ف النت شاعر وقاعد ع المصطبة
جنب منه غراب وشوية تراب
عامل عمدة على حزمة حطب
عايش حياته يجرح الأصحاب
يقول أنا ناقد وأديب كبير
وهو نايم على بلاط مكسور
ويقولك أنا مدرسة ف الفن
وهو واقف بين فصلتين محسور
ف النت متشاعر وشعره خطير
أصله واخد على نوم الحصير
يكتب الحروف بإيده ورجله
عقله محتاج يجى عشرين غفير
يزعل لمّا تقول له أى كلام
يلف نفْسه بكم حزمة جرجير
حرفه زعلان ويقول أمير
سطرنا قاله لسانك عويل
تعيب الصحبة والقلب ماعابك
وتجرح خد الورد ساعة الأصيل
خليكى فاكره
إنك إنتى
اللى إبتديتى
خليكى فاكره
إنك اللى
بعدتى ونهيتى
كل اللى بينا
وخونتى الوعود
خليكى فاكره
إن قلبك
هو اللى باع
خليكى فاكره
إنك قدرتى
تقولى وداع
خليكى فاكره
ده اللى راح
لا يُمكن يعود
وإزاى بجد
كده تقدرى
تبعدى وتبيعى
وتكسرى
قلبى من غير
ما تفكرى
ولا تقولى إيه
هيبقى التمن
وإزاى تقتلى
كُل الأمانى
وتكرهينى
فى أحلى المعانى
وتقولى الحُكم
كان لزمانى
والعيب فيكى
مش فى الزمن
حبيتك زياده
عن اللزوم
ورسمتلك أحلى
طريق لسنينا
ولا عُمرى كُنت
أتصور يوم
إنك بسهوله
تبيعى اللى بينا
وتنسى الحب
اللى كان مقسوم
ما بين قلوبنا
وكان شاغلنا
كُنت ليكى
كُل الحياه
ووقت جرحك
بكون دواكى
كُنت ليكى
طوق نجاه
فى بحور الحُزن
اللى كانت وخداكى
ويلا أهو درس
وإتعلمناه
شُكرا ياللى
كُنتى ملاكى.
هب لنا ياربنا عيشاً كريما
واهدنا فيه الصراطَ المُستقيما
قد عقدنا القلبَ تَوحيداً سرى
بِدِمانا يذكرُ اللهَ العظيما
واقتَدينا بالحبيب المصطفى
واصطفَينا الدينَ والنهجَ السليما
فاستقمنا في طريقٍٍ مشرقٍ
وتحاشَينا عُطوفا وتُخوما
وتَرَسّمْنا خُطانا منهجاً
جعل المرءَ على الدربِ حكيما
ومن الأمر الذي فيه التُقى
والرضا والحقُّ والهَدْيُ .. قويما
وعلى العفوِ عن الناس الفتى
ذا السجايا .. وعلى الغَيظِ كظيما
وإذا ما الحيفُ بالبَغي احتَفى
كان للحَيفِ وللبَغي خصيما
حسبُهُ عند المنايا جنّةٌ
في رُباها يقطِفُ الخيرَ العميما .
كل يوم يظهر لنا شىء جديد منه ما نراه مفيد وجيد ومنه ما نراه شىء خصوصا لدينا نحن العرب وعندما بدات الامارات فى التأسيس ارادوا ان يتميزوا ويجعل من بلادهم واحة تبهر كل من يراها وهذا ما تم بالفعل واليوم تفاجىء الامارات الجميع وخصوصا العرب بتخصيص طريق للسيدات وقد ميزت الحكومة فى الامارات الطريق باللون الوردى . وفى النهاية لا يسعنا سوى قول الامارات دليل على الرقي والتميز .
ها نخطي كل الصعاب
علشان نعديها
ونركب الموج العالي
وعلي الشط نرسيها
اقسمنا باسم الله
ما ننام ولا نهدى
ولا يغفل لنا جفن
ونقوى سواعدنا
وبكل قوه وعزيمه
نوصلها لمراسيها
دى مصر ام العرب
والدنيا دى بحالها
تلاقي فيها الكرم
وشهامة رجالها
وها تفضل دايما فخر
لكل اجيالها
ايدى فى ايدك يا صاحبي
يا اخويا فى شرطه وجيش
نقدم احنا الشهاده
علشان ما مصر تعيش
وتوصل لبر الامان
وتبدء احلا زمان
ها نخطي كل الصعاب
وها نرجع لكم بيها
نرجع باحلا بهيه
ونعيش اجمل ايامها
ونسعد بلياليها
فَكّيت خيوط المَعانى
و الحَرف لافِف و داير
و الصَبر لاجل الأمانى
مَحبوس فـ قَلب الدَواير
مَغصوب يكَمِّل مَعايا
طَريقى و يشِد فِيّا
و الفَرْح طالِب رِضايا
و الحُزن راسِم عَلَيَّا
خِطة حابكها و شابكها
صَيَّاد و آخِر شَطارة
و اللى كاشِفها و رابكها
حَبة شَقاوة و جَسارة
لِسَّانى مِتباهى بيهُم
رَغم اللَيالى الصَعيبة
فى الزَنقة دايماً لاقيهُم
ضِد الظروف العَصيبة
و الليل طَويل
مِن غير نجوم
و الشَط نيل
شارِب هموم
أسرار كِتير
و ماجاش ف بالُه انُّه ينطَق
قَلبُه الكِبير
دايماً سامِعنا و مطَرطأ
طَبلِة ودانُه و دفوفها
و المَركِبة فوقُه سايرة
ناسها بتِضرَب كفوفها
زَهقانة كُتر المسايرة
و الطَبطَبة و المُحايلة
و الضَعف و الاستِكانة
فِزّى يا غِنّيوة مايلة
بكفاية ذُل و مَهانة
إمشى فـ طَريق العِناد
و اخفى مَعالِم سكوتِك
لِفِّى حَوارى البلاد
خَلِّيها تِفرَح بصوتِك
خوفِك هاتيه و ادبَحيه
و عَلقى لُه المَشانِق
فى كُل حِتة تلاقيه
خَلِّيكى صَيَّاد و زانِق
بالفَخ روح الفَريسة
و ارميها ضِمن الجَنايز
دا الجُبن روحُه رِخيصة
و الصَبر فارِس و فايز
مَهماً تِطول المَعارِك
و الموت يمَرجَح مَصيرُه
يرجَع و يفضَل مشارِك
و يضُم روحى لضَميرُه
بَعد المعافرة الطَويلة
و الشَد و الجَذب فِيّا
انعَس و ابات كُل ليلة
و الحُزن ضاحِك عَلَيَّا
مَهما أفُك المَعانى
لِسه بحورها غَويطة
و الصَبر لاجل الأمانى
أتاريها غِنوة عَبيطة
حبيبي : رأيتك مثل القمرْ=ومثل الضياء إذا ما انتثرْ
أنا الحبُّ يجْري بنفس الحشا=فتمْطر روحك روحي مطرْ
أطير إليك كطير القطا=أُمنِّي فؤادي بحلو الظَفرْ
حبيبي أنا الشدو فوق الوترْ=وأنت العبير إذا ما انتشرْ
وأنت الربيع وصنْو السنا=وأنت الحبور وصنْو الزهرْ
على مثْل وجْهك هذا النضرْ=أراني أهيم بدون حذرْ
لأنك نفسي وكل الدررْ=وأنت وجودي وأغلى البشرْ
أطوف ربوعك حتى الذرا=وأروي عيوني أديم النظرْ
وحين يَهبُّ نسيم الهوى=يناديك قلبي يزول الخطر
