تسكت تموت ... بقلم أحمد المغربى

مشبوك ما بين اللي اسمه حُبك و السهر
بتحن جداً وقت ما يسيل المطر
محتاج تبطل تفتكر.. محتاج حاجات
شمسية يمكن...
أيوة.. ويا جاكتة صوف
ده يدفي قلبك - دي اللي تستر م اللي فات
و ساعتها شوف
إيشي فرحة رايحة فرحة جاية و معجزات
و تشوف...صفوف
من كل حلو حرمت قلبك منّه يوم
ياللي الهموم همّت بروحك غاوية موت
ما تغيبش جامد ف السكوت
لو حب مات ....
ف ده مش مبرر ليك عشان..

تسمحيلي بالرقصه ديا .... بقلم محمد منصور

تسمحيلي بالرقصه ديا
تسمحيلي ارقص شويه
ويا قلبك رقصه واحده
واحضنيني العمر كله
تسمحيلي لو لمره
نكسر الحاجز ما بنا
نستجيب للشوق ف روحنا
منفارقش من عيونا
كل نظرة حب بنا
نبني بيتنا علي المحبة
نطرد الأحزان بعادنا
ندهن الجدران بضحكة
تحلى كل حياتنا بكره
كل لحظة نخدها رقصه
والحياه ف عنينه حلوه
يالي حلوه الدنيا بيكي
هاتي أيدك طمنيني
زيدي قربك واحتويني
ضمي قلبي جوه حضنك
سيبي نبضي يدق قلبك
خلي روحي جزء منك
يالي قربك من حياتي
كانله معني اوام حياني
100 بحبك مش هتكفي
مهما اقولها ف وصف حسنك
كل شعر الكون ف وصفك
مش هيوصف كام بحبك
يالي حبك باح ف داخلي
حطي أيدك جنب قلبي
ملئ عيني بنور عنيكي
دانتي عينك ليا مأوى
بلقي فيهم كل راحه
والصراحه فيها بصفى
عن عيون الكون بحالها
أنتي اصلا حالة نادره
احلي حاجه ف الزمن ده
يالي عامله زاي جنة
صعب اوصف يوم جمالها
تسمحيلي برقصه تانيه
فوق سحاب الليل وقمره
وسط كل نجوم مجروه
يالي منك زاد جمالهم
أنتي قلبك زاي ورده
روحي فيها منها دايبه
زاي ارض حاضنه جوفها
من كسوفها الشمس خجلت
لما شافها الصبح طلعت
تسقي روحها لما صبحت
يالي صبح الكون بيطلع
من عيونك لما تفتح
تسمحيلي يلا نرقص

اطلبوا المستحيل من الله..!

من اجمل ما كتب الدكتور عبد الرحمن العشماوي كلمات له بعنوان (اطلب المستحيل من الله) يقول فيها: إن الله ليستحي من عبده إذارفع يديه بالدعاء ان يردهما صفرا فلماذا لا نرفع سقف دعائنا له؟
تأملوا سقف أدعية الأنبياء ..
يسألون الله المستحيلات..ولا يبالون
..لماذا؟
..فقط لأنهم يدركون معني اسم (الوهاب)
تأملوا قول نبي الله سليمان عليه السلام.
(قال ربي اغفر لي و هب لي ملكا لا ينبغي لأحد من بعدي إنك انت الوهاب)
..أراد ملكاً فريداً ملكاً محشواً بالمستحيلات..
والنتيجة ان جمع الله له النبوة و الملك و العلم
و الحكمة ..و سخر له الريح و الجن والطير و الانس
والخيل و الوحش..
ليس من الزهد التواضع في الدعاء
ارفعوا سقف دعائكم في الدنيا
وأرفعوه في الآخرة و اسألوه الفردوس الاعلي ولا
تترددوا .. حتي لو رأيتم بأنكم لا تستحقونها
فأنتم تتعاملون مع (الوهاب)
هي عبادة نسيها كثيرون ..
لكن الله يحب ان نعبده بها
انها عبادة حسن الظن به
في وسط عالم تملؤه المخاوف والقلق علي المستقبل
تأتي هذه العباده لتمسح علي قلوب الناس
وتعلمنا ان نعيش بفكرة رائعة
فعلي قدر حسن ظنك بالله
يحدث لك الخير ويبعد عنك الشر
أحسنوا الظن بالله يرحمكم و يستجيب لكم..

قصيدة : بدون ذكر أسماء .... بقلم محمد محمود

بكتب لها
من فوق سما مختفية فـ الملكوت
من حد حبك حد حد الموت
بكتب لها
والدمع عايش فـ العيون مقامات
القلب عاش لك وإمَّا عاش لك مات
بكتب لها
من بين أنَّات الربيع /وبين صرخات البيوت
انا كنت اخر حد جاي لك دون شروط
ساكنة الصحاري
وانا جاي ساحب لك نيل
وانا كنت فاكر قلبها هيميل
حتى الغيوم فـ السما
رَقِت لحالي وبَكِتْ
وأنا شُفتْ حالها بكيت
مع ذلك استنيت
وقعدت أقول أشعار
انا كنت اخر نار / جوا القُليب بتقيد
نار المجوس اختفت
ونار غرامك لااااه
فـ قعدت اقول الله
وسحبت نفسي وروحت ع السيما
وجبت ليا فشار
وخرجتني وفسحتني
وعوضت نفسي بالهبل عنك
لكني برضه لا أزال مُحتاج
دمعك ودمعي لخصوا الهاش تاج
أسماء
واسف لو ذكرت اسمك
انا كنت اخر لوحه من رسمك
وانا كنت اخر جندي فـ جيوشك
انا كنت اخر شطر فـ قصيدك
انا كنت اخر من لمس ايدك
من بعدي لمسك بس ملاك الموت
انا كنت اخر صوت
جوا الوريد نواح
إحساسي زي سلاح
وقت السلام مرفوع
وعيوني واد غلبان بطل يحس بجوع
ضِحك الشموس موجوع
فالعتمة غالبة الكون
يا اللي انتي ليلي الكل
انا كنت اخر قيس وسط الجموع مجنون
انا كنت اخر نبض / بيقاوم النبضات
انا كنت اخر صح
بيصارع الغلطات
اسماء
واسف لو ذكرت اسمك
الغيبه صعبه /وانتِ عذراني
حبيبتي وحشاني
بيني وبينها تراب
وبرغمي شاعر عجزت اني أوصف
الذل لما يوحشك أموات
الصمت غالب فوق سكوته سُكات
بيني وبينها سحاب/ دموع /بُكا ومسافات
بيني وبينها السما
ماتت اكيد إنّما
جوَّا القُليب روحها
ضمدوا جروحها
يمكن أعيش دونها
دُنيا بلا عيونها /تشبه لكون مهجور
يا اللي انتِ اخر نور
بَعدك مليني ظلام
عجزت إني انام
رغم البراح فـ الروح
انا جرحي كله جروح
والقلب دمعه ضعيف
أشبه لأي رصيف
حَضن العيال فـ البرد
أشبه لحجر النرد
واحد بسِت وشوش
واحد جميل وبشوش
والباقي كله عويل
بيقولوا شعري جميل
ويصقفوا م الفرح
تعالوا دوقوا الجرح
ثم اكتبوا عني
الجرح مش منهم
ولا حتى كان مِني
يكفي لهذا الحد
الشعر مش مضمون
يكفيني اخد جنب
وحدي ع قصر النيل
واتأمل التفاصيل
واذكرها ليل ونهار
وادعيلها وابكيها
اسماء نجوم الليل
او ضي لياليها
أسماء
واسف لو ذكر اسمك
ومن النهارده متذكروش اسماء
هل بعد هذا النص يا اسيدنا
ممكن ألقى حد يسمعني
روحوا لتاجرة الشعر بالكيلو
وسبوني وحدي بالدموع أشتاق
علي كوبري قصر النيل/ مع ذكرى لم تبتزل
جوايا من أسماء

لما قالوا انك مشيتي .... بقلم محمود الشيخ

لما قالوا انك مشيتي
قلت لأ دانتي ف وريدي
وازاي هتمشي وتسبيني
وانتي ساكنة نن عيني
كدبتهم ونديتلهم
يشوفوا انك جوا قلبي
ولو يفتحوا صدري يلاقوا
نبضك انتي اللي بيحييني
........
لما قالوا انك مشيتي
وقلبك هيروح ميجيش
قلت لأ دا مستحيل
بعدك انتي ازاي هعيشش
بعدك انتي الليل طويل
والشمس هتروح متجيش
والقمر ييجي يعاتيني
انت من غيرها مفيش
والنجوم تحلف تضلم
تتوه الناس ما تهديش
..........
لما قالوا انك مشيتي
قلت كده هرجع وحيد
والدنيا تبقي قاسية تاني
والزمن يرجع عنيد
ويفضل يجيبني ويوديني
ويقولي دا مجرد تهديد
لو مارجعتش حبيبك
مش هتشوف يوم سعيد
وايامك هتصبح حزينة
مفيهاش غير الالم والتنهيد
........
فجأة صحيت وحمدت ربي
من حلم كان قاسي وكئيب
بصيت لقيتك هنا جنبي
وعنيكي ليا الدوا والطبيب
نظره منها بتحييني
هي بس اغلى حبيب
حمدت ربي انك معايا
زارعة ارضي بالورود
ونور جبينك مالي سمايا
ريي يحفظك ويجود
تشيلي همي وتزودي هنايا

أسامة منير

https://youtu.be/Zo6Ie1X1xo4

أنا مين فيا .... بقلم هاجر سيد بدر

جوايا كام واحد مِـلازمني
و فـِ حد تمـلي بيقسمني
لـ إتنين مُش قادر أفهمهـُم
مين فيهُـم كان بيشكلني
مين فيهم كُـنت بشكلهـُم
دايما مقسوم جوا الدُنيـا
لـ طرفين مش عارف أوصلّهُم
أنـا مين فيا !!
أنا حد ضعيف بيداري فـ ضعفه من الأيام
ولا أنا اقوي ..
من إني أثبت قوتي بكلام .
طب فيـا سلام وأمان أو خير
ولا أنا بتمثل شكل الطيـر
وبحاول أرگبلي جناحـُه
مع إن أساسآ عمر مـ طير
هيطير مره
.. جوا براحـُه .
طب مثلآ :
حلوه وطبيعيه والضحكه دي مش ضحكـه عاديه
ولا أنا بتصنعني وبظهر ..
طيف واحده أساسآ مش " هي "
طب يمكن :
بتشوفني عبيطـَه
أو طفلـه وممكن تتراضيَ
بـ مصاصه وتُـوكه وبورنيطـَه
حِتة شوكولاته وبسگوته
ونوتيلا فـ تضحك علي عقلي
ولا أنا اصلا صعبه وناشفه
ومش مُمكن مـرَه هتفهمني
طب مثلا :
بظهر بـ سذاجه وأفكاري تبانلك سطحيه
ولا أنا جوايا 200 حاجه
مايجوش مره فـ واحده عاديـه 😊**
أنا مين فيا :
الحد إلي انت بتختاره
ولا إلي بحاول إجباره
علشان يظهر قـُدام عينك
بيني وبينك !!*
أنا معرفنيش
والـحد المفروضلي أكونه
مبيظهرليش
ومازلت بحاول فيا أعيش ..
ومازلت بحاول أترجمني ..
جربت كتير وكتير جدآ/ مقدرتش فعلاآ أفهمني
فـ ياريت متبُصش فـ مرايتي ..
هتقابل حد ميشبهنيش
وإوعاك لـَ تقلب فـِ حكايتي ..
/ فـي إتنين جواها ميعرفونيش 😊