وأحبك ليه !! .... بقلم أسلام الاسير

وأحبك ليه !!
يا ارض بتطرحى الزقوم
وطعم الماء كما العلقم
وشوكك غايته يدمينى
عشان ارضخ او استسلم
لسيدك ده اللى مش سيدى
انا عايش هنا مغصوب
لأن الأمر مش بيدى
لكن فكرة اطاطيلهم
متستنيش ..
شاويشك مش مخوفنى
ولا كل بيادات الجيش
لكنى يا ارض كارهانى
انا مرغم فى انى اعيش
واطير فى كل انحائك
وانا جناحى ضعيف جدا
ومنتوف الجناح مالريش
انا عايش كده بإعجاز
لأن إلهى كاتبلى
فى ارض الذل لقمة عيش
برغم القهر والتهديد
ومحكمتك وسجانك وزنازينك
هعيش عاصى لهذا السيد
لأنى حاولت مره اهرب
دفنتينى فى بحر رشيد
ورغم الحسره دى يا امى
ناديتى فى البلاد عاصى
ولد ناكر جميله امه
نمدله يعض الأيد...
ايديكى يا امى ممدوده
بلقمة من رغيف الذل
باكلها لو تكرمتى
تعايرنى فى وسط الناس
ولد عاقق حقوق امه
بيطفح بس بيقاوح
لذلك فاسمعوا الآتى :-
حكمنا يا جموع الشعب
لكل المارقين منكم
يموتوا فطيس
وليكم مهلة تختاروا
يا إما الموت او التعريص
فمن طاعنى فلن يأثم
ومن خالف قرار امه
عليه اللوم....
يدوق الحسره والمندم
قوليلى بس احبك ليه
يا ارض بتطرحى الزقوم
وطعم الماء كما العلقم ؟!

الحب رزق ... بقلم هشام محسن

الحب رزق فماتتعبوش نفسكوا
ماتدوروش ع حد مره يحسكوا
ماتفكروش ف اللي شايل همكوا
الحب بالتفكير يضيع
وضياعه اصلا شيئ مريع
فبلاش تَعجُل رزقكوا
الحب صدمه ف قلب قابل للغرام
الحب اصلا مش حرام
الحرام انه الفراق يكون نهاية انسجام

موضوع الخدمة العامة (تجنيد البنات ) كاملا كده بشكل بسيط !!

الموضوع مش جديد واتطبق أيام السبعينيات واتلغي بعد فترة
وزارة التضاامن الاجتماعي من يومين اعلنت عن تكليف دفعة جديدة من الشباب من الجنسين ممن يحملون الجنسية المصرية، بأداء الخدمة العامة بداية من 1 فبراير 2017.
بداية من خريجين دور تاني 2016 و خريجين 2017
يعني ايه خدمة عامة ؟
باختصار توزيع خريجي الجامعات من الإناث والذكور المعافين من الخدمة العسكرية على ميادين عمل مختلفة لخدمة المجتمع (باختصار اكتر تجنيد مدني وبتقبض كام شلوط اخر كل شهر وفي بعض الامكان مفيش مرتبات اصلا وتبقي حوافز ومكافات )
مدة الخدمة العامة ؟
12 شهر
ايه هي مجالات العمل في الخدمة العامة ؟
تكون المجالات التي تهم المجتمع زي: محو الأمية-تنظيم الأسرة –الأسر المنتجة –خدمات الشباب –الخدمات الطبية –الخدمات التعليمية وغيرها من المجالات التي تسهم في أداء خدمة المجتمع
ايه بقي الفائدة من الخدمة العامة ؟
من وجهة نظر الحكومة العظيمة ان حضرتك هتاخد\ي شهادة بعد الانتهاء من مدة الخدمة .. بس ؟ ... اه والله بس =D
الخدمة العامة تطبق علي مين ؟
تطبق على كل المؤهلات العليا والمعاهد والجامعات الحكومية والخاصة ما عدا كلية الطب والاسنان والصيدلة ... اشمعنا دول ؟ محدش عارف
حضرتك قولت\ي مش رايح\ة ؟
غرامة مالية قدرها 100 جنيه وبديلها الحبس لمدة شهر ... حسب مزاج القاضي يعني
مين بقي الناس اللي ملهمش خدمة عامة ؟
1- من أدى الخدمة العسكرية.
2- المعافون مؤقتا من الخدمة العسكرية.
3- من أتم سن الثلاثين وقت الحصول على المؤهل العالي.
4- من حصل على المؤهل العالي أثناء الخدمة بإحدى الجهات الحكومية أو القطاع العام.
يعني البنات ملهمش أي استثناء خالص ... لابسين لابسين يعني =D
- كمان مش هتقدر\ي تسافر\ي برة البلد غير بعد الانتهاء من أداء الخدمة العامة
- في اي شركة في مصر بيطلب منك ورقة تثبت انك خلصت جاي او واخد اعفاء او غيره كمان ورقة الخدمة العامة هتبقي مطلوبة من الولاد والبنات كشرط لقبول التعيين (ده لو في شركات بتعين اصلا يعني)

اربع حيطان ... بقلم محمد خميس

اربع حيطان ..
واربع شنط ومرتبه ولحاف
ساكن ف ليل خواف
بيذل ف العاشق وف الهربان
اربع حيطان قضبان
ليلهم غبي وطويل
تفضل تقول مواويل
للغربه والعيشه
افتح بقا الكيسه طلع عشاك واطفح
ومفيش هنا مطرح للجاي واحلامه
ف الغربه ناس ياما بيحاولو يتحامو
ف الحيطه والقضبان ويبصو ع العالم
من شاشه وهميه
خايفين يواجهو القدر ويعزمو النيه
لمواجهه الاشياء ومواجهه الواقع
خايفين يواجهو الحلم
برصيف هواه ساقع
اربع حيطان واربع شنط ومرتبه ولحاف
ف الغربه لو هتعيش طاطي وكون خواف
اربع شنط فيهم كفن فيهم هموم فايحه
اكتب عليهم اسمك ثلاثي واملا باقي اللايحه
دون حروف حبيبتك فوق سوسته الشنطه
ارسم قلوب بالنظر وتبت اوي البنطه
طلع سجايرك احرق الباقي ف مشاعرك
حط حلمك تحت رجلك واعرض كمان سعرك
تايه ومتغرب ف بلاد رصيفها وسيع
ماشي ف طريق الصبر لكن تملي بضيع
اربع حيطان واربع شنط ومرتبه ولحاف
لملم همومك جوا روحك واياك تكون متشاف
مرتبه ولحاف فوق سطرين بلاط
متكسرين من دق رجلين البشر
عايش وبتعايش علي شكل نومه الخطر
بحكي لسقف الاوضه عن نفسي
وبحكي عن الايام
عيل وشعره إبيض مابين لقا وسلام
ملهوش مكان يأويه
ولا ايد تشد ايديه
ولا صحبه تسمعله
كل اللي يشفعله ..
بنوته حلوه وأهل يدعوله
ماشي ف كون وطريق
عرضه شبه طوله
اربع حيطان واربع شنط ومرتبه ولحاف
اجمع رصيد حلمك ..( عفن )
لو ( ع ) بدالها الكاف

وانت بتعامل معاملة .... بقلم محمد أنور

وانت بتعامل معاملة
حاول بس تبقى كاملة
يعنى مش عاوزين نبين
انها كات ف يوم مؤامرة
نيجى بقى للمغامرة
وللمقامرة
واللى فاكر نفسه فت
خد على قفاه كفين
بقى عامل زى الست
وبيعيط ويقول انا فين
كنت فاكر يومها انى
هنسى واكمل ف طريقى
واكتشفت ببعد عنها
قد ايه حبى ليها كان حقيقى
دلوقت فى الغربة
مفيش غير الندم صديقى
والعجيب انى شاكر
للظروف والمواقف
اللى بينت رجال
حالها اصبح زى حالى
صبرها فاق الجبال
بس السؤال
امتى هيجى الوقت متخافشى
حلمت كتير وكل مرة
الحلم اللى انت حلمته مكملشى
ساكت ليه وباقى ع اية
مش هترد ولا خايف
بتقولى ايه طب مانا شايف
خسارة فيك كل الكلام انا همشى
والمرة الجاية احسبها
وشوف على اية هنسيبها
لو حالها مش صعبان عليك
تعالى معايا ف التوه ومتنامشى

تعرف على احدث صفقات النادى الاهلى

استطاع النادى الاهلى من ابرام اولى صفقاته فى فترة الانتقالات الشتوية وذلك بالحصول على خدمات لاعب الباطن الحالى وبازل السويسرى والزمالك السابق أحمد حمودى وجاء الاتفاق على حصول حمودى فى الموسم الاول على مليون جنيه خالة الرائب وفى حال الاجادة والحصول على نسبة والمشاركة والمساهمه فى تحقيق البطولات يتم رفع قيمة العقد فى الموسم الثانى الى 2 مليون جنيه واذا استمر على ذلك المنوال يحصل فى الموسم الثالث على 3 ملايين جنيه

زيِدينّي ... بقلم أحمد الخطيب

زيِدينّي لَهفاً يا لَهَفي
وَبِسجْنِ غرامگِ زُجَّينيِ
وَأْضيِعّي مَفاتْحَ مَسْجَنَتى
السّجنُ بقُربگِ يُرْضينىًِِ
وَالسَّرح عَدُوٌ يُشْقيني
فَدَعيليِ قُربگِ يُنْسيِنى
وَأَقِيمي حَفْلگِ غَنّيليِ
غَنّيِليِ عِشْقاً حِنّي لِي
يا ضَيَّ الحُبِ قَناَدْيِلي
ضُمّينِي رِفْقاً ضُمّيِني
وَبِجفْنِ عِيونَگِ آوينِ