الشيخ الطبلاوى تلاوة فوق الوصف لسورة الكهف

ان القرآن راحة ولعلاج لما فى الصدور من الآم واوجاع وضيق واجمل شىء هو قرأته ولكن ربما تشغل الدنيا قليلا فنضطر الى الاستماع اليه من بعض قراء القرآن الكريم واحبهم الى قلوبنا .

واليم اقدم لكم تلاوة مباركة لسورة الكهف بصوت القارىء ذات الحنجرة الذهبية محمد محمود الطبلاوى فارجو ان تنول على اعجاب حضرتكم ونفعنا واياكم بصالح الاعمال .

قصيدة : مصر هدية من الرحمن ...... بقلم الدكتور محمد نورالدين

مصر دى عطية من الله * وهبه م الرحمن **
وحطيت الهدية ماشاء الله * ف قلبى من زمان **
لو ان مصر شابة ** تبان ف عيونى محبة **
وحضن وطنى يودينى لبر أمان **
عشان اللى بيقولو علينا شحتو ** شريان جديد قررنا فحتو **
المستثمر يشتغل براحتو **
ياحبايب مصر خلاص ارتحتو ** وربنا الكريم لينا أعان ***
و مصر دى عطية من الله وهبة من الرحمن **
عدو مصر ليه ما فهمشى ** ان الفتنة ف مصر ما تمشى **
جيشنا للعدو ما بيرحمشى **
ح يظهر له علطول ويبان **
ومصر دى عطية من الله وهبة من الرحمن **
من اول مافتحت عيونى ** شفت ملايكة بيوصونى **
ح احط مصر ف جفونى ** ولو حد ليها هان **
ح اثور ويجن جنونى ** وأدافع ف كل مكان **
ومصر دى عطية من الله وهبة من الرحمن **

قصيدة : صوت العمل ....... بقلم الشاعر هشام رضا

صوت العمل
مبقاش مسموع
راح الأمل
وإمتى الرجوع

كفايانا نجرح
كفايانا دموع
عايزين نفرح
القلب الموجوع

وننسى الأمس
ونئيد الشموع
ونفتح للشمس
مجال للسطوع

والظُلم ننساه
وكمان الركوع
غير بس لله
رب كل الجموع.

قصيدة : القلب النابض ........... بقلم الشاعر محمد العراقى

شباب أمتنا يا مجاهد
أنتم أمل الغد الواعد
أنتم نار ثورتنا الخامد
أنتم شوكة في حلق الحاقد
أنتم آية تبيد الحاسد
أنتم قلب وطنا النابض
أنتم صوت ضعفائنا الرافض
أنتم جند الأمة الرابض
أنتم درع بلانا الصامد
و على فعالكم ربنا شاهد
شباب أمتنا يا مجاهد
ارفضوا أي تدخل وافد
خلوا أحبتي صوتكم واحد
كونوا الصوت للظلم معارض
كونوا لنهضة مصر سواعد
و ادعوا الله القادر الواحد
إن يوفق جيلنا الصاعد
إنه يفوق و يثور المارد
لأجل يعوض كل الفاقد
حتى يعيد المجد الخالد
و يكون منه لمصرنا قائد
يبقى لكل عدونا صائد
دايما يبقى لمصر مساند

انسان ....... بقلم الكاتبة ميرفت عاصم

انسان
كنت فى يوم نايم تعبان
نفسى قالتلى وعقلى كمان :
ليه زعلان كده يا انسان
قلت : أفضفض عن الأحزان

صِعب العين عليها الحال
و نزلت دمعة معاها نفس سؤال :
ليه زعلان … !!!؟
قولت : كتير شارد تعبان
عقلى الطيب .. شافنى ونادا
قالى تعالى انا عندى عياده
وعلاج فيها وبالمجان
فيها هتقدر تحضن روحك
و تشفى جروحك م الاحزان
والدكتور كان هوه ضميري
خدنى بفرحة وبالاحضان
قالى الدنيا جميله تعالى
وافتح لجمالها الاحضان
أيوه كفايه عليك ان انت
تبقى فى وسط الناس انسان
والنسيان جه قالى كمان
انا ليك نعمه استعملها
ليه بتسيبها وليه تهملها
وليه حيران …؟؟
و ست مبادئ هانم قالت :
انا حبيتك و انتى كمان
امسكى فيا
و موتى عليا
مش هيجيلك لحظة شيطان
بيا هتبقى زى ملاكى
ولافيش غلطة هتستناكي
ولاتوهان
قوي عزيمتك .. تعلى فى قيمتك
مش هيصيبك غدر جبان
عيشى عفيفه بريئة وقوره
كونى بصبرك اقوى صبوره
ليكى البشرى من القرآن
رجع العقل الطيب قال :
ايه رأيكم يا أحباب
رد الكل عليه وقال
ليك الطاعه والعرفان
فرح العقل وطار م الفرحة
و قال تم علاجى وبالمجان
ولقيت نفسى بحس براحه
قوى مرتاحه
و راح الهم مع الاحزان
أقدر انام دلوقتى بجد
احساس حلو انك انسان

قصيدة : أيهدأ البحر ...... بقلم الشاعرة المبدعة عالية الناصرى

أيهدأ البحر في عباب عينيك؟
أم يرتجلُ على شاطئي
ويركل أمواجاً من اوجاعي
يلملمها
في المساء...
يجدفُ مسرعاً نحو الشقاء...
ما لهذا البحر
ألم تنتهي قنينة ماء الصبر
التي ابتلعها
بحر الوجع
في داخلي؟؟!!!!

قصيدة : في حب الرئيس السابق .... بقلم الشاعر العامى عياش

انا الكاتب وانا اللي بقرا ..!
انا الجارر وانا البقرة ..!
انا الزارع وانا الشجرة ..!
انا اللي من ضحك حالي بلطم .. !!
انا القاعد وانا الكرسي ..!
انا الفاكر وانا المنسي ..!
انا اللي مختار بأيدي مرسي ..!
وانا اللي ثورت عشان ما يحكمشى ..!!
انا القفل اللي مفتاحه انا برضو ..!!
خريف طايح بريح في ربيع انا ورده ..!!
انا اللي حقي اتظاهر وده الظاهر معاك اخري ..!
ياريت سمّعني اعذارك بدل ما هسمعك شَكري ..!
وكون فاهم انا فاهم اوي حقي ..!
اجيبه ان شا الله لو في الدم انا اسقّي
ولو تغزل بصوف الكون غطا مني ..!
شتايا هتبقي قصادى برده متعرّي ..!

https://www.facebook.com/ayash89?fref=nf