عاشق البستان
الخطوة فى ضى القمر
تساوى زمان
الخضرة حافْظة عنوانى
والشجر هيمان
الكلمة أصلها حروف
والحرف نبع حنان
أنا قلبى زى السحاب
بيطير ف الهوا
والنبض كما ضى النهار
السر ف الهوى
النخل عالى ..الفرع جميل
والأصل ف النوى
أحضن النسمة ..
أغنى ..
ولحنى كان دوا
أنا قلبى غنوة أمل
تتقال ع الكمان
لونك أخضر يا زرعنا
والصحبة ريحان
ساكن جوة الذكريات
والنسيم حيران
تضحك لى نجمة شقيّة
والصوت كان جنان
أنا أجرى فى مكانى
وقاعد ف امتحان
تدور الريح حواليا
والشراع إنسان
تعالى نسبق الزمن
ونشوف الأمان
تعالى نحضن المطر
ونرجّع إل كان
ليست هناك تعليقات:
إرسال تعليق