البنت البيضا أم عيون سود
شبكتنى عيونها بسنّاره
الرمش جناح عمال بيطير
حواليا وعامل بحاره
سايقانى المركب مش عارف
على فين هتودينى ياجاره
البنت البيضا
على فكره أنا حبك جنننى
وبقيت مش عارف رايح فين
أرجوكى تعالى خدى منّى
أنا عايش بيكى يانور العين
وخدينى منّى أنا حاسس
فى الجنه بشوف الليل قمرين
دى عيونك واللا سكنتينى
وحوريّه وللا شياطينى
بتلاعب قلبى وتسرح بى
ترمينى ف بحرك إحمينى
البنت البيضا
ياحنان والبسمه فى عيونك
وحنين الكلمه لجنونك
حرام احلم ياناس تانى
واعيش النسمه فى غيطانى
كفايه أحلم وماصحاشى
وليه جوّايا ترتعشى
ده خوفى عليكى من ضمّه
أبيع الدنيا ولا اخافشى
ليست هناك تعليقات:
إرسال تعليق