قصيدة : محصلش خير ... بقلم الشاعر محمد الشيخ

محصلش خير
علشان مكانش مابينا غير
حبة حاجات متلخبطة
محصلش خير
ولا كان مابينا يادوب كلام
مكانتش غلطة والسلام
مكانتش جزمة فى وسط زحمة
بدون ماتقصد دوستها
ولا خبطة واردة لحاجة راقدة
في نيش صالتكوا لمستها
محصلش خير ...
وسط الردود
كان فى وعود
مابينا أقوى من العقود
ومكانش فيها بنود تقول
ان انت ناوي ف يوم تبيع
هتبيع لمين؟ وتبيع بكام؟
ذاك الحمل مابقاش وديع
فبلاش تصيع قبل السلام
قُصر الكلام .... محصلش خير
علشان ماعادش ماببنا خير
ولا عودت ضمن الترتيبات
ولا حتى فى السطر الأخير
فبلاش تعود زي الوتر
مشدود ف عود
دار الزمان على أصعته
قام انكسر
كان إيه صدر ؟؟
من صوته بعد اما انكسر؟
غير خرخشة ريشة فى أوتار مبهمة
كات روح وطلعت للسما ..
كان عود حياتي اللي إنكسر
مين إنكسر غيري أنا
محصلش خير
ف بلاش تعود تاني هنا ...
محصلش خير علشان مكانش مابينا خير ...

قصيدة : النخل ... بقلم الشاعر خلف جابر

النخل..
بيبص دايمًا ع البيوت من فوق
إكمنّه أقرب للسما منهم
هو اللي عارف سرّهم
الجوع رسول بيردّهم لله
علّمهم ..
يشق صدر الريح
ويكون مسيح
بيحب أعداءه
لا ينكسر لكن..
ينحني لله تواضع
النخل لسه بيضربوه بالطوب
رغم انه حافر مكان في جلده للي طالع

قصيدة : بصيت مرة ... بقلم الشاعر أحمد رضا

بصيت مرة ف المراية بكيت
انا شفت وحش بينده العفاريت
وحيطان بتترقص وتقلب نار
شبابيك بتتفتح قديم وجديد
وعنيا غنولي وملامحي سكوت
وايديا بتطبل علي الملكوت
فسرلي ياربي دة ايه المكتوب
واوضع لجرحي دة مكان له حدود
بصيت لقلبي ف المرايا ضحكت
الفرحه راحت لما راح للست
والدمعه نزلت لما مات واتسبت
وانا لسه بجري له بعزم الشوط
بصيت مرة ف المرايا بكيت
علي عمر واتبعتر ف لحظه وراح
علي قلب اتمرجح علي الاوجاع
وضلوع بتتكسر عشان حبيت
يلعن ابو دة الوجع يا شيخ
كل المشاعر كوم
كل المدامع كيت
اما الوجع دة كيت
شاب المرايا رغم اني بشيخ
وشي بيضحك .. رغم اني بكيت
رموشي بتداري ف نزيف الروح
وعنيا بتفضفض كلام مكسور
وايديا بترسم نار كتير وجروح
والدم بيطرطش م القليب منثور
يادي الوجع .. ليه الدموع بتزيد
ليه المشاعر ناقصه فيا حاجات
رغم اني بصيت للمرايا بكيت
ولمحت وحش بينده العفاريت

قصيدة : النص ... بقلم الشاعر عزيز محمد

النص ده
مكتوب عشان نفسى فقط
على غير ما عودت الحروف
النص ده
بيشوبه بعض من الأنا
والإيجو عالى انانى جدا والذاتيه المفرطه
حتى القناع منى سقط
وسط اكتتاب النص بالصدق المزوق بالنفاق
وسط اكتئاب مبنى على لعن الظروف
وسط التسلى باللى فاضل من حزين
وسط التخلى عن بواقى حد كان جنبى فسابنى م الرفاق
وانا بحلى دنيتى
بصورته وانا بحضن ضلوعه بقوتى
فاللقطه تيجى ووشه بيشوفنى تملى يشبهه
لما المصور كان حقيقى مش هناك
دمر هياكل كسرتى
علّق ف رقابيها المعاول جنب فاسه وثم قال:
النص ده
مكتوب عشان نفسى فقط
بيشوبه بعض من الفجور
والبعد عن حد التبرك بالقبور
والبعد عن مد التمسك بال(يوتوبيا) الافلاطونيه الزائفه
والبعد عن شد الحبال الخائفه
من خيط ضعيف رابط ما بينى وبين (حراء)
وبشر كتير واقف مقلّق وسط أجناس الطابور
وانا بدّعى
انى خلاص
قربت من لمس العرق
لما ينقّط من جبين سيدنا النبى
فالقى الحروف طرحت –جزافا-مذهبى
عيل غبى
ازاى اكون عيل مثالى وانا مفيش ابدا معى
غير حضن اخلاق استلفته من أبى
وقت أما كان معنى السلف
اصلا حرام
وان التلف
ف الحضن بيؤدى لعلل
بعض الخلل
مطلوب ساعات علشان تحس الانبساط
والعزله احيانا بتيجى م الاختلاط
والضحك مفرخة العياط
واللى بيزعل من ثبات الأرض يتعكز على نوم البساط
واللى يخاف عقدة (أوديب)
يقتل شكسبير السبب
او يقلع البدله البذيئه ويفترش
أرض التواضع ويا أحلام البُساط
النص ده
مكتوب عشان نفسى فقط
على غير ما عودت الحروف
النص ده
بيشوبه بعض من الأنا
والانحطاط
والاشتطاط
والحَب ف السبحه سقط
قصدى انفرط
الحَب بيجيد الوقوع والانفراط
زى الدقايق وقت نومك ع السرير
وقت اما يبقى الحزن باهت او ساعات يظهر غميق
لما تجيد شن الحروب على مروحة استاند استخبت م الزعيق
من والدتك
من بطئها
نفسك تكون اسرع عشان تعرف تنام
والبطء اصلا مصدره
مش م الرِيَشْ.......دى مخدتك
البطء كان اصلا قماشها المعتبر
والقطن فيه جواه صبر
على زرع اخضر كان ماليك
واتبدّلت
فجأه -بغباوه -فطرته
لما انتويت تعمل كبير
وتنام على طول السرير
من دون ما تاخد حيطه من كدب الساعات
ع الحيطه وف طول المسير
والاحتياط
م الادعاء
انك بقيت الفيلسوف
يعنى التنقل من مراحل حد كان يشبه صبى
يبقى بلوغ يافع حدود شاعر غبى
فاكر بأنه (مُسيلمه)
وانه مَلَك طُهر الحروف
النص ده
اكبر دليل ع الاحتفاء
بالذات وقتل الانسانيه ف خصرها
والطعن من خلف القصايد او نميمه ف ضهرها
يمكن يكون اكبر دليل ع الانطواء
رغم انى واخد ع الزحام
والالتحام
بالناس ف اوقات الصلا
والناس صفوف
والله دايما كنت بسمع للإمام
لما يقول
"سُدوا الفُرج"
كنت افضل الساجد وراه
وقت الهرج
وقت المرج
واتارينى
فارقت الحياه
النص ده
حارج حدود السرب وهديل الحمام
وف عز ما كل البشر
تبقى تمام
ببقى انا
(حجَاج )جديد
(ابو جهل) متدارى ف قصيدة(البُحترى)
وأبو تمام
(عُمر) الفاروق
قبل اعتناقه للهدوء
بعد اختناقه م الفسوق
بعد اهتداؤه انه مفيش
عابد بدقن
ولا يعيش ساجد بتمتمة الكلام
والقلب جاحد بالإله
النص ده
مكتوب عشان نفسى وفقط
علشان افوق
من وهم اسطورة كيان
كبّرته من لحم الحرام
وانا حفظت من البيان
ان اللى من لحم الحرام مره نشأ
لازم تكون النار مصيره بالالتهام
النص ده
مكتوب عشان كل اللى شاف روحه بتشبهنى انا
يلحق يعود تانى لطين بدء النشوء
يلحق يسيب (سيلفى )مناسب لاحترام المرحله
يلحق يسيب وش المصور بالتزام المرجله
يلحق يسيب حبل ادعاء المشيخه
يلحق يسيب وهم انتساب المفرخه
يلحق يسيب
عيل مثالى لا هوه عاش دور (الفاروق )
ولا استمر ف دور براءة المعيله

حبيبيتى

ﺃﺣْﺒّـــــــــﻚ .. ﻟَﻴﺲ ﻷ‌ﻧّﻚ ﺷﻲﺀ .. ﺑﻞ ﻷ‌ﻧّﻚ ﺃﺟﻤﻞ ﺍﻷ‌ﺷﻴﺎﺀ ﻭﺃﻛﺜﺮﻫﺎ ﺇﺩﺭﺍﻛًﺎ ﻟﻤﻌﺎﻧﻲ ﺍﻟﺠَﻤﺎﻝ .. ﺃُﺣﺒُّــــــــﻚ ..ﻟَﻴﺲَ ﻷ‌ﻧﻚ ﻧﺒﺾ .. ﺑﻞ ﻷ‌ﻧّﻚ ﺃﺻﺪﻕ ﺍﻟﻨﺒﻀﺎﺕ ﻭﺃﻛﺜﺮﻫﺎ ﺇﺷﺒﺎﻋًﺎ ﺑﺎﻟﻨّﻘﺎﺀ .. ﺃُﺣﺒّـــــــــﻚ .. ﻟﻴﺲَ ﻷ‌ﻧﻚ ﻟﺴﺖ ﻣﺠﺮﺩ ﺣﺒﻴﺐ .. ﺑﻞ ﻷ‌ﻧّﻚ ﻧﺼﻔﻰ ﺍﻵ‌ﺧﺮ ﺃﻧﺖ ﻧﺒﺾ ﻗﻠﺒــــــــــﻲ .. ﺩﻋﻨﻲ ﺃﺗﺮﺟﻢ ﻟﻚ ﻗﺼﺎﺋﺪ ﻋﺸﻘﻲ ﺑﻜﻞ ﺍﻟﻠﻐﺎﺕ.. ﺃﺩﻭﻧﻬﺎ ﻓﻲ ﻛﻞ ﺍﻷ‌ﺳﺎﻃﻴﺮ ﻭﺍﻟﺤﻜﺎﻳﺎﺕ .. جنتى حبيبتى ﻣﻦ ﻋﻴﻨﺎﻙ ﺑﺪﺃﺕ ﺛﻮﺭﺓ ﺣﺮﻭﻓﻲ ﻭﺍﻟﻜﻠﻤﺎﺕ .. ﻭﺳﻄﺮﺕ ﺭﻭﺍﻳﺔ ﻋﺸﻖ ﺑﻼ‌ ﺃﻛﺎﺫﻳﺐ ﺃﻭﺧﺮﺍﻓﺎﺕ.. ﻭﻋﻠﻰ ﺩﻗﺎﺕ ﻗﻠﺒﻰ ﻏﻔﻰ ﺣﻨﻴﻨﻲ .. ﻭﺑﺎﺕ ﻓﻲ ﺣﺒﻚ ﺃﻧﺎ ﻻ‌ ﺃﻋﺮﻑ ﻫﺰﻳﻤﺔ ﻭﻻ‌ ﺃﺭﻓﻊ ﺍﻟﺮﺍﻳﺎﺕ .. ﻓـ ﺩﻋﻨﻲ حبيبتى ﺃُﺭﻳﻚ ﻋﺸﻘﻲ ﺑﻜﻞ ﺍﻟﻠﻐﺎﺕ*#العميد_العميد

من أجل اللاجئين يلتقى زعيمان الكرة الالمانية والمصرية

فى وقت ما مضى قام النادى الاهلى المصرى بأرسال دعوة لملاقاة زعيم الاندية الالمانية نادى البايرن ميونخ وذلك من أجل اللاجئين السورين وبعد الاتفاق على كافة التفاصيل قدا أعلن رسميا اليوم النادى الالمانى بايرن ميونخ على موقعه الرسمى الموافقة على ملاقاة زعيم الكرة المصرية النادى الاهلى وهذا فى الاسبوع الاول من شهر يناير القادم على ملعب الاليانز أرينا معقل النادى البافارى فى ألمانيا .

كوكا العزيمة والرجولة

حدثنى عن الرجولة .. قلت له العزيمة فى قلوب الشباب ..
فلنتحدث عن الحكاية المذهلة لاحمد حسن كوكا متوسط هجوم المنتخب المصري ..
منذ 4 اعوام سافر للبرتغال ليلتحق بفريق فى ذيل الترتيب اسمه ريو افى ..
لعب عام كامل لفريق الرديف فلم يبدي تبرما ..
العام التالى تم تصعيده للفريق الاول و ظل عاما كاملا حبيس دكة البدلاء فلم يبدي غضبا او يحمل جعبته عائدا لمصر ..
العام الثالث جائت الفرصة فانفجر مسجلا ما يقرب من 20 هدف للفريق فى موسم واحد و كان قريبا من لقب هداف الدوري البرتغالى ..
ظلوا فى المنتخب المصري يتجاهلونه و عندما اراد احد الصحفين ان ينصب له فخا بسؤاله عن تعليقه على اختيارات المدرب ابتسم قائلا اتمنى التوفيق له فانا مشجع لبلادي قبل ان اكون لاعبا ..
انتقل الى بنفيكا فى صفقة كبيرة .. و هنا كانت الكارثة ..
الفحص الطبى اثبت وجود عيب خلقى بالقلب يحتاج لاغلاقه بالقسطره ..
و لم يصبر بنفيكا الغى التعاقد و انتشرت الاخبار لتقضى على امال الحالم الاخير ..
الفتى الطيب كان حالما اكثر من تشى جيفارا نفسه .. لم يكن يدري ان الدنيا بمجنزراتها الواقعية الكئيبة عندها تلذذ سادي بالمرور فوق رقاب الحالمين محطمة فقراتهم حتى تسمع طقطقات الغضاريف فى سلاسل ظهورهم ..
ظن الجميع ان مستقبل الفتى قد انتهى .. اجري القسطرة و عاد لريو افى ..
الموت لا يأتى مرتين هكذا امن الفتى .. انطلق فى الملاعب هائجا ناقما كأنه هرقل يعتلى قمة الاوليمب محررا برومثيوس من عذابه الازلى الرهيب ..
سجل هدفا قاتلا فى سبورتنج براغا العتيد .. رابع الدوري البرتغالى ..
فى اليوم التالى اشتراه براغا فى عقد نهائي لخمس سنوات ..
ضمه الارجنتينى القصير المكير للمنتخب ليقصف زامبيا بهدفين مسطرا فصلا جديدا عن مجالد عتيد ..
بالامس توفى والده .. فريقه لديه مباراة فاصله ضد مارسيليا فى الدوري الاوروبى ..
المدرب يحتاجه .. لعب كوكا المباراة و كلما تابعه المخرج اثناء ركضه تراه دامع العينين كسير الفؤاد .. كل شئ فيه مهيض الجناح الا شئ واحد فقط يتألق كبلورات من الوان متداخلة تشى ببهجة غير متوقعه ..
عزيمته ..
سجل هدفا مذهلا و انطلق صارخا و دموعه تتفجر كبركان ظل خامدا حتى اذا ما استفاق لم يغلبه شئ ..
راح يصرخ داعيا لوالده بالرحمة ..
رحمة الله على والدك ..
والدك لم يمت ..
حدانا فى البلد اقادم الاوتاد يقولون شيئا مثيرا ..
اللى يخلف رجالة مبيموتش ..