجم الاقباط بطريقه جامده جداااااااااااا

نظرا لكثير من الاحداث التى  تدور على الساحه ومهاجمه الدكتور باسم يوسف لللاسلاميين المتكرر فطالبه عدد كبير منهم وبالتحدى ان يهاجم باسم يوسف فرد واحد من الاقباط واليكم الرد الخطير من باسم يوسف فعلا جامد جدا 
وناسف لم فى الفيديو من كلمات ولكنها على مسئوليه صناع الفيديو ولكم منا جزيل الشكر 

العوا يتحدث عن حازم ابواسماعيل شاهد قال ايه

عندما يتحدث العلم عن العالم فان الدنيا تقف احترام وتبجيلا للعالم فان العالم هو من استطاع ان يصل العلم لكل طلابه بكل حب نحن نتحدث عن محمد سليم العوا المرشح السابق للرئاسه عندما تحدث عن التيار السلفى ومدى تاييده له فى ظل وجود انسان مثل حازم صلاح ابو اسماعيل

باكستانى مسلم يقوم بتقليد الشيخ عبد الرحمن السديس ولا اروع

سبحان الله وبحمده سبحان الله العظيم 
ان الاسلام ما افضل النعم التى انعم بها الله علينا والقرآن شفاء الصدور فالحمد لله رب العالمين اليوم نقدم لكم باكستانى مسلم يقوم بتقليد الشيخ عبد الرحمن السديس كانه هو فعلا ولا اروع

حارس مرمى يصاب بالهلع من تسديده ميسى كوميدى اخر حاجه

انه الساحر الارجنيتنى لونيل ميسى افضل لاعب فى العالم لرابع مره على التوالى فى مباراه اليوم امام مالاجا قام ميسى بتسديد على المرمى فما كان من حارس المرمى ان صده بطريقه غريبه جدا تشير الى الرعب الرهيب من ميسى مهما وان كانت الكره ضعيفه

اعرف سر كلمه الشيخ حازم ابو اسماعيل انا سعيد انك سالت السؤال دا

لكل انا منا لازمه او كلمه تلازمه فى جميع اقواله ومن اشهر تلك الكلمات او اللازمات لزمه الشيخ حازم ابو اسماعيل انا سعيد انك سالت السؤال دا  اليكم سر تلك الكلمه يقوله الشيخ محمد حسين يعقوب اتمنى ان ينال على اعجابكم

احدث روائع الشاعر العامى عمرو قطامش انا مش اسف ... بجد فوق الوصف

بعد ان فاز بعرب جود تلند اختفى الشاعر المصرى العامى عمرو قطامش وتوارى عن الانظار ولكنه عاد الان باطلاله رائعه فوق الوصف بقصيده عاميه باسم انا مش اسف بمناسبه  ذكرى احتفالات ثورة 25 يناير اتمنى ان تنال على اعجاب حضرتكم

الحلقه المثيره من برنامج البرنامج لباسم يوسف بعنوان دمى ودموعى بجد جامد

الاسلوب المميز لنجم الاعلام الدكتور باسم يوسف برغم اعتراض الكثيرين لاسلوبه ولكن برغم دا الا ان اسلوبه الساخر الضاحك يجعل من معارضيه ومؤيديه يشاهدوا البرنامج
والحلقه دى كان باسم يوسف متالق باسلوبه ونقد كلا من الرئيس محمد مرسى مارا بمستشاره ونائب رئيس حزب الحريه والعداله الدكتور عصام العريان وبرغم السخريه السياسيه التى ينتهجها باسم يوسف الا انه فى الحلقه دى تناول نادى الزمالك مما جعل كثيرا من مشجعى نادى الزمالك تتطالب بمقاطعه البرنامج .

حمله تطعيم ضد باسم يوسف بس ايه جامده موت

كعاده باسم يوسف وبرنامجه البرنامج السخريه التامه من الاسلاميين ومن الرئيس بطريقه لا تليق بنا كمسلمين فالبرنامج كان ومازال ماده ساخره ضاحكه للشعب المصرى ولكن فى الفتره الاخيره تغير الحال لينقلب على باسم نظرا لمهاجمته المشايخ بطريقه جارحه لهم ولنا كمسلمين
مما جعل بعض الناس ترد على باسم بنفس المنهج والاسلوب وفى الفيديو دا اطفال هم اللى بيردوا على باسم بطريقه ولا اروع حمله تطعيم ضد باسم يوسف اتمنى لكم مشاهده ممتعه .

اغنيه عارف حبيبى بصوت نجم صوت الحياه شريف اسماعيل ولا اروع

لقد استطاع صاحب الصوت المميز والجسد المميز شريف اسماعيل ان يحصل على لقب صوت الحياه وقد اشاد لجنه الحكام والتى تتكون من المطرب الجميل هانى شاكر والديفا سميرة سعيد والملحن الصارم حلمى بكر وقد خرج علينا شريف اسماعيل ببعض من الاغانى التى نالت ااستحسان كل من سمعها واليوم يخرج علينا باغانيه عارف حبيبى للنجم الكبير الهضبه عمرو دياب بصوت ولا اروع