وصحتى ف النازل
تحت الرجول منداس
وعن حقى بتنازل
ييجى عليا نهار
بدعى يفوت يومى
والعيشه صبحت نار
وهشوق أنا هدومى
هموت ياعينى فطيس
وكان نفسى ف المحشى
حتى اللعين إبليس
خلانى أبيع جحشى
بالذمه دا أسمه كلام
يامصر يابلدى
والله كفايه حرام
ضيعتى كمان ولدى
والفقر ساكن معايا
تحت السرير قاعد
وساعات بيجرى ورايا
وكأنه متواعد
عايشه معايا الفيران
وساكنه ف الإوضه
لابسه هدومى كمان
وعايزاها عل الموضه
ودى عيشة الفقير
إنزل ياعم وشوف
مصيره نفس المصير
عيان بلون مخطوف
***************
أقرا كلامى صحيح
وياريت ياعم تفهمنى
كلامى عامى صريح
إسود ماهوش سمنى
عامل كمان للقارى
إستوديو للتحليل
عشان يبرد نارى
بكلام ياريته جميل
اكتب ياعم حروفك
وانشرها فى تعليق
خلينى بس اشوفك
بحرف حلو رقيق
ليست هناك تعليقات:
إرسال تعليق