واقول له الفرح مايصحِّش

واقول له الفرح مايصحِّش
واخويا ف حزن جار مني
وعايز اروحله حارمنني
ومانعينني أكون وياه
أقله أشاركه أحزانه
واشد ف أزره مش اغني
وكررت الكلام دا كتير
لكن ما بتختشيش مني
اتاري الراديو كان تايوان
ومتوالس مع السلطان
يموت في الكدب والتدليس
حرامي وانتهازي جبان

لسه فينا معاني .... بقلم زياد الاسكندرانى

لسه فينا شوية من الجمال
لسه فينا شوية من الإنسان
لسه فينا معاني
لازم نحارب عشانها
من غير إستسلام ..
لسه فينا
العاشق اللي بيقدّر المشاعر
وبيحب ب إجلال
واللي مبيعرفش يخون
وبيصون ف كل الأحوال ..
لسه فينا
القلب اللي بيدي بلا حدود
وبلا مقابل
ومن غير سؤال ..
لسه فينا
الكتف اللي بيسند
والإيد اللي بتساعد
والقلم اللي بيعلم أجيال ..
لسه فينا
اللي بيضحك ف الميل
واللي بيشوف جمال القمر بالليل
واللي بيشد الحيل
وهو على ضهرُه حِمل جبال ..
لسه فينا الإبن اللي ب يبر
والأب اللي بيحن
والأخ اللي ب يود
والأم اللي بتضم العيال...
لسه فينا حاجات كتير حلوة ......... !!

انا الانسان .... بقلم حسن محمد

بيقوله البعد والمسافات بيطرح م القساوة بيوت
وان القلب طول الوقت
بينزف في الوريد نبضات تقلل من رصيد العمر
وان البحر لما يثور بيحدف ع الرمال موجه
انا الورد اللي من خوفه يبات مكسور / طرح شوكه
انا الشجرة في وقت خريف / وانا العصفور
انا الطاير بحريه بلف بلاد بطوف اوطان
ورغم اني شريد جدا ماليش ماوي
فكل مدينه بدخلها / بفكر فاللي قبليها
واقول اشتقت
انا العقرب في ساعة الحيط / ذليل الوقت
بلف في دايره مقفوله لحد ما ادوخ
وبرجع تاني م الاول مكان ما بدأت
انا الواد اللي قال صدقت ..
بان الضلمه حضن امان
وان البنت لحن كمان
وان في يوم هلاقي مكان يعوضني حنان امي
انا اللي سمحت لدموعي تغرقني ويصرخ م الوجع كمي
انا اللي زرعت فى مشاعري شجر صبار
يزيد همي
انا اللي صرخت يا بلادي في وش الظلم
ماتتلمي / وحسي انك حذلتيني
مشاعري وطيني مش ليا
انا الليل اللي تأه قمره وكتروا السهرانين فيا
انا الواد اللي من غلبه بتحضن ودنه هاند فيري
وعايش جوه اغنيه
بيرسم فالضا احلام
ويخلق م الخيال اوهام
ولما في يوم يضيق الحال ودمعي يرج في عنيا / انا مابكيش
وبطرح ع الورق اشعار
بعري في روحي للجمهور
وبكتب ع اللي حاسس بي / وبنحت نفسي بالمطوه
انا القطر اللي قضبانه تملي بتسبقه بخطوه !
انا الصوره اللي منسيه
في محفظه جلد مطويه بقالها حوالي ست سنين
انا المخدوع بناس ياما
مسوخ علي شكل بني ادمين
انا اللي بضحك المخاليق باشعاري
بحاول اخطي اي روتين
فانا اسف لان المره ده مصمم ابكيكم
انا الكلب اللي بات يعوي في حواريكم
عشان يحميكوا م الاوباش
فحدفتوه بطوب وزعيق
انا القشه اللي بتعلق فاي غريق
عشان عشمان اموت ولا اعشش يوم بينكم
انا الحارس علي عقاركم وسكانكم
انا العامل بتاع الشيشه ع القهوه يرصلكم
حجاره وغلب م الدنيا
وبالاجبار وغصب عن حبابي عنيا
يسخن فالحجر ليكم
يدوق المر قبليكم / وصدره بيتكتم دخان
انا الانسان و انا الشارع و انا الشاعر
وانا البيت اللي اوحاله عشان يبدا فهذا النص
انا التوب اللي كان واهب
قماشه عشان يدفيكم وشوهتوه بسن مقص

اصل الزمن اتغير .... بقلم احمد المنوفى

"اصل الزمن اتغير" جمله بنقولها دايما لما بنحاول نبرر احبطاتنا او نداري خجلنا من حاجه معرفناش نعملها .. الزمن مبيتغيرش .. احنا اللي بنتغير .. مش عارف ليه بننسب التغيرات اللي بتحصلنا للزمن !!!
الزمن بآيامه وشهوره وسنينه ماشي فى اعمارنا فابتتغير مسمياتها من طفولة لشباب لكهوله ..الزمن مش بيتطور .. الزمن بيعدي .. “ فالزمن لايملك الا المرور“ .. الشمس بتُشرق وبتغرب فيمر يوم وراه يوم .. وتتكوم الايام فتبقي شهور و سنين .. والا كنا سمعنا عن يوم اتطور وبقي سته وعشرين ساعه .. احنا اللي بنتحايل فى كلامنا وبنقول ان السنه دي سنه سعيده او سنه كئيبه ... الزمن بريء من سعادة او تعاسة البشر .. الزمن اتخلق علشان نعيش فيه مش نحاسبه على احاسيس او مشاعر او افعال احنا اللي عملناها مش هو .. احنا الوحيدون اللي بآيدنا نكون تعساء او سعداء .. فنفرح بزماننا او نتعس به .. احنا مين ؟ احنا سُكان الزمن ... احنا التعساء مش الزمن ..!

ناس بترزع . ناس بتحصد ... بقلم أحمد الميرى

هو حب بس خايف ..
هي حبت و بجرائه ..
هو كان بالفعل شايف ..
العلاقه تكون صداقه ..
اصل جرحه كان بينزف .. 💔
الف شوق و ميت حنين ..
بس هي بسرعه سألت ..
مين صوابعه متشابهين ؟!
هو كان بالفعل فاهم ..
بس خايف هي تمشي ..
هي حست جرح لكن ..
جايز هو مكنش يقصد ..
الحياه هنعيشها دايره ..
ناس بترزع . ناس بتحصد . :(

حقق حلمك فى التمثيل بدوووووووووون اى مقابل

عشاااااااااااق المسرح والتمثيل

للاستفسار على الأرقام التالية. ..
01124066681
01024123333
حقق حلمك فى التمثيل بدوووووووووون اى مقابل بلاجهود الذاتية فقط

اغنية احمر يا شال .. بصوت اسلام فهمى

Listen to أحمر يا شال | Eslam Fahmy by eslam fahmy #np on #SoundCloud https://soundcloud.com/eslam-fahmy-musician/bdwu06iomdjk