الاهلى يتخطى الحدود بثلاثية نظيفة

استطاع النادى الاهلى من اقتناص ثلاث نقاط غالية تضعه فى المركز الخامس .

اليوم التقى النادى الاهلى مع نادى حرس الحدود ف تمام السابعة والنصف 

وبدأت المباراة ببداية حماسية وانحصر بعدها اللعب فى منتصف الملعب حتى استطاع احمد عبدالظاهر من استغلال ضغطه على حارس مرمى حرس الحدود محمد فوزى لاحراز الهدف الاول وحاول الحرس ادراك التعادل قبل نهاية الشوط الاول لكن دون جدوى .

ويبدا الشوط الثانى بهجوم ضاغط من الحرس لكن استطاعت خبرة لاعبى الاهلى من تهدأت المباراة والتحكم فى سيرها  وهاجم الحرس على استحياء محاولا ادراك التعادل لكن استطاع الاهلى من ادراك الهدف الثانى عن طريق النجم العائد وليد سليمان اثر تسديدة تريزيجه يتصدى لها حارس مرمى الحرس وترتد وليد سليمان ليوضعها فى المرمى الخالى بعدها تحكم الاهلى فى رتم المباراة وقبل نهاية المباراة مباشرة استطاع محمود تريزيجه لاعب الاهلى من تمريرة ولا اروع من محمد رزق لتضع تريزيجه بمواجهه حارس مرمى الحرس ليضعها تريزيجه بكل مهارة ودقة بعيدا عن يد الحارس وبعدها اطلق حكم المباراة صافرته معلنا نهاية المباراة بفوز الاهلى بثلاثية نظيفة

قصيدة : أنتِ الف امرأة ....... بقلم الشاعر سيد البدرى

أنتِ هي أم هي أنتِ
يا سيدتي أنتِ الف امرأة
....وانا من اكون
بدلى ما شئت من أسماء
قلبي الذي انكرتِ يوْما حُبّهُ
ما عاد يشجيه البكاء
تجيدين التخفي نعم انت بارعة
حتى طننت أنك كل النساء
ادمنت عشق الوهم حتى
أقمت صراحا للغباء
علمتني كيف أراقص الاحزان
في صخب الجنون
وكيف اسامر الاشباح
في صمت المساء
فما عرفت الهجر حتى
أمسي عاشقا
وأضحى أخون
أسكنتك في عمق أوردتي
وأخفيتك عن كل العيون
واليوم تنتهكين قداسة عاشقا
ما كان يوما خائنا لا لن يكون
ما كان الرحيل اختيار أردته
لكنه قدري الذى تجرعته
هربا من فرط الجنون
فانت يا سيدتي الف امرأة
وانا من اكون

قطار مانشيستر يونايتد السريع يكتسح الليفربول بثلاثية نظيفة

 مانشستر يونايتد يفوز على ليفربول بثلاثية نظيفة فى المباراة التى جمعت الفريقين على ملعب "أولد ترافورد" ضمن منافسات الجولة الـ16 من الدورى الإنجليزى. 

افتتح أصحاب الأرض التسجيل فى الدقيقة 12 عن طريق واين رونى، كما شهدت الدقيقة 25 خروج جلين جونسون مدافع ليفربول متأثرا بالإصابة ودخل الإيفوارى حبيب كولو توريه، وأضاف الإسبانى خوان ماتا الهدف الثانى للشياطين الحمر فى الدقيقة 40، واختتم الهولندى فان بيرسى الثلاثية فى الدقيقة 72.

%d9%8a%d9%

قصيدة : كان مالى ... بقلم الشاعر العامى حسن توفيق

كان مالى ..
ماكنت سعيد بحالى
معــــايا مالى ..
واقــــول موّالى
المزاج عـــالى ..
اسألوا خــــالى
القدم غـــــالى ..
اسألوا بالى
تضحك النسمـــة ..
على ضحكتى
وتفرح الزرْعة ..
بروح صحبتى
كانت تغير الأرض ..
من صحتى
والعرق ســـاكن ..
جبـــــين صنعتى
أيه إل جرالى ..
راح فين كل مالى
الحجر مكسور ..
رافض وصالى
الصــورة صورتى ..
بس مسْتـغْربــة
ودنْيـَــا بحزنها مقرّبة
الخطـوة تقيلة .. متْـغـيّرة
والسّكــة طويلة .. قصَيّرة
نكْبـــَـــــــر ونصْغر ..
وتكبر كل الهموم
ويزيد الفراق ..
وتنزل الدموع

قصيدة : الضِحكة سيف بَتَّار .... بقلم بركان الشعر محمد عبدالرازق

الضِحكة سيف بَتَّار
و الرِمش جَنَّة و نار
و العين لَيالى شرود
بتلاقى ألف نهار
و الصوت
مَلايكى حَرير
ناعِم
بشَكل مُثير
ما احلى الطَبيعة يا ناس
من غير شِوال بودرة
و لا روج و لا مونيكير

قصيدة : عازف المطر ...... بقلم الشاعر العامى حسن توفيق

أنا قلبى زى المطر

عاشق البستان

الخطوة فى ضى القمر

تساوى زمان

الخضرة حافْظة عنوانى

والشجر هيمان

الكلمة أصلها حروف

والحرف نبع حنان

أنا قلبى زى السحاب

بيطير ف الهوا

والنبض كما ضى النهار

السر ف الهوى

النخل عالى ..الفرع جميل

والأصل ف النوى

أحضن النسمة ..

أغنى ..

ولحنى كان دوا

أنا قلبى غنوة أمل

تتقال ع الكمان

لونك أخضر يا زرعنا

والصحبة ريحان

ساكن جوة الذكريات

والنسيم حيران

تضحك لى نجمة شقيّة

والصوت كان جنان

أنا أجرى فى مكانى

وقاعد ف امتحان

تدور الريح حواليا

والشراع إنسان

تعالى نسبق الزمن

ونشوف الأمان

تعالى نحضن المطر

ونرجّع إل كان

حكاية اوردر ............. بقلم الكاتب الساخر وجيه صبرى

-

أؤمر يا فندم
= لو سمحت انا جعان جدا فكنت محتاج اتنين بيج ماك ،باكيت بطاطس اكبر حاجة ، وسلطة كول سلو
- حاجة تانية يا فندم ؟
= اه ، لو سمحت انا جعان جدا ، ما اكلتش من يومين تقريبا ، حوار طويل كدا يعني ، ومش هستحمل حاجة تقرفني وافضل يومين زيهم جعان تاني ، فياريت لو الشيف بيمضغ لبانة يا ريت بلاش يتفها في الأكل ويتفها ف اي باسكت او يبلعها عادي
ولو تفها ف الاكل ممكن لو شوفتها ترميها ؟ معلش .. واي صراصير او نمل او حشرات عامة يعني وقفت علي الأكل ف المطبخ يا ريت تزيحها بايدك .. زيحها بس ما تموتهاش .. اهم حاجة انا ما اشوفهاش وهاكل عادي
اي حد بيستعمل كريم فاتيكا بالله عليك يبعد عن الاكل خمسة بس ، الشعر بفاتيكا لما بيقع في الأكل بيخلي طعمه قذر وريحته صبار
- تمام يا فندم ، بس بالنسبة لحجات تانية صغيرة؟ مفيش مشكلة؟ زي مثلا لو لقيت شعره من معصم ايد حاتم .. حاتم شعره غزير جداا وطويل كدا
= لأ عادي هتجاهلها
- اوكيه ، وبرضه لو لقيت كام نقطة لبن كدا علي السلطة ما تقلقش سالي بس لسه مخلفة جديد وبترضع بين الشيفتات فممكن حاجة تتنطور علي الأطباق
= مفيش مشكلة خالص ، اللبن مفيد للصحة ، ونعمة ربنا يعني مش هنقرف منها
- تمام هحاول احققلك طلباتك بس بشرط .. يا ريت بلاش وساخة بقي وشغل تصوير الأكل لو لقيت فيه حاجة مقرفه وتشير ع النت وشغل المراهقين والبنات التافهة ده
= اوكيه ، هات بس الأكل وبعد ما اشبع ان شاء الله من غير قرف زي كل مرة هروح اجيب المقروطة واهبأ علي مياتين ابوكو
- هاهاهاهاهاها ، يا عالِم يا فندم ، ما تقاطعش بس ، ممكن بعد ما تاكل يجيلك تسمم بسبب ضوافر الشيف هشام الملوثة وكلها طينة اللي بتسقط منه في الأكل وتموت قبل ما توصل الباب .. دقايق ويكون الأوردر عند حضرتك