متعتذريش .... بقلم على فتحى

متعتذريش .... عشان ف الاصل انا الغلطان ف حقى وانتى ماغلتطيش
انا اللى قبلت .... اعدى حاجات ماتتعداش .......
وكل مااقول هاخد موقف .. يقوم قلبى يقولى بلاش
غلتطى أد ما غلتطى ماشوفتيش منى اى عقاب
وابرر ليكى غلطاتك وانا اللى بحطلك اسباب
واقول طيبه ... اقول خيبه .... اقول دى حبيبه .. واكيد ماكنتش عامله حساب
ونفس الغلطه تتكرر .... وكنت نهار مابتهور..... اخاصمك ساعه او ساعتين .... واجيلك تانى اشوفك فين ......
واقول معلش .. واتأسف .... وكنتى كمان مابتسامحيش ..... متعتذريش .... عشان ف الاصل انا الغلطان
ف حقى وانتى ماغلتطيش

أضعتُ بحُمقي حياتي .... بقلم ماجد فياض

أضعتُ بحُمقي حياتي لأني
أضعتُك ِ منّي بكُثر ِ التجنّي
حسبتُ بدونِك ِ أحيا سعيداً
وأني طليقٌ ببعدِك ِ عنّي
رحلتُ بعيداً وما كنتُ أدري
بأنَ فُؤادي يُخالفُ ظنّي
وحينَ وددتُ أبدّلُ حُبي
تجاهلَ قلبي ليهربَ مني
تهاوت حساني كدمعة ِ عيني
وما نلتُ إلا سرابَ التمنّي
فأنت ِ بقلبي برغم ِ التنائي
كأول ِ يوم ٍ عبرت ِ لكوني
وطلَّ هواك ِ كزهر ٍ رطيب ٍ
ليُسقطَ عنك ِ ستائرَ بيني
فعادَ الزمانُ بذاهب ِ أمسي
وصوتُك ِ عبرَ الوريد ِ يغني
تحدّثَ جُرحك ِ يشكو ابتعادي
ويطلبُ مني أسددُ ديني
ولستُ بمالك ِ شيء ٍ بكفّي
وعُذري هزيلٌ بدا لمْ يُعنّي
أعودُ إليك ِ بكلّ ِ ذُنوبي
وأعلمُ أنّك ِ لا لنْ تَضُنّي
فأنت ِ الوفيّةُ دونَ احتساب ٍ
وقلبكَ رغمَ ابتعادي سَيُدني

مسيحي بس محترم

#مسيحي_بس_محترم
مرة سمعت الجملة دي من واحد وانا صغير ، وساعات كنت باسمع حد يقول " ده دكتور مسيحي بس شاطر " ، وكلام تاني كتير حصيلة الميثولوجيا العفنة ، أم سمير جارتنا ف الاسماعيلية كان عندها ولدين مينا وسمير وجوزها الاستاذ عبده جاد ، كانت محامية وكانت أمي بتقضي نص اليوم ف الكلام معاها ، سمير كان معايا ف الفصل وماكناش بنفترق يمكن الا ف حصة التربية المسيحية والاسلامية ، كان بيبصلي بصة عجيبة قوي وهو بياخد شنطته ورايح فصل تاني علشان يحضر حصة الدين ، مرة من المرات اخويا ف لعب الكورة بدون قصد وقعه واتكسرت رجله ، ابوه انفعل جداً علي اخويا لكن طنط نادية " أم سمير " زعقت أكتر وهي بتقوله " ايه يعني ، اتنيل اتكسر هيتجبس واسبوعين يبقي قرد " وبدأت تراضي اخويا وكإنه هو اللي اتكسر مش سمير
ف بيت أم سمير روحت زعلان بعد ما أمي ضربتني ف مرة ، وأكلت كيكة من ايدها كتير ، وكنت بزوغ من المذاكرة عندها ، مرة الادان جه ف القناة الأولي وانا عندها مينا قلب القناة بسلامة نية طفل ، بصتله بصة انا عمري ماهنساه والولد تلقائياً رجّع الادان ، أكتر من مرة الاقيها بتستشهد بآيات من القرآن بحكم عملها كمحامية وكانت ف مرة اعنف من أمي عليا لما عرفت اني غير منتظم في الصلاة
كلام كتير عن قعدات رمضان معاها ، والعيدية اللي كانت بتدهالي ، واللعب ف عيد ميلادي ، وبيتها المفتوح ف وشي دايماً لدرجة اني لما كنت بارجع من المدرسة بدري وابويا وامي مش موجودين كانت تدخلني عشان آكل واقلع الشنطة وادخل الحمام
الست دي وحشتني قوي ومش عارف ف بيتها القديم ولاعزّلت ، بس عموماً عاوز أقولها حاجة يمكن البوست ده يوصلها عن طريق الصدفة البحتة
" عمري ماشوفت مسيحية وانا مسلم انا طول عمري بشوفك مؤمنة وانا زيك "

شاعر علىٰ شاعر مايلفّش ... بقلم مصطفى يوسف

شاعر علىٰ شاعر مايلفّش
فما بالك لو كنا حبايب!
هانعِد الغلطات / مانعدّش
هنسيب السايب فـ السايب
موجَب على سالب بالسالب
شاعر على شاعر فـ الغالب
يشْبِه لاتنين شِبه تعالب
بنّام وعنينا مهيش نايمة
"والله ياصاحبي و والله / والله كمان مرة اتأكد عمرها ما فـ مرة تكون دايمة"

سطرت في صفح الكشكول ... بقلم محمد عماد

سطرت في صفح الكشكول
مكتبتش فيهم ولا سطر
قعدت اتدرب واقول
ملحقتش مواعيد القطر
ودفعت فلوس الكورسات
ومروحتش غير اول مرة
وحلمت بنوع عربيات
ويدوب بلمسهم من بره
ولعت النار ع البراد
كالعادة نسيته اما اتبخر
وحجزت الحفلة المنتظرة
و كعادتي
بوصل متأخر
فقري
ومتشائم
وضعيف
اكلاتي
بينقصها رغيف
محتاج الى دعم وتخفيف
فـ ياريتك كنتي استنيتي
مع ذلك قاعد بكتبلك
وانا عارف عمرك ما قريتي ..

(حُماة الشعر) ... بقلم محمد محمود

عم عزيز
وشادي شديد
سلامه وجورج ويا سعيد/ مع القيصر
وعمنا احمد النجار
واذا جت سيرة الأشعار
نفضي الساحه للباشا
ونغزل من شطور هيثم
عباية الشعر
اذا كان البشر تماً رخاص السعر
فما يساووا جرام واحد
اذا كات المقارنه ما بين
قلوب الخلق مع مروه
معاها بتعجز الأقلام
كما عجزي انا والشعر
امام مالك وأبوه محمود ولد سلّام
حسن/ حازم /شبانه /حسام
وكل كلامهم الوهاب
واشرف ابن عبهادي
كنار بتقيد علي الهادي
وليست نار
وداندليون /وصاحبه مصطفى النجار
وعبدالله ولد صبري
رسول الشعر خارج مصر
وقصر الشعر مع صغره "برئ جدا"
محمد عادل (الطيب)
وهاجر بنت سيد بدر
واشعارها ف ليلة القدر
ولو حبينا نسمع شعر
هنسمع اختنا الفالته
وليدة نيلنا والدلتا
اكيد أسماء
ولو حبيت ف يوم اشتاق
لماضي مهوش هيرجع يوم
واشوف الدمع ف عيوني
هروح علي شعر بسيوني
لعله يفضي فيا فراغ
لـ دينا عادل واشعارها
ونارنا القايده من نارها
وهاجر ويا ثوارها /وكل الناس
واذا مرة احتفى الإحساس
نبص نشوف لاخر سطر ف أچنده
هنلقي الشعر بهمومه
معَ سوهنده
ونسمع شعر للفجريه م الليله
سرور واولان/جمال الصاوي وكحيله
واذا حبينا يوم نخرج لخارج مصر
اكيد اشرف
حبيب الكل -برشا😂- كتير
لـ شبرا سفير (اكيد اشرف خلف طبعاً)
"واخر كرسي ف سيما" كلام بيودي ع الجنه 😂
واخويا محمد البنا
واذا حبينا نعمل حصر
هنلقي الشعر يا أخونا
بيمشي ف دم ابناء مصر
وان المذكورين أعلاه
هم اغلى الجميع ف السعر
وهما باختصار جداً
(حُماة الشعر)

باكتِب و اعيد ... بقلم أحمد شبكة

باكتِب و اعيد
و اكتِب عشان أمحي
لا حفرت نيلي
و لا طرح قمحي
سامحي
يسامحني طيني و خزيني
أو عيّشيني
لو ما هاتسامحي
ف اكتب و اعيد
و اكتب عشان أمحي
غربة الثواني وسط أهل و دار
دارت عقارب ساعتي بالمندار
باصغر أنا
لكن بجسمي باشيخ
لم نولت حظي
و لم رَشَق رمحي
ف اكتِب و اعيد
و اكتِب عشان أمحي
شايف بعيد و لآخر الآخر
عمران يا عُمر بمسك و مباخر
يتّاخر الساخر و انا باحبي
و ازاي بيعجز ع البصر لمحي
ف اكتب و اعيد
و اكتب عشان أمحي
عكّازي لاذ بالسكة توّهني
و انتي البعيدة إسعدي و اهني
عكّازي عاز يدّه تكون فضة
غَرَضُه يساندني
قام لَجَم جمحي
ف اكتب و اعيد
و اكتب عشان أمحي