الغلب ميراث ... بقلم أحمد صبرى

لو عايز تعرف معنى الغلب
الساكن دايما جوة القلب
قلب فى دفاترك مين فاكرك
مين اللى مقرب مين هاجرك
ضعيت الباقى ليه من عمرك
ف انك بتفكر ياما فيهم
مع ان الأقرب ليك اهو ساب
كان اول واحد واخدة غياب
معملش ف يوم للعشرة حساب
او انه ف مرة هيحتاجلك
علشان بقى اصلا مش فاكرك
خد حذرك بس عشان عمرك
خالف قلبك لو يوم أمرك
وان يوم حبيت حب ف سرك
ما تبوحش بحبك ما تقربش
واوعى تصاحب لا متجربش
الغلب خلاص خلاك عجزت
هتسيب الغلب لاحفادك
ودة ورث زى ما انت ورثت
مش دة اللى اتساب من اجدادك

بحبك من زمان جدا .... بقلم محمد كحيله

رسالتى اليوم الى الريس
جناب الباشا طمنى عن الاخبار
يا راعى للبلاد دايما
يا خيّر وانت م الأخيار
يا حامى الارض ويا العرض ويا الدار
هقولك ايه غير انى يوماتى بدعيلك
واشوف الدنيا دى ف عينك
واحيانا بغنيلك يعيش الفارس المغوار
بحبك من زمان جدا
ويطلع فجري او يدن
ده لو مريت على القنوات
بشوف كل البشر وحشين وانت جميل
بشوف كل البشر خاينين وانت نبيل
وشارب ربع ماء النيل
وواثق ان عمرك يوم ما هتبيعنا ولا هتميل
وبسمعلك فى كل خطاب حاجات بتفيد
وبتمزج فى كل خطاب واعيد وأعيد
فتخلص من قناة النيل اروح للاميس
واتمزج بصوت موسي وتحليله وتهليله
وانهى عند عمرو اوديب
بحبك وانت ريسنا وده مش عيب
عيال مبيعرفوش العيب
يا ريس بس فضي الجيب وصفيهم
عشان ثوار اكيد حافظ أساميهم
وعارف انهم جرابيع
وعاوزين البلد دى تضيع
وعارفين انك انت وديع
الهى يا رب يقصفهم وعيشهم ليالى عذاب
الهى تنتقم منهم وانت مسبب الاسباب
ولا يهمك يا ريسنا وبيع النيل وبيع السد
ولا يهمك يا ريس حد
ومين غيرك يا ريس سد
كتبت النص ده لأمى فى يوم الحد
وانا آسف فى كل ما فات لإنى بجد انا كداب

قَد سأِمَ الناسٌ بِكلِماتي ..... محمد عبدالله

قَد سأِمَ الناسٌ بِكلِماتي .....
 فاعتادوا الحُزْنَ بعينيّا
وانْتَظَروا رَوْحَ كِتاباتِي .....
لَمْ يجِدوا حَرفاً لِي حَيّا
فأردت البَوحَ بِما يَكمُن .....
بالذَّاتِ الشّاكية الغيّا
فوجدت الناس يلومُوني ..... 
 فازداد الصَّمْت بِشَفَتيا
يَاحالِي حدِّث عَنْ حَالِي ..... 
 قَد ماتَتْ كَلِماتِي فِيّا ..!!

يناير ... بقلم ندي الموجي

ديسمبر ..
يرون عن ديسمبر أنه تموت به الأحلام و تدفن ..
لكن
يناير ..
ماذا عن يناير
يناير يشتد به البرودة حيث لا أقوي علي التحمل ..
يختلط برودته بأنفاسي الحارة لأشعر بالرجفة ..
دائماً يناير يكون مؤلم بالنسبة إليَّ و يجبرني علي الكتابة ، يشعرني بهدوء كل شئ و سكونه في حين تدور بداخلي حروب الأرض و عواصف السماء ..
كم اتألم وحدي الآن 💔 أموت
لكني لا أحب الشكوي أفضل الصمت و الهدوء و الظلام
يناير شهر الأحزان و الشوق و الليالي الباردة و السهر
يناير نطفئ به حكاية لتظهر به حكاية أخري ربما رُدمت من زمن سحيق و قد طويت بعد ألم
يناير شهر الفن الشهر الذي ترسم بالجمر علي جلدك لتبدع و تخلق أجمل ألم يمكنك قبوله
يشتد الوجع حقاً
يناير وحده أعواماً كاملة من الخيبة
#ندي

أحنا السبب ف حالتنا النفسيه

الشيخ الشعرواي قال حاجة حلوة اووي .. ❤
قال إحنا السبب فـ إننا عايشين دايماآ فـ إكتئاب لفترة طويلة لأن لما بيجلنا بلاء من ربناآ بنتضآايق ونمشي نشتكي للنآاس ونعترض وداآ غلط ✋ .. لازم نرضي ونقول الحمد لله علي کل حاآل ❤✋
وكمل وقاآل لو إنت عندگ ابنگ وضربته قلم إذا إبنگ خضع ورضي ، بتراضيه وتطبطب عليه إنماآ لو عاآند هتديله القلم التاآني ✋ قال ربنا بيعاملناآ كداآ بالظبط ✋
ربناآ بيقول في الحديث القدسي (من رضي بقدري أعطيته علي قدري)
تَشآءْ يآ عَبْدِي وأَشآءْ فَإنْ رَضيتَ بمآ أَشآءْ ، أعْطَيْتُكَ مآ تَشآءْ ❤ الحمد لله على كل حال ، الحمد لله ملىء الأرض والسماء

هو انتو ايه.. ؟؟ ... بقلم ندى ياسر

هو انتو ايه.. ؟؟
وجيتو ليه..؟؟
ولا احنا حتى كنا ايه.!!
مهو كله طين
والشمس حامية فوق دماغنا..
وكل ليلة الليل يخبى الشمس فيه..
والغنوة تعلى حبه حبه
"بالى معاك "
طب وانت بالك اصله فين؟؟
والليل معاك اخباره ايه؟؟
فاكر زمان..؟؟
ولا السهر اثر عليك !!
طب والقمر سهران معاه ؟؟
ولا الغياب نساك كمان !!
طب ده السكووت اخره زحام..
والليل خلاص هيدوب اوام..
والشمس تطلع كل يوم..
لكن انت غايب من زمان.. !!
"من الارشيف"

تحميل كتاب مميز بالاصفر

الكتاب من أروع ما قرأت حقيقي ...
ليس كأي كتاب تنمية بشرية ، بقدر ماهو كتاب قيمي وتربوي و تنموي عالي القيمة ، خفيف الروح ، سهل الهضم ، لذيذ المذاق ...
أنصح كل من ع صفحتي بقراءته فحتما ستتغير أشياء كثيرة في حياته ...
الكتاب من حوالي ٢٢٩ صفحة ، انتهيت من قراءتهم في أقل من يومين بفضل الله ✌😍
الكتاب أبكاني وأضحكني وأثر فيّ بجميع المشاعر ، الكتاب باختصار يشعرك بإنسانيتك من خلال المواقف والقصص التي يتناولها ، والحكم التي يزين بها صفحاته 🎀
الكتاب يحتوي ع مقدمة غاية في البساطة لكنها غاية في العمق والتشويق 😍
ويحتوي ع حوالي ٧ فصول هي : ( الإحسان { وقد أمتعني جدا } ، الكرم ، المتع البسيطة { راااااائع } ، التوجه الذهني { ممتاز} ، الزواج ، الأبوة {مفيد} ، شكر وتقدير )
يشرح المؤلف كل باب من تلك الأبواب ويفتحها بمفتاح بسيط في ميدالية رائعة من القصص الحقيقية والمواقف التي تعزز ذلك الباب ، و يذيلها ببعض الحكم والأقوال التي أعتبرها مميزة فعلا

                                                        تحميل الكتاب