سابنى ‏ونسى

سابني ونسي ..مع إني كنت متأكدة ...أنه عشاني ❤
ساب إيدي لما أرتحتله...أصل معاه ... والله كنت كويسة..وراح خلاص وأهو نساني 💔
يادنيا لي دايما كدا بتدوسي علي قلبي الحزين
ولا عشان مجروح تقومي تزودي البله طين😑
طب هدي حبه ...اديله حتي فرصة يقوي ...أو حتي ينسي جرحه القديم 😖
مسكت قلبي وقولتله ..أوعاك ف يوم تحب تاني
الحب دة أصله  أناني.
ياخد منك كل حاجه كويسه ❤
ويسيب مكانه حبه جروح متخيطة💔
هيفيد ب إي الخيط ساعتها
قلبي خلاص لاعاد خيوط هتريحه
ولا عاد في حب يصدقه

أصل اللي حبة ف يوم يادنيا سابني وحدي 💔
ولما حب ف مرة تاني اهو جرحني ✋
طب لسه فاضل ليا إيه!
حبه صور ...حبة كلام .
مخلاص ياقلبي الدنيا جارحه
والبشر بعقولنا سارحة
ف انسي أي كلمه حلوة
عشان يا قلبي  جوا منك كلوا ضلمة😖😢
#rodina_manaa

احمد الراوي...سبتلها إيه!

-
💔
سيبتلها ايه قبل الفراق
طب خدت ايه ؟
سيبتلها كتف فـ حزنها تسند عليه ؟
طب خدت حضن يطمنك ؟
سيبتلها حد يقول لها : ما تعيطيش !
طب سيبت حبة أكسجين علشان تعيش !
سيبتلها ايه ؟
غير كلمة واحدة تقولها للي بيسألوا عن حزنها ..
فـ بتبتسم و تقول : مفيش
سيبتلها ايه غير ذكريات
تشبه اوي مسمار جحا
و القلب خام -
مش حمل أصلاً دقدقة
طب خدت ايه غير حبل واحد للحياه
و اديتها ايه غير بس حبل المشنقه
مشهد ما أجبرش الفراق ع الإرتجال
مكتوب بــ حبكة
كل اللي كان باقي في عيونها نظرتين
و نزيف وجع و دموع و ربكة
شديت من تحت خطاويها الضعيفة خط سيرها
و اديتلها كل الخرايط للحياه
تفرق في ايه كل الخرايط
مع واحدة فاقدة الإتجاه .!
خبّت أوجاعها بضحكتها - ضحكت مرة
كل ده كان مرسوم من برا
مضطر تسيبها و مضطرة - تضحك للناس
ملعون معدومي الإحساس ...
سيبتها من جواها يتيمة
بتبص لكام صورة قديمة - و تدمّع بس
سيبتها بتبص على الدنيا من تحت الأرض
و فراق الناس أصلاً سُنّة - و وجعهم فرض !
لكن مش فرض إن وجعها يبقى علي إيديك
سيبتها و أهي لسه بتدعيلك
مع إن المنطق بصراحة إنها تدعي عليك ..

#أحمد_الراوي

انا دنيا بتشبه فيلم كبير

انا دنيا بتشبه فيلم كبير
و سيناريو حزين اكبر منى
ومشاهد دايما متعاده
انا عين بتعيط بزياده
متلخبط جدا ف الادوار
محتار...اختار
كل الادوار بتلف تدور
على حد يتيم
 مش يتم الاهل...

وبلاقى الدور
ولكنه بيطلع دور اراجوز 
مع ذلك كان الدور محجوز!
كملت الفلم.. مشيت وسرحت
وبلغت الواحد والعشرين
وانا لسه حزين
عايش ف روتين
م الشغل لحد البيت وبنام
بطلت اعذب ف الاحلام
بطلت اصدق انى حلمت
بطلت انام علشان محلمش
وكتافى خلاص زهقت منى 
من كتر الهم...
ف مراية البيت...
انا راسم صورتى وانا صغير
علشان مبكيش
 م الشعر الابيض ف دماغى ...

مش قادر اعيش!!
انا حد بيبكى بدون اسباب
بيخاف يتساب
ولذلك قرر يبقى وحيد
من غير احباب
ولا حتى صحاب
عاشق للوحده وضلمتها
 مطمن بوجودها الدايم

اوقات الفلم بيبقى سخيف
يقلب ب درامه تجيب الموت
وانا اصلا ميت من بدرى
جوه الافلام ...الناس بتنام
على حاجه شافوها ووجعتهم
وانا فيلمى لو اتزاع ف السيما
هيبكى وكل الناس ماتت
 ولذلك...كان الدور صااااامت ..

قمر الجنون ... بقلم جرير الصغير

أبحث عنك فوق أغصان الشجر
أبحث عنك بين آهات القمر
و أشد رحلي قاصداً درب السفر
يا لحن أيامي لقد منع القدر
لقياك عند الفجر و الفجر استتر
حتى إذا ما و غردت الغصون
و سال الليل من كأس النجوم
و الفجر أبهى عند هاتيك الجفون
طلع الصباح الحر يفتك بالظنون
و العين سكرى يا أميلحها فتون
و الروح ظمآ من شراب في العيون
و الحب أين الحب أنت الحب يا قمر الجنون

بتنساني .. بقلم محمد ثابت

مسافة بنمشي نرجعها وترجع تاني تمشينا ..
عداك انت / خطاك قدام / تثور تسبق خطاوينا ..
على الرقعة مفيش الوان مفيش تمييز ..
فيه ضل ونور خطوط بالطول ..
مربع فاضي يندهلك فـ تتقدم وتكسب أرض ..
وتظهرلك خطوط بالـعرض ..
فاضلك خطوة تترقى وتبقى وزير ..
حصان بيطير / وفيل من الزحمه بيعاني ..
وقبل النطه ما بتكمل ..
بتنساني ..

الناس مانيكان .... بقلم مصطفى يوسف

الناس مانيكان
مليان الوان
بيشدك بالسلعة اللامعة
بتزغلل عينك ف الاول
بعدين تلاقيك زي الشمعة
بتنور ليهم ايامهم
وبتسهر تزرع احلامهم
تجنيهم
تطلع ف الاخر بقى مجني عليك
فطبيعي الحزن يكون زاير
وطبيعي ان انت تكون حاير
وتطلع همك ف سجاير "وبتشرب فيك"

كان فيه ياولاد حكاية ... بقلم امنية عارف

كان فيه ياولاد حكاية
عن مصر ام الدنيا
قام فيها ثورة كبيرة
كسرت كرسي ف ثانية
كرسي دام ٣٠ سنة
كان م الدهب والفضّة
بس داب قوام وصدّا
م البرد اللي ف يناير
من شاب نام واتغطا
ف شارع من غير سراير
في خيمة زي الورقة
مافيهاش حتي الستاير
كان بيرسم جوا خيمته
صورته وصبره وعزيمته
كان بيحلم بالحرية
تترسم وسط الميدان
وايه كمان ؟
الفلول اخدوا براءة
ورجعوا اقوي من زمان
والشهيد ابو دم غالي
مسحوا صورته م الميدان

خُلخال ياهانم ... بقلم محمد جاد

زحمة شوارع جوه خان اسمه الخليلى ،
وعيون بنات متكحلين برموش وروود ..
أصوات حنين دايره المكان رافضه الغروب ..
وشروق بيسرد 100 قصيدة شعر حُر ..
خُلخال ياهانم
او غوايش تشترى ،
مع شغل يدوى
صنع مصرى وبجداره ..
خاتم وساعه
وسلسله الماظها حر ،
مع تمثالين مفتاح حياه رمز الحضاره ..
شكل الاماكن والتراث تشييد قديم ،
وفـ نبض روحك يلمسك فن العماره ..

من كتر سكوتنا بقينا .... بقلم محمد سراج

من كتر سكوتنا بقينا
أصنام و الصبر عبَدْنا
وعليكي كتير صلِّينا
راضيين نارك تِصلِينا
بلبانة الحد الأدنى
قولنا دي هتحن علينا
- أُمنا مننا وعلينا -
حكِّمتي الـ "حد الأدنى"
فصبرنا لحد ما خدنا
ورمانا معاكي في مالطة
يا بلادي يا أجمل غلطة
هننادي إزاي علي زادنا !
ـــــــــــــــــــــــــــــــــ
والعسكر "فشخوا" المدنة !!؟

حزين وبمثل اني سعيد ... بقلم تامر عفت

حزين وبمثل اني سعيد
فرحني ياربي بيك
عمر مديد يارب بعيد
ومش بفكر فيك
كنت زي الحصان الجامح
ع الفلوس ومش بهدي
لكن انت كبير وبتسامح
وانا عبد صغير وعلى قدي
ياحبيبي انا مش واعي
من غيبوبه الطمع بعاني
يا احن اب وراعي
ارحمني من عالم فاني
انظر لي بعينيك.. والمسني بيديك
توبني توبه حقيقيه ورجعني ليك

سأظل اناديك حبيبي وان هجرتني .... بقلم نهى النجار

سأظل اناديك حبيبي وان هجرتني
سأظل اردد حروفك في معبدي وان خذلتني
سيظل شعاع عيناك يهديني اليك وان ابعدتني
سأظل انا --انا وان كرهتني
آآه من تقل الدقابق
أه من بعد الطريق
من توه خطوه
بعد ما كنت كل الطريق
============
من بسمه خجلانه تترسم
من ورده مشتاقة ندي
من دمعة بتروي ندم
بعد ما كنت كل المطر
==========
من حرف ما تكتبش في ألم
من برد شتا يهز كيان البشر
يفكرهم بالغايب واللي اتنسي
بعد ما كنت كل البشر
============
بعد ما كنت كل الطربق
بعد ما كنت كل المطر
بعد ما كنت كل البشر
بعد ما كنت الحبيب
بسألك ازاي تقدر تغيب ؟؟

بيدعيلكوا .... بقلم مصطفى ابراهيم

يا شايلينكوا على الاكتاف
بننعى دمكم بهتاف
و ندعيلكوا
غموس الناس و عيشها الحاف
بيدعيلكوا
و درس العربى ف الأرياف
بيدعيلكوا
و كل جنية زيادة ف جيب
موظف هيئة الإنتاج
و ابنى اللى ف علم الغيب
و أمى اللى حتلقى علاج
و أرض المعتقل لما
حتفضى.. أكيد حتدعيلكوا
و كل ظلومة ما اتظلمتش
و كلمة حق ما اتكتمتش
و كل قلم نِقِص ف القسم
و كل علامة مش ف الجسم
بتدعى لكل وش و إسم
من اللى عندكم ...منا
يجوز حيكونوا من جيلنا
يجوز حيكونوا أولادنا
يجوز حيكونوا م الاتنين
لكن ندرن عليا و دين
لا تيجى عيالنا تشبهكوا
تبوس على رجل أصغر شاب
و ترفع رايته زى ما حب
و تحفظ صم أساميكوا
و من آخر نفر فيكوا
لأولكوا
حتدعيلكوا

يا محزقة عبايتك ع وسطك ... بقلم محمد حامد حسين

يا محزقة عبايتك ع وسطك
و دراعك من الضيقة هايفرقع
الميكاب كيلو ع خدك
و لبانتك صوتها عالي مسمع
ع مسمار نص ماشية تهزي
لا أيه وعبايتك مرفوعة
و1000 شيطان فينا توزي
لا فعلا دي حاجات ممنوعة

تعظيم سلام .... بقلم مؤمن ابراهيم

تعظيم سلام
لكل اللى كان قدام
ف أول صف فالثوره
وتد و إمام
و نام واقف
فأول لجنه شعبيه
بكوم أحلام
و كان مؤمن
بإن الحنجره تكفى
لهدم نظام
و خانه المبدأ البمبى
بأول طلقتين خرطوش
و أول شب مات مبطوش
ف هذا العام
و قرر إنه حيكمل
فأول صف للآخر
و قال مهما الوطن يعجز
حكون قادر
و أصبح شوقه للدنيا
شعور فاتر
و أصبح فالميدان فارس
و بيبارز
رصاص الآلى بالملوتوف
و كان ثابت على المبدأ
و أصبح فالميدان معروف
و خانه الحظ شخصيا
فأول مره بالخرطوش
و من بعديها فقد الشوف
و تانى مظارهره برصاصه
ف رجله معادش حمل وقوف
و عاش عاجز فقلب البيت
بيسمع كل أخبارنا
و آخر مره بالتحديد
سمع إن إحنا إختارنا
مبارك بس وشه جديد
و هللنا و طبلنا
كإن الليله ليلة عيد
فا قال : مباقتش متعاطف
حقيقى ويا أى شهيد
عشان شهدائنا ف الجنه
مافيش بينهم و بين الله
حجاب فاصل
فِ أحسن حال
و نسيوا الحزن و الترحال
و مش داريين بشىء حاصل
أما أنا
بقيت عاجز و مش شايف
لكن سامع
بإن التضحيه وقعت
مابين تحصيل و بين حاصل

زي الليله وتوته يا توتـــــــه .... بقلم ايمن قطب

زي الليله وتوته يا توتـــــــه
كان فيه شعب كيوت طيوب
ليلُه نهاره طافح الكـــــــوته
عايش صابر ولا أيــــــوب
بعد عذابه وغلبُه سنيـــــــن
قرر إنه يقول الحــــــــــــق
خرج الشعب ملى المياديــن
لجل يقول للظـــــــــــالم لأ
لجل ينادي بلقمة عيــــــش
لجل فــ يوم يتساوى بغيره
زرع القطن ولبس الخيش
والحراميه بينهبوا خيـــره
وانا لو هتكلــم عن نفســي
راح أقولها وانا فـ قمـة أسفي
حق عليّ يا كل شهيــــد ✋
تفضــــل 25 عيـــــــــد
هتخلّد دايماً ذكراكــــــــوا
ومهما تمُر شهور و سنين
مش ممكن أبداً ننساكـــوا

مساء الخير على الرَيّس .... بقلم ياسين السيد

مساء الخير على الرَيّس
وعـ الظابط وعـ السجّان
وعـ الزنازين وعـ القُضبَان
وكل المسجونين بالزور شمُوس بتنَوّر الميادين
هسألك آسف يا رَيّس
تفتكِر دامت لـ مين؟
ركِّز ياريت .. واحسِبها بالمنطِق وشوف
رغم اختلاف كُل الظُروف
فرعون لابد يكونلُه موسى فـ كل عَهد وكل عام
ارفَع راياتك للسَلام
وارسم بـ خوف سِرب الحمام
من بكره تقدر تِقتِله بس بقانون
تقدر كمان تحرق غصون شجر الزتون
وإن حد فَكّر يعترض
شَوِّه فـ صورته وخَوِّنُه
إسحٓل شبابك واسجنُه
وأهو فُرصه نديهم وَنَس فى المعتقل
دول قِلّه فاقدين الأمل
وانا ليا صاحِب وسطهُم
لا صاحب أيه .. يمكن آلآف
من كام سنه وإحنا بنهتِف بأختلاف
بس البْعِيد اطرش وعامل مش هِنا
إطلق كلابك خَلفنا
فِكرَك هنركع او هننسي اللى اتقَتَل
كان غِيرك أشطر يا اسمك أيه
سقَّف يا واد .. راجل يا بِيه
بتغمّى عيننا عن عيوبك بامتحان
سرّب ووزّع فى الورق
شدد وعنّف فى اللجان
ووزير خول يطلع يقول متأمِنه
كسم من جابك هنا
يا حكومه وسخه معرصه
بزياده شُغل الكسكسه
قال ايه معادش إلا العيال تسمعلها
مستنى ايه متقولها
مين السبب فى المهزَله
وانا اعتقد مش صَعب حل المسأله
ولا صعب فعلا يتقفش
شرموط وعاوز يتنتش / بيحكها فى الناس وبس
فى عِلق خارق دولتك
طب حضرتك / مستنى يخرق قد ايه ؟
وإزاى؟؟ .. وليه ؟؟
ده سؤال برئ جاوب عليه / للعِلم بالشئ مش غَلط
العدل بالظلم اختَلط
ونضيفنا عايش فى الغَوط
يا حكومه نِجسه وبالأدب
مضايقكوا يعنى اللى إتكتب
مانتوا اللى جيبتوه لنفسكم
عاوزين امل
عاوزين عمل
عاوزين عداله وشغل يفتَح نِفسنا
مش طالبه شعارات والنبي
تلاتين سنه عايشين بنتعب قلبنا
بين قِيل وقَال
وميزان قضاء خايب ومَال
او لا يجوز ونمشيهالك بس هات خمسين جنيه
وكسه ومشوفناش زيها على وش كوكب محترم
"داحنا اللى بانيين الهرم"
اقعد فـ جنب أو اتلهى
ما تبُص حواليك الدوَل وتشوف أوام وَصَلت لـ فين
ولا انتوا شاطرين فـ الكلام والخيبه على مَرّ السنين
الشّعب مؤمن محترم
بقى كل مايشوف طَلتك
بيسب مِلّه وألف دين

بشوف ف عيون الناس ... بقلم ايمان ابراهيم

بشوف ف عيون الناس
كتير م الكلام
عيون بترمي السلام
وعيون صحابها لائام
عيون تجرح ماتسمي
و عيون جريئــة
عايزلها لجـام
عيون تبتسملك
و عيون تعاتب
و ترمي عليك الملام
عيون تصدك
و عيون تسهرك ماتنام
عيون تقول سماح
و عيون تدلك ع المتاح

كيف نسجت من عشقي مجازا ؟ .... بقلم محمد الخذرى

مؤانسَـتي أيــا ليْـلي وفجْـري
بلحْظك يكتوي نبضي وفكْري
عشقْتـك فانْـتشى بهـواك قلْـبي
ووقّعْتُ الحروف كشدْو طيْري
يُزاورنـي خيـالـك في مـنــامي
كـبدْر هلّ أنْــوارا بــصدْري
نظمت لك القصيد وسوف يبْقى
على مرّ الزّمان وطول عمْري
يًؤانـسُـني بِـألْحــان عِـــــذاب
فتطفىء نار أشْواقي وصبْري
مضى زمـن أغنّيك اشْتيـاقــا
أمنّي النّفْس في سرّي وجهْري
لك الحرْف الّذي أضحى ملاذي
فأرجو أنْ يضيء مُنى بفجْري
لـك اللّغة الجميـلة تــاج عرْب
بسحْر بيـانهـا سأشيد قصْري
وأُسْكِـنُـهـا سـنـاء في كـيــاني
وفي الوجدان كالنّسمات تسْري
لـك القلْب الّذي قد جنّ شوقـا
إليْك هفا الفؤاد شذا كـزهْري
تضوّعت القلوب بصدق حرفي
بلحْن الحبّ ضمّخ عذْب شعْري
فكيْف نسجْت من عشْقي مجــازا؟
وكيْف جعلْت ريح الشّوق تجري

شَفتاك ِ وشاحٌ منْ ورد ٍ أحمرْ ... بقلم ماجد فياض

شَفتاك ِ وشاحٌ منْ ورد ٍ أحمرْ
بمذاق ِ أحلى منْ قَصَب ِ السُكرْ
مَنْ نالَ لَماها قدْ شربَ الكوثرْ
يَمتلكُ الجنّةَ أنهاراً بلْ أكثرْ
الزهرُ قُطوفٌ في روض ِ حِماها
يَشربُ لا يَشبعُ منْ فيض ِ العَنبرْ
شَفتاك ِ كبرعُم ِ رُمّان ٍ أزهرْ
يَنتظرُ الصُبحَ لكي يغدو أكبرْ
هَلْ يُعقَلُ أن تجري أنهارك ِ قربي
وأنا من وَلَه ٍ في ناري أعصرْ
ألوانُ الطيف ِ على الثغر ِ أراها
شَفقٌ وأقاحٌ وعَقيقٌ يُنشَرْ
عُذراً سَيدتي فالعَدلُ جَميلٌ
أسكَرت ِ الكونَ فهلْ لي أنْ أسكَرْ

في ذاتي تقبع الآهات

وأقم حدود الصد يا قلبي ما عاد يلزمني وهم.....في ذاتي تقبع الآهات أنين يصدم....كيف لي ان احميك يا قلب من كل هذا الظلم ....آنا لي الهجران من مواطن الألم .....متي تشرق عليا شمس بنور لطالما كنت به احلم ....كفاك ظلم تستبيح به آناتي ولأمني تقتحم....تدوس كل شيئ في طريقك وبقوة لي تهدم....رحماك ما عاد بالقلب نبض يريد الحياة وبات كلي للموت مستسلم