قصيدة : وحيد وعايش وسط ناس .... بقلم الشاعر أحمد الحارونى

وحيد وعايش وسط ناس
ولا حد حاسس بالانين
مجروح واشكى لمين ياناس
معرفش ابكى وانوح لمين

الوحده بتقتلنى
ومحدش يؤاسينى
وحبايبى محاوطنى
وفراقهم على عينى
جنبى لكن فايتنى
ابكى بدمعه عينى
ولاحد يطمنى
ليه الكل ناسينى
انده مش سامعنى
والهجر بيأذينى
والبعد مجننى
ولا حاجه تقوينى
نفسى يقربوا منى
او حد يكلمنى
ليه دايما هاملنى
مبقاش حد يجينى
الوحده بتقتلنى
بدعى يارب يعينى
ياحبايب واحشنى
ولقاكم يداوينى