غريب في بلاد بتعشقني .... بقلم محمد صابر الخولى

غريب في بلاد بتعشقني ما بعشقاش
حيطاني اتشققت حواديت
بقيت كما بيت
بيكره لمة السكان علي السيرة
غريب والشعر تأشيرة ما بتعديش لأي حدود
غريب غربة تذاكر قطر في المترو
تذاكر مترو في الارياف
عينيه بتطق ليل وأصحاب
تدمع دمع مش شفاف
وعكس الناس
بيتحامي
من الاشجار في حضن الريح
مع إن الشجر خواف ..
بقيت ضل لرفيق ميت
ولو عايش ماهوش موجود ..
انا المفروض
حبيبتي تخط لي خطين علي كفوفي وتمشيهم
ما خطتشي ولا خطّت
وانا مرّرت ما ( حلّت )
ربطت وبرضة ما (حلّت)
ولا (حلت) علي بالي
بقول الشعر موالي وما بتسمعش
مشيت في الغربة سكة حرام
لقيت إن الحلال ما ارجعش
وطار طيري
لمين الارض غير للناس ؟
وأرضي لمين سوا غيري ؟
لمين ارجع وانا المقتول علي باب الحنين ساجد ؟
مفيش فيا سطوح تنفع مراسي لأي طير وارد ..
بقيت عيل بيستغرب يشوف النور
مبرق حبة للشارع
مبرق حبة للراجع بلاده وشايل المكاتيب
غريب في جيوبه ميت ذكري
وذكري في شكل حد غريب
غريب عني وعن ارضي اللي دايساني وما نسيتهاش
غريب في بلاد ندوس اراضيها ما تدوسناش

إنّي بريءٌ ... بقلم هيثم جبل

إنّي بريءٌ من ضَناكَ وَدَائِهِ !!
كَبراءَةِ الأنيابِ من دمِ يُوسُفِ
إنِّي بريءٌ ، مَا هَجَرتُكِ طائِعًا !!
لَكِنَّهَا الأَقدارَ قالَتْ ؛ إكتَفِ !!
باللّهِ يا أَهلَ الهَوَى مَن منكُمُ
ذاقَ المَرارَ ؟؟ ، فدَمعَتي لا تَنْطَفِي
هَيَّا صِفُوا لِي ما يُداوِي أنَّتِي
أوَكُلَّمَا داوَيتُ قلبي ، التَاعَ فِيّْ ؟؟!!
إنِّي عَبُوسٌ قَمطَريرٌ لا أرَى
وبنورِ وَجهِكَ ، ذا عليلٌ قَد شُفِي

بطلت عشق ياقلبى ... بقلم محمد بدر

بطلت عشق ياقلبى
طب ليه فقلبك نار
مش شايفه
شكل الحب
ولا حتى عارفه أختار
والعين جت
فى العين
والنار تقيد
فى النار
وبقينا أحنا
الأتنين
حيره وعذاب ومرار
بطلت عشق ياقلبى
طب ليه فقلبك نار
عرفت طعم الغيره
وبقيت قليلة الحيله
دى ليله وكانت ليله
ولا عارفه ادى قرار
خايفه عليك م العشق
ياقلبى
ليجى يوم تنهار
طب ليه فقلبك نار
سلامات ياقلبى
وياعذابك
م اللى أنا شفته
من أحبابك
بتضحى بعمرى
وشبابك
وتقولى خبى
دى أسرار
بطلت عشق ياقلبى
طب ليه فقلبك نار

تسريبات تسريبات تسريبات .... بقلم عماد طنطاوى

تسريبات تسريبات تسريبات
تسريبات مالية البرامج والشاشات
ل أم بطة وأم نسمة الخدامات
وأم مُندى وأم راضى الدليات
والعليمى وبهظ بيه
والبريزة والجنيه
والجميلة بوسى كات
ذيع ياعم التسجيلات
تسريبات تسريبات
سمعوا الناس اللى حاصل
بين كريمة وعبده واصل
بعدها نطلع بفاصل
فيه أغانى وإعلانات
ذيع ياعم التسجيلات
تسريبات تسريبات
(1)
-أحمد السيد "ألو"
= نعمت الكاشف "هالو"
- إنتى فين ؟
= ف إسكندرية
- قاعدة طبعا بالمايوه
ع البلاج وسط البنات
ذيع ياعم التسجيلات
تسريبات تسريبات
(2)
- يا أم نسمة إزى نسمة
= حلوة ياختى إزى كاظم
الجواز نصيب وقسمة
- أيوة طبعا هوه فاهم
ما أحنا جوزناه آيات
ذيع ياعم التسجيلات
تسريبات تسريبات
(3)
- ف البريف تكون مهندم
= قد علم وتمام يا أفندم
£ اي صحيح فهمتوا ايه...!!؟
دول عيال الكافيهات
حد يجرأ إنه يجى جنب عزوة المعلم

ده ملخص ما أُذيع
أو خلاصة مايذاع
عن طريق واحد وضيع
إسمه "أحمس" البتاع
ف بلد جنب الصومال
ماشية طبعا بالدراع

شباك قزاز .... بقلم ابراهيم سليم

خلف الستاير ف البيوت
شباك قزاز
ما البرد قرب ينكسر
سحابه فوقه بتنتشر
شايله ف احضانها المطر
عمال يدور ع القمر
عمال يدور ع النجوم
شافهم بيداروا ف غيوم
خايفين ليتصابوا بضرر
فضلت ستايره تبصله
تصرخ وبتنادي عليه
تهمس وتتمايل عليه
لجل ان مره يحسها
حولت تضمه ف حضنها
ولكنه مشغول بالقمر
شوفت القدر
جت الرياح وزقته
علشان ترده لحضناها
بكت الستاير ع القزاز
حس القزاز بحبها
بيضمها
جت العجوز من السرير
اول ما حست بالمطر
قامت ورحت ع القزاز
مدت ايديها بتقفله
مسكت ستايرها ايديه
شبطت ف ايده بطرفها
شبط بأيده ف طرفها
حولت بقوتها العجوز
تزق بأديها القزاز
الحب بينهم لما جاز
جت العجوز تحرمه
تجاعيد ايديها اتعصبه
دفعت بقوتها القزاز
عور ايديها اما انكسر
بكت الستاير ع الا كان
اشلائه بتغطي المكان
وايده لسه ف طرفها
بس الا زود ف الجراح
الشمس طلعت ف الصباح
ضربت ف اشلاء القزاز
عكستها ف عيون العجوز
لمحت ستايرها القماش
مالت ووقعت ع البلاط
وعشان نصيبها والقدر
باشت وغرقت ف المطر
وهي ف احضان القزاز

زي الأفلام .. زي السيما ... بقلم محمد خميس

زي الأفلام .. زي السيما
ف مكان مهجور وملوش قيمه
أتنين قاعدين
بيغنو ويجرو ف أرض الله
الحب حياه
وانا وانتي حياه
ولا نملك ذره مال ولا جاه
تضحكي أضحك
تفرحي أفرح
وابني ف قلبي لروحك مطرح
نتراهن علي مين اللي يمل
تفكير بيشل ..
وكلام ممكن يوم يتحقق
المبدأ ف حياتنا بيسبق
وبينهي القصه بدون أعذار
الحال ومرار والأهل حصار
والدنيا بتستقوي علينا
فرقع بلالين واطفي الزينه
فيه مشاهد سينما بتتصور
والبنت ساعات سهل تدور
علي فتي احلام يشبه روحها
ف الواقع ايضا والمعتاد
بيكون اول حد جرحها
قلبها مكسور بتخاف م النور
وبتعشق تقعد ف الضلمه
تستني يادوب بس مكالمه
عقلها مشغول والليل بيطول
وتفوت وتعدي اخر جوله
زي الافلام زي السيما
نستني نشوف قصه قديمه
وبنضحك دايما ع القفله
الحزن بيدخل علي غفله
ويحاصر ف قلوبنا وروحنا
ازاي الحب بيجرحنا
ازاي الحال مفيهوش تغيير
تفكير تفكير والوضع خطير
واحنا لا جينا يوم ولا روحنا
زي الافلام زي السيما
وجعك ملفوف لفه عظيمه
ف مكان مهجور ومالوش قيمه
هتلاقي اتنين دايما قاعدين
بيغنوا ويجرو ف ارض الله
اسألهم كم مره اتوجعو
علشان بيقولو الحب حياه

ويجي عليا الليل ... بقلم مصطفى علم الدين

ويجي عليا الليل..
وكاني ميت من يجي 100 سنه..
كل اللي فـ الصور بهاليل..
حتي انا..
غريب يا ليل..
تصيب كل قلوب العشاق بحب..
وتسيب فـ حضني الفراق..
مش يا ليل كنت حتي تسبني عليل..
ولا كان لازم موتي وقتها…