كان مالى ..
ماكنت سعيد بحالى
معــــايا مالى ..
واقــــول موّالى
المزاج عـــالى ..
اسألوا خــــالى
القدم غـــــالى ..
اسألوا بالى
تضحك النسمـــة ..
على ضحكتى
وتفرح الزرْعة ..
بروح صحبتى
كانت تغير الأرض ..
من صحتى
والعرق ســـاكن ..
جبـــــين صنعتى
أيه إل جرالى ..
راح فين كل مالى
الحجر مكسور ..
رافض وصالى
الصــورة صورتى ..
بس مسْتـغْربــة
ودنْيـَــا بحزنها مقرّبة
الخطـوة تقيلة .. متْـغـيّرة
والسّكــة طويلة .. قصَيّرة
نكْبـــَـــــــر ونصْغر ..
وتكبر كل الهموم
ويزيد الفراق ..
وتنزل الدموع
الضِحكة سيف بَتَّار
و الرِمش جَنَّة و نار
و العين لَيالى شرود
بتلاقى ألف نهار
و الصوت
مَلايكى حَرير
ناعِم
بشَكل مُثير
ما احلى الطَبيعة يا ناس
من غير شِوال بودرة
و لا روج و لا مونيكير
أنا قلبى زى المطر
عاشق البستان
الخطوة فى ضى القمر
تساوى زمان
الخضرة حافْظة عنوانى
والشجر هيمان
الكلمة أصلها حروف
والحرف نبع حنان
أنا قلبى زى السحاب
بيطير ف الهوا
والنبض كما ضى النهار
السر ف الهوى
النخل عالى ..الفرع جميل
والأصل ف النوى
أحضن النسمة ..
أغنى ..
ولحنى كان دوا
أنا قلبى غنوة أمل
تتقال ع الكمان
لونك أخضر يا زرعنا
والصحبة ريحان
ساكن جوة الذكريات
والنسيم حيران
تضحك لى نجمة شقيّة
والصوت كان جنان
أنا أجرى فى مكانى
وقاعد ف امتحان
تدور الريح حواليا
والشراع إنسان
تعالى نسبق الزمن
ونشوف الأمان
تعالى نحضن المطر
ونرجّع إل كان
-
أؤمر يا فندم
= لو سمحت انا جعان جدا فكنت محتاج اتنين بيج ماك ،باكيت بطاطس اكبر حاجة ، وسلطة كول سلو
- حاجة تانية يا فندم ؟
= اه ، لو سمحت انا جعان جدا ، ما اكلتش من يومين تقريبا ، حوار طويل كدا
يعني ، ومش هستحمل حاجة تقرفني وافضل يومين زيهم جعان تاني ، فياريت لو
الشيف بيمضغ لبانة يا ريت بلاش يتفها في الأكل ويتفها ف اي باسكت او يبلعها
عادي
ولو تفها ف الاكل ممكن لو شوفتها ترميها ؟ معلش .. واي
صراصير او نمل او حشرات عامة يعني وقفت علي الأكل ف المطبخ يا ريت تزيحها
بايدك .. زيحها بس ما تموتهاش .. اهم حاجة انا ما اشوفهاش وهاكل عادي
اي حد بيستعمل كريم فاتيكا بالله عليك يبعد عن الاكل خمسة بس ، الشعر بفاتيكا لما بيقع في الأكل بيخلي طعمه قذر وريحته صبار
- تمام يا فندم ، بس بالنسبة لحجات تانية صغيرة؟ مفيش مشكلة؟ زي مثلا لو
لقيت شعره من معصم ايد حاتم .. حاتم شعره غزير جداا وطويل كدا
= لأ عادي هتجاهلها
- اوكيه ، وبرضه لو لقيت كام نقطة لبن كدا علي السلطة ما تقلقش سالي بس
لسه مخلفة جديد وبترضع بين الشيفتات فممكن حاجة تتنطور علي الأطباق
= مفيش مشكلة خالص ، اللبن مفيد للصحة ، ونعمة ربنا يعني مش هنقرف منها
- تمام هحاول احققلك طلباتك بس بشرط .. يا ريت بلاش وساخة بقي وشغل تصوير
الأكل لو لقيت فيه حاجة مقرفه وتشير ع النت وشغل المراهقين والبنات التافهة
ده
= اوكيه ، هات بس الأكل وبعد ما اشبع ان شاء الله من غير قرف زي كل مرة هروح اجيب المقروطة واهبأ علي مياتين ابوكو
- هاهاهاهاهاها ، يا عالِم يا فندم ، ما تقاطعش بس ، ممكن بعد ما تاكل
يجيلك تسمم بسبب ضوافر الشيف هشام الملوثة وكلها طينة اللي بتسقط منه في
الأكل وتموت قبل ما توصل الباب .. دقايق ويكون الأوردر عند حضرتك
علمت بان الحب حنون
فاردت امتلاكه فرمانى
الى قلب يخلو م الامان
فقتلنى بكل انواع السهام
اصابنى سهم الجبان
فاصبحت كما انسان
يعشق ف بعدك الخلود
فاتركنى ف صمت الانين
افتقدك وابكى على قلبى
كم كان يقتله اليك الحنين
فاصبح بعدك اصم اخرص
فاقد الاحساس مقيد كالسجين
يشكو كيف يموت الحب
وكيف يتغلب ع الدمع الحزين
وكيف لا يجد لما حدث تفسير
اليوم اصبح يمضى مع السنين
يبدد كل شىء ويحارب المستحيل
عزيزى القارىء ...... مساء الخير عليك (ايوه شايفك بتقول ومنين يجى الخير)
هقولك وببساطه خلى املك فى ربنا كبير غير يا عزيزى احنا هنتكلم النهاردة
عن حاجة بعيدة كل البعد عن الزعل والحزن والسياسة (ايوه شايفك شايفك
دلوقتى بتضحك ) بس استنى كدا انا بتاسفك خالص يا عزيزى احنا النهاردة
هنتكلم عن منتخب مصر ونظرا لانى مش متابع جيدا معرفش الا دلوقتى اننا
خدنا فيها قصدى اتفشخنا ايه الكلام دا انا بتاسفلك تانى عزيزى القارىء
على الالفاظ اللى بقولها بس انت عارف ان الواحد بجد تعب من اللى بيحصل
وبيدور على خرم ابرة عشان يفرح لكن انا عارفك يا عزيزى انك هتلتمسلى
العذر وبالذات لما تعرف الحقيقة الحقيقة ان الكوسة فى البلد هى السبب
فى اللى بيحصل لما تعرف ان واحد زى #حسام البدرى هيدرب منتخب مصر
القومى بعد أقالة #برادلى وبعد ما يتم عرض المنصب على البدرى ويوافق
ويدفع من اجل عيون مصر الشرط الجزائى للنادى الليبي اللى كان بيدربه
وينزل مصر لابرام التعاقد مع اتحاد الكرة المصرى لقيادة منتخب الفراعنة
يجد ان الاتحاد المصرى المحترم قام بالتعاقد مع شوقى غريب لتدريب
المنتخب ولتهدئة البدرى وارضاءه قاموا بالاتفاق معاه لقيادة المنتخب
الاوليمبى وف حالة تعثر شوقى غريب وتقديم استقالته فمن باب اولى تسند
المهمة للبدرى لكن ما يحير هنا من آمر الاتحاد المصرى بالتعاقد مع شوقى
غريب ومن يسانده الى الان ويقدم له الدعم برغم كل هذا الفشل
السر فى بطن الزير (هانى أبو ريدة) وفى النهاية عزيرى القارىء يا ترى اية
اللى هيحصل بعد خروج المنتخب من تصفيات الامم الافريقية اقولك حاجة
عزيزى القارىء انا طولت عليك وبصراحة انا غلبنى النوم وهسيبك تفكر لحد
بكرة فى كلامى كويس ... يله تصبح على خير
الدموع جوه العيون
محتاجه بس كلمة عتاب
وتروح كمان كل الظنون
والقلب يرجعله الشباب
بلاش نسلم نفسنا
للموج ونغرق ف البحور
ونكتب حروف يأسنا
ف روايه مابين السطور
لا ياحبيبتى مش أنا
إللى أعيش لحظه إنكسار
والحب يهرب مننا
وندوق ف يوم كاس المرار
لازم نسامح لازم نعود
لازم نعدى كل الحدود
تعالى نتحدا القدر
ونقوله مالكشى وجود
لكنى محتاجلك كمان
تكونى لقلبى صمام أمان
تعالى حبيبتى نتعاتب
وماتقوليش مين إللى هان
تعالى نقفل قلبنا
ع الحب ونحافظ عليه
تعالى نبعد نفسنا
عن الحزن ونشاور عليه
