في أستراليا سنة 2002 اتكونت عصابة اسمها Bali Nine أسسها اتنين اسمهم Andrew chan و Myuran Sukumaran
هم الاتنين اتفقوا يهرّبوا هيروين من إندونسيا لأستراليا وقرروا ينفذوا أول عملية ليهم في 2005 وأجّروا 7 أستراليين يشتغلوا معاهم.
في 17 ابريل 2005 ومع أول محاولة تهريب للعصابة فشلوا واتقبض على 4 من الأستراليين ومعاهم "أندرو" في مطار في إندونسيا واتقبض على "مايوران" مع باقي العصابة في فندق "Kuta"
وزن الهيروين اللي اتمسكوا بيه كان حوالي 8.3 كيلو! وبالتالي اتحكم على العصابة بالقتل رميًا بالرصاص،ده كان الحكم المبدئي للعصابة لكن الحادثة فضلت قضية رأي عام لفترة كبيرة والحكم الأخير ماتنفذش غير بعد 10 سنين من الحادثة.
==
"مايوران" و"أندرو" لما كانوا مسجونين فكرهم اتغير بشكل كبير لدرجة إنهم استثمروا وقتهم في أكتر من مجال، وقدموا كورسات مجانية للمسجونين في الإنجليزي والفلسفة والكمبيوتر وتصميم الجرافيك و تشكيل الفضة والطباعة علي التيشيرت.
وكورسات تعليم للكتابة باحترافية وموسيقي ورقص وفن وكمان كانوا بيعملوا كورسات مخصصة للمدمنين عشان يساعدوهم يبطلوا، ولسا قايمة الكورسات طويلة!
كل واحد فيهم "أندرو ومايوران" كان ليه قصة نجاحه الخاصة بيه واللي أثرت في ناس كتير جدًا..
"مايوران" كان الرسام اللي بيدرب المسجونين وكان بيتم بيع اللوحات اللي بيرسمها في معارض فنية فقرر يفتح معمل كمبيوتر لتعليمهم من خلال مكسب المعارض وبعض التبرعات، وكان هدفه إن المسجونين يتعلموا المحاسبة والقانون.
ورسم بورتريهات كتير عظيمة وصمم علامة تجارية لشركة ملابس اسمها "Kingpin Clothing"
وفي فبراير 2015 منحته جامعة "Curtin" للفنون الجميلة شهادة دبلوم، وقدم في مسابقة "Archibald" واللي جايزتها حوالي 75.000 دولار بس للأسف أعماله اترفضت لأنه كان عايش خارج أستراليا من سنة 2005.
عشان كدا كتب على خلفية إحدى اللوحات اللي رسمها لرئيس اندونسيا "Joko Widodo" رسالة بتقول: "People can change" بيحاول يوصلّه إنه اتغير ومستني عفوه ..
وكانت النتيجة إنه تم تعيينه كمسؤول عن مجموعة تضُم 20 سجين بحيث إنه كان بيشرف عليهم ويوزع عليهم المهام ويوجههم ويحل المنازعات بينهم أحيانًا.
آخر لوحة رسمها كانت بتظهر العلم الإندونيسي بيبكي على رحيله
:(
أما "أندرو" فكان بيساعد صديقه "مايوران" دايمًا، غير إنه كان بيقرأ في المسيحية وقرر يعلن عن اعتناقه للمسيحية في السجن، وكان بيذاكر عشان يحصل على بكالوريوس الفنون الجميلة من جامعة "Curtin"
وبما إن حرفة "أندرو" الأساسية كانت الطبخ اشتغل مدير لمدرسة الطبخ في السجن.
وكان متصالح مع نفسه لدرجة إنه كان عايز يخلي حياته عبرة لأي حد يمشي في الطريق دا فشارك في التمثيل في فيلم وثائقي بيتكلم عن أخطار المخدرات والفيلم كان من كتابته بعنوان "Dear Me: The Dangers of Drugs"
وقال في الفيلم :
"عزيزي، عندما تكبر ستكون في سجن "بالي"، حدث لك هذا لأنك اعتقدت أن تعاطي المخدرات أمرًا لطيفًا، سيتم إيذاء عائلتك وأصدقائك بسبب خسارتك مع العلم أنك لست شخصًا سيئًا"
ومخرج الفيلم كمان صرّح بإن "أندرو شخص مرح وصريح وشخصيته جذابة"
كل دا سببه إنهم حسوا بغلطتهم وأدركوا انهم كانوا طايشين وماشيين في سكة غلط فقرروا يغيروا من نفسهم .. عشان لما يموتوا يبقوا مرتاحين نفسيًا أو على الأقل يخلوا عيلتهم فخورة بيهم.
كان واضح جدًا للمجتمع الإندونيسي كله التغيير الجذري اللي حصل لأندرو ومايوران لدرجة إنهم نزلوا مظاهرات يطالبوا بالإعفاء عنهم لكن للأسف الرئيس ما أصدرش قرار بالإعفاء عنهم رغم كل اللي عملوه في آخر 10 سنين في حياتهم والحكم اتنفذ في 16 أبريل 2015 وتم قتلهم بالرصاص، والجدير بالذكر إنهم كانوا بيغنوا اغنيه Amazing Grace قبل ما يتقتلوا، وخرج ناس كتير جدًا لتشييع جثمانهم زي ما بيحصل مع كبار الشخصيات في أي دولة!
هم الاتنين اتفقوا يهرّبوا هيروين من إندونسيا لأستراليا وقرروا ينفذوا أول عملية ليهم في 2005 وأجّروا 7 أستراليين يشتغلوا معاهم.
في 17 ابريل 2005 ومع أول محاولة تهريب للعصابة فشلوا واتقبض على 4 من الأستراليين ومعاهم "أندرو" في مطار في إندونسيا واتقبض على "مايوران" مع باقي العصابة في فندق "Kuta"
وزن الهيروين اللي اتمسكوا بيه كان حوالي 8.3 كيلو! وبالتالي اتحكم على العصابة بالقتل رميًا بالرصاص،ده كان الحكم المبدئي للعصابة لكن الحادثة فضلت قضية رأي عام لفترة كبيرة والحكم الأخير ماتنفذش غير بعد 10 سنين من الحادثة.
==
"مايوران" و"أندرو" لما كانوا مسجونين فكرهم اتغير بشكل كبير لدرجة إنهم استثمروا وقتهم في أكتر من مجال، وقدموا كورسات مجانية للمسجونين في الإنجليزي والفلسفة والكمبيوتر وتصميم الجرافيك و تشكيل الفضة والطباعة علي التيشيرت.
وكورسات تعليم للكتابة باحترافية وموسيقي ورقص وفن وكمان كانوا بيعملوا كورسات مخصصة للمدمنين عشان يساعدوهم يبطلوا، ولسا قايمة الكورسات طويلة!
كل واحد فيهم "أندرو ومايوران" كان ليه قصة نجاحه الخاصة بيه واللي أثرت في ناس كتير جدًا..
"مايوران" كان الرسام اللي بيدرب المسجونين وكان بيتم بيع اللوحات اللي بيرسمها في معارض فنية فقرر يفتح معمل كمبيوتر لتعليمهم من خلال مكسب المعارض وبعض التبرعات، وكان هدفه إن المسجونين يتعلموا المحاسبة والقانون.
ورسم بورتريهات كتير عظيمة وصمم علامة تجارية لشركة ملابس اسمها "Kingpin Clothing"
وفي فبراير 2015 منحته جامعة "Curtin" للفنون الجميلة شهادة دبلوم، وقدم في مسابقة "Archibald" واللي جايزتها حوالي 75.000 دولار بس للأسف أعماله اترفضت لأنه كان عايش خارج أستراليا من سنة 2005.
عشان كدا كتب على خلفية إحدى اللوحات اللي رسمها لرئيس اندونسيا "Joko Widodo" رسالة بتقول: "People can change" بيحاول يوصلّه إنه اتغير ومستني عفوه ..
وكانت النتيجة إنه تم تعيينه كمسؤول عن مجموعة تضُم 20 سجين بحيث إنه كان بيشرف عليهم ويوزع عليهم المهام ويوجههم ويحل المنازعات بينهم أحيانًا.
آخر لوحة رسمها كانت بتظهر العلم الإندونيسي بيبكي على رحيله
:(أما "أندرو" فكان بيساعد صديقه "مايوران" دايمًا، غير إنه كان بيقرأ في المسيحية وقرر يعلن عن اعتناقه للمسيحية في السجن، وكان بيذاكر عشان يحصل على بكالوريوس الفنون الجميلة من جامعة "Curtin"
وبما إن حرفة "أندرو" الأساسية كانت الطبخ اشتغل مدير لمدرسة الطبخ في السجن.
وكان متصالح مع نفسه لدرجة إنه كان عايز يخلي حياته عبرة لأي حد يمشي في الطريق دا فشارك في التمثيل في فيلم وثائقي بيتكلم عن أخطار المخدرات والفيلم كان من كتابته بعنوان "Dear Me: The Dangers of Drugs"
وقال في الفيلم :
"عزيزي، عندما تكبر ستكون في سجن "بالي"، حدث لك هذا لأنك اعتقدت أن تعاطي المخدرات أمرًا لطيفًا، سيتم إيذاء عائلتك وأصدقائك بسبب خسارتك مع العلم أنك لست شخصًا سيئًا"
ومخرج الفيلم كمان صرّح بإن "أندرو شخص مرح وصريح وشخصيته جذابة"
كل دا سببه إنهم حسوا بغلطتهم وأدركوا انهم كانوا طايشين وماشيين في سكة غلط فقرروا يغيروا من نفسهم .. عشان لما يموتوا يبقوا مرتاحين نفسيًا أو على الأقل يخلوا عيلتهم فخورة بيهم.
كان واضح جدًا للمجتمع الإندونيسي كله التغيير الجذري اللي حصل لأندرو ومايوران لدرجة إنهم نزلوا مظاهرات يطالبوا بالإعفاء عنهم لكن للأسف الرئيس ما أصدرش قرار بالإعفاء عنهم رغم كل اللي عملوه في آخر 10 سنين في حياتهم والحكم اتنفذ في 16 أبريل 2015 وتم قتلهم بالرصاص، والجدير بالذكر إنهم كانوا بيغنوا اغنيه Amazing Grace قبل ما يتقتلوا، وخرج ناس كتير جدًا لتشييع جثمانهم زي ما بيحصل مع كبار الشخصيات في أي دولة!
