مبتكسرش ... بقلم هبه شحاته

انا بنت بس مبتكسرش
وضعفى غلباه بقوتى
ممكن تشوف دموعى بس
متتخدعش ف هيئتى
انا سهل ابيع و اداوى جرحى و اخسرك
لو يوم كرامتى لمستها ... سهل اكسرك
وقلبى عادى اسكته .. و اموته .. و ادمرك
مش معنى حبى انى اكونلك
ارض عادى تدوسها رجلك
حتى لو بعشق هواك
حتى لو بستنى حضنك
انا مش رخيصه
.. متفتكرش
انى بنت ف اتقهر .. و اتكسر ..
... مبتكسرش

رساله لحبيبي ... بقلم رودينا مناع

أنت عارف!
❤انت كل حاجه حلوة ربنا كاتبهالي ف حياتي جمعها فيك
لما بصلي .. قلبي بيدعيلك .. وكل نبضه بتطلع مني بتبقي ليك
انا عايشه بصوتك وبنفسك وبدقه قلبك 
إني مهما عديت لحظات سعادتي وانت جنبي وقارنتها بسعادتي قبل كدة  الكفه بتاعتك هي اللي هتكسب
لما قولت عليك حته من قلبي مغلطتش ع فكرة
بل إني كان لازم اقول عليك قلبي
لما صارحتني بحبك ليا انا كنت مستغربه عارف لي!
عشان أنت لما قولتلي مواصفات اللي نفسك ترتبط بيها ملقتهاش فيا ..
بس لما قولت انك بتحبني .. قعدت ادور علي سبب لحبك ليا ..
بس حسيت بقلبك ..وانك لما بتفكر فيا وانا بعيد عنك قلبي بيدق ... بيعطيني انزار ب انك محتاجني  
بغض النظر عن خناقنا اللي طعمه حلو اووي
ان كل حاجه فيا متفصله عليك بالملي
مشاعري وقلبي وروحي وعمري كان مكتوب باسمك
تفاصيل قلبك كلها معايا .. حبك ليا عاميني عن اي حد ..
مش عاطيني فرصه افكر ف حد تاني  احتلتني بكل كبيرة وصغيرة فيك ..
بنفسك وقت م بتنام مني .. بعيونك ف صورك .. بصوتك وقت كلامنا.. ولا لما تكون صاحي من النوم لسه.. لما نقعد نتريق ع بعض ف صورنا..
كل تفصيله بتعدي بيا وانا معاك .. بعتبرها فرحه مكمله معايا..
كل ثانيه وكل دقيقه بتبقي احلي بيك ... لو كانت من غيرك صدقني مكانتش حياتي هتكمل... يا أول وآخر راجل عرفته ف حياتي ومش هقبل أبدا بحد غيرك ..
انا حرفيا اقسم بالله بعشقك 

لساها ثورة ... بقلم محمد شاكر

لساها ثورة رغم ضيق الروح
لساها ثورة وعمرها ما تروح
ههتف بيسقط كل كلب عويل
مهتم بالكرسي ومهمهوش الدم
الكرسي عنده أهم
من دما الأولاد ،
فليسقط العسكر
رغم انهم أسياد .. ماعملو الا فساد
لساها ثورة رغم ضيق الروح
وهيسقط العسكر
قبل الشموس ماتروح

ايزيس ... بقلم امجد شعلان

غطي جسد ( أوزريس)
كفي البكا والقهر
وضعُني في تابوت دهب
ورموني بيه ف النهر
صدرِك بينزف لهب
وضاق عليكي الدهر
يا ام العيون سجايا
سجي (حورس) بدمايا
يتولي عرشي ورايا
احكي (ايزيس) عن موتي
(ست) استلا علي قوتي
عارفِك بتزفي دم
يا (ايزيس) يا شايله الهم
سامعه الصدا من صوتي
صارخ طالع من موتي
عابر مكان ما تفوتي
يا (إيزيس)
احميني بالمتاريس
وابنيلي متحف حافل تَكريس
يا (ايزيس)
غطي جسد (اوزريس)
يا عروسه ما لها (عريس)

هيّأتُ قلبي ... بقلم د/هند الطيب

فلمّا تمَكّنَ حبكَ مِنّي
هيّأتُ قلبي
رُحتُ أُناديكَ يا ذا الحبيبُ
ألا هيْتَ لكْ ..
فأعرضتَ عنّي من بَعد قُرْبٍ
فيا ويْحَ قلبي ..
عشِقتُُ حبيباً
فأوْدَى بحبي في قاعِ هجْرٍ
فيهِ الهلاكُ ونارٌ شديدةْ .
ندِمتُ بأنّي
جعلتُ قصائدَ عِشقي إليْه
سأحرقهنَّ ..
وأيضاً سأحرِقُ هذي القصيدةْ .
هيّأتُ قلبي

إلا انت .... بقلم محمد سراج

شيء من مضادات الاكتئاب
وابن الأمل، وأبوك سراج لابس جسد
نوّرت لما الدنيا غابت شمسها
....
من حظي تدي الدنيا مال
وعيال
وجاه
إلا انت
ربك يبعتك ليا اتجاه
في ظروف
تتوه فيها السكك ذات نفسها

كيف السبيل اليكي إلاكي...

 ما عشقت ابدا غيرك أو سواكي
والقلب ما زال يصون ذكراكي
ولا أجد سبيل اليكي إلاكي..
فكيف لي الحياة بدونك بحياتي
فأنت النبض لقلبي
والدماء بشراييني
وأنت النور بعيوني ..وفرحي وشجوني..
لو أشوفك انسي نفسي واضمك وارتمي جوا حضنك
انتي فرحي وكل منايا في الدنيا اني أضمك
صرت والله بحسد ابوكي وامك ...
بسببك أدمنت السهر واصبحت صديقا للنجوم والقمر
وما اريد ابدا احدا من البشر
الاك يا احلي من القمر واجمل البشر..
احبك واهواكي واعلم أن الطريق اليكي محال
والله وحده هوا من يلهمني الصبر والسلوان.....