قصيدة : صباح ... بقلم الشاعر شريف ممدوح

(( صباح ))
و تصحى معكنن
مزاجك معّكر
و جسمك مكسْر
و يومك ملعبك
و وشك مكشر
منَفض .مأشفر .
و عمال تفكر
هو هو ..نفسه
الريتم المكرر
مفيش حاجة ليه !؟
ب تتغَير
و انتى ب تصحي
ف روحك صبية
قوية و عَّفية
عيونك بتحلم
ب نية صَفية
و فجأة فى لحظة
تجى لك رازية
و ناس مُفترية
و دوه يقول ل ديا
تخشى فى قضية
وسط عالم غبية
عقولهم مريضة
نفوسهم بليدة
محبوسة فى خيالهم
عروسة حلاوة
و ناسيين ان روحك
بريئة ونقية
و يومك .. و موودِك
همومك .. دموعِك و ألمِك
بقت حاجة بسيطة و عادية .
و كارهة ان ضعفك
مصاحب مخاوفك
ضميرك مخالفك
و نفسك تقولى
كفاية أشتغالة
يا حبة حُثالة
صباحكم زبالة
اللحن النشاز . ال جوه الحياه
زى حِتت ال ازاز . بتجرحنا آه
و اوعى تغَيّر ... طبيعتك
تسرسب ... مبادئك
و تنزل ... بنفسك
وتعزف معاهم اللحن النشاز ...
اوعى تعمل زى الناس
و تفقد الاحساس
تبقى حياتك ...انتهاز
واسطة و انحياز
جرب تعزف .
الحان شجية
حّلي ريتم . السيمفونية
...اعزف ..بِشويش . شوية
ب طيبة و إنسانية
اوعى لحنك يكون
لحن شر و قَسية
ومهما هيحصل
# صباحكم مسكر
مِزَوق .. معطر
مسيرها هتُفرج
و هتروق و تحلى