قصيدة : بدون ذكر أسماء .... بقلم محمد محمود

بكتب لها
من فوق سما مختفية فـ الملكوت
من حد حبك حد حد الموت
بكتب لها
والدمع عايش فـ العيون مقامات
القلب عاش لك وإمَّا عاش لك مات
بكتب لها
من بين أنَّات الربيع /وبين صرخات البيوت
انا كنت اخر حد جاي لك دون شروط
ساكنة الصحاري
وانا جاي ساحب لك نيل
وانا كنت فاكر قلبها هيميل
حتى الغيوم فـ السما
رَقِت لحالي وبَكِتْ
وأنا شُفتْ حالها بكيت
مع ذلك استنيت
وقعدت أقول أشعار
انا كنت اخر نار / جوا القُليب بتقيد
نار المجوس اختفت
ونار غرامك لااااه
فـ قعدت اقول الله
وسحبت نفسي وروحت ع السيما
وجبت ليا فشار
وخرجتني وفسحتني
وعوضت نفسي بالهبل عنك
لكني برضه لا أزال مُحتاج
دمعك ودمعي لخصوا الهاش تاج
أسماء
واسف لو ذكرت اسمك
انا كنت اخر لوحه من رسمك
وانا كنت اخر جندي فـ جيوشك
انا كنت اخر شطر فـ قصيدك
انا كنت اخر من لمس ايدك
من بعدي لمسك بس ملاك الموت
انا كنت اخر صوت
جوا الوريد نواح
إحساسي زي سلاح
وقت السلام مرفوع
وعيوني واد غلبان بطل يحس بجوع
ضِحك الشموس موجوع
فالعتمة غالبة الكون
يا اللي انتي ليلي الكل
انا كنت اخر قيس وسط الجموع مجنون
انا كنت اخر نبض / بيقاوم النبضات
انا كنت اخر صح
بيصارع الغلطات
اسماء
واسف لو ذكرت اسمك
الغيبه صعبه /وانتِ عذراني
حبيبتي وحشاني
بيني وبينها تراب
وبرغمي شاعر عجزت اني أوصف
الذل لما يوحشك أموات
الصمت غالب فوق سكوته سُكات
بيني وبينها سحاب/ دموع /بُكا ومسافات
بيني وبينها السما
ماتت اكيد إنّما
جوَّا القُليب روحها
ضمدوا جروحها
يمكن أعيش دونها
دُنيا بلا عيونها /تشبه لكون مهجور
يا اللي انتِ اخر نور
بَعدك مليني ظلام
عجزت إني انام
رغم البراح فـ الروح
انا جرحي كله جروح
والقلب دمعه ضعيف
أشبه لأي رصيف
حَضن العيال فـ البرد
أشبه لحجر النرد
واحد بسِت وشوش
واحد جميل وبشوش
والباقي كله عويل
بيقولوا شعري جميل
ويصقفوا م الفرح
تعالوا دوقوا الجرح
ثم اكتبوا عني
الجرح مش منهم
ولا حتى كان مِني
يكفي لهذا الحد
الشعر مش مضمون
يكفيني اخد جنب
وحدي ع قصر النيل
واتأمل التفاصيل
واذكرها ليل ونهار
وادعيلها وابكيها
اسماء نجوم الليل
او ضي لياليها
أسماء
واسف لو ذكر اسمك
ومن النهارده متذكروش اسماء
هل بعد هذا النص يا اسيدنا
ممكن ألقى حد يسمعني
روحوا لتاجرة الشعر بالكيلو
وسبوني وحدي بالدموع أشتاق
علي كوبري قصر النيل/ مع ذكرى لم تبتزل
جوايا من أسماء

لما قالوا انك مشيتي .... بقلم محمود الشيخ

لما قالوا انك مشيتي
قلت لأ دانتي ف وريدي
وازاي هتمشي وتسبيني
وانتي ساكنة نن عيني
كدبتهم ونديتلهم
يشوفوا انك جوا قلبي
ولو يفتحوا صدري يلاقوا
نبضك انتي اللي بيحييني
........
لما قالوا انك مشيتي
وقلبك هيروح ميجيش
قلت لأ دا مستحيل
بعدك انتي ازاي هعيشش
بعدك انتي الليل طويل
والشمس هتروح متجيش
والقمر ييجي يعاتيني
انت من غيرها مفيش
والنجوم تحلف تضلم
تتوه الناس ما تهديش
..........
لما قالوا انك مشيتي
قلت كده هرجع وحيد
والدنيا تبقي قاسية تاني
والزمن يرجع عنيد
ويفضل يجيبني ويوديني
ويقولي دا مجرد تهديد
لو مارجعتش حبيبك
مش هتشوف يوم سعيد
وايامك هتصبح حزينة
مفيهاش غير الالم والتنهيد
........
فجأة صحيت وحمدت ربي
من حلم كان قاسي وكئيب
بصيت لقيتك هنا جنبي
وعنيكي ليا الدوا والطبيب
نظره منها بتحييني
هي بس اغلى حبيب
حمدت ربي انك معايا
زارعة ارضي بالورود
ونور جبينك مالي سمايا
ريي يحفظك ويجود
تشيلي همي وتزودي هنايا

أسامة منير

https://youtu.be/Zo6Ie1X1xo4

أنا مين فيا .... بقلم هاجر سيد بدر

جوايا كام واحد مِـلازمني
و فـِ حد تمـلي بيقسمني
لـ إتنين مُش قادر أفهمهـُم
مين فيهُـم كان بيشكلني
مين فيهم كُـنت بشكلهـُم
دايما مقسوم جوا الدُنيـا
لـ طرفين مش عارف أوصلّهُم
أنـا مين فيا !!
أنا حد ضعيف بيداري فـ ضعفه من الأيام
ولا أنا اقوي ..
من إني أثبت قوتي بكلام .
طب فيـا سلام وأمان أو خير
ولا أنا بتمثل شكل الطيـر
وبحاول أرگبلي جناحـُه
مع إن أساسآ عمر مـ طير
هيطير مره
.. جوا براحـُه .
طب مثلآ :
حلوه وطبيعيه والضحكه دي مش ضحكـه عاديه
ولا أنا بتصنعني وبظهر ..
طيف واحده أساسآ مش " هي "
طب يمكن :
بتشوفني عبيطـَه
أو طفلـه وممكن تتراضيَ
بـ مصاصه وتُـوكه وبورنيطـَه
حِتة شوكولاته وبسگوته
ونوتيلا فـ تضحك علي عقلي
ولا أنا اصلا صعبه وناشفه
ومش مُمكن مـرَه هتفهمني
طب مثلا :
بظهر بـ سذاجه وأفكاري تبانلك سطحيه
ولا أنا جوايا 200 حاجه
مايجوش مره فـ واحده عاديـه 😊**
أنا مين فيا :
الحد إلي انت بتختاره
ولا إلي بحاول إجباره
علشان يظهر قـُدام عينك
بيني وبينك !!*
أنا معرفنيش
والـحد المفروضلي أكونه
مبيظهرليش
ومازلت بحاول فيا أعيش ..
ومازلت بحاول أترجمني ..
جربت كتير وكتير جدآ/ مقدرتش فعلاآ أفهمني
فـ ياريت متبُصش فـ مرايتي ..
هتقابل حد ميشبهنيش
وإوعاك لـَ تقلب فـِ حكايتي ..
/ فـي إتنين جواها ميعرفونيش 😊

الموت .. ما بين مستريح و مستراح منه

إن الموت مخلوق خلقه الله و حكم به على العباد ؛ فلا مفر منه و لا مهرب ، بل يجب علينا انتظاره و العمل لما بعده ، فالحياة قبله رحلة اختبار ، و الحياة بعده خلود و دار قرار ، إما إلى جنة و إما نار ، قال تعالى : ( الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا ۚ وَهُوَ الْعَزِيزُ الْغَفُورُ ) .
لقد آمن بوجود الموت جميع الخلائق ، و لكنهم اختلفوا فيما بعده ، انظر إلى زهير في العصر الجاهلي يحذر من الفرار من الموت ؛ فيقول :
ومن هاب أسباب المنايا ينلنه
ولو رام أسباب السماء بسلم
و لا يفر من الموت إلا اليهود و من على شاكلتهم من المنافقين و المعاندين ، قال تعالى : ( قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ۖ ثُمَّ تُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ ) .
إن الواجب علينا أن نستعد للرحيل ؛ فنجهز الزاد ليوم اللقاء ، و نوقن بأن الحياة ساعة أو بعض ساعة ، و لن يبقى فيها إلا الذكر الطيب ، كما يقول شوقي :
دَقَّاتُ قلبِ المرءِ قائلة ٌ له:
إنَّ الحياة َ دقائقٌ وثواني
فارفع لنفسك بعدَ موتكَ ذكرها
فالذكرُ للإنسان عُمرٌ ثاني
و لنعلم جميعا أن الموت في كل الأحوال راحة لنا أو منا ، نعم ، راحة لنا أو منا ، و ليس أفضل ختام لمقالتي من حديث المصطفى ، عن أبي قتادة - رضي الله عنه - قال: (كنا جلوسا عند رسول الله - صلى الله عليه وسلم - إذ طلعت جنازة) (فقال رسول الله - صلى الله عليه وسلم -: " مستريح , أو مستراح منه " , فقالوا: يا رسول الله ما المستريح والمستراح منه؟ , فقال: " العبد المؤمن يستريح من نصب الدنيا وأذاها إلى رحمة الله , والعبد الفاجر يستريح منه العباد والبلاد , والشجر والدواب ) .

شد أجزاء الطبنجه فسكتك ... بقلم محمد جاد

شد أجزاء الطبنجه فسكتك ..
عمّر فكُل رصاصه شاعر أو نُصين ..
خلى الفشنك رذاذ من حلق تجويف القلم ..
ما تسيبش فارغ وسطهم
خلى العتاب مايزيدش عن كعب القدم ..
وإن زاد عليك ضغط الجماهير العريضه أو العساكر
ده لإنهم تابعين ..
سلم زنادها للى يكلمك بالعين ..
متبصلوش ..
سيبوا يضرب فالهوا
او فالهدف ..
مع كل شاعر ينفجر
هتنضف الكون م الشغف ..
او من صناديق الزباله المُزعجه
للماره فحدود الصُدف ..
هتريح الدبان م النحت فالجته ..
هتخلص النسوان من قعدةّ الحِته وم التلسين ..
هتبقى كام إنسان يتعدوا علي عقلةّ الصابع
وإن ماتوا مش إشكال ما يموتوا احسن لهم
م العيشه منسيين ..
هتجرد الدكاكين
من بيع حبوب الغِش واللف عالقُصر ..
هتنقط المساجين من كل حبل غسيل
فالوقت ده كل المناشر والحبال هتخف حركتها
يمكن كمان الدُنيا ترجع لبركتها ..
بس الأهم هناك
تفضل قوافى الخال
حدادوعم جاهين، نِجم اللى مات مقتول
م الحسره عند سرور مرفوعه رقبتها ..
يمكن عيال الزنا ترجع لخطيئتها ..
ونعيش بشكل صحيح والشِعر يتغنى ..
أنا جوه منى جناح
والدُنيا مش جنه ..
وإن كان على الإصلاح
فـ"صلاح" جموع الحال متعرى عالمقصله ..
أنا مره شوفته سبيل عالأرض فالمبوله..

الاعجاز البلاغى فى قوله تعالى " وَمُبَشِّرًا بِرَسُولٍ يَأْتِي مِنْ بَعْدِي اسْمُهُ أَحْمَدُ"

معلومة قمة في الروعة والجمال -
لماذا بشر عيسى عليه السلام ب ( أحمد ) و ليس ( محمّد ) ؟
فى قوله تعالى " وَمُبَشِّرًا بِرَسُولٍ يَأْتِي مِنْ بَعْدِي اسْمُهُ أَحْمَدُ"
فى اللغة العربية ( أحمد ) اسم تفضيل ..
كأن تقول
( هيثم حامد لربه و لكن عمر أحمد منه )
فعمر هنا مفضل على هيثم
أما ( محمد ) فهو اسم مفعول ..
كأن نقول ( عمر من كثرة حمده لله .. صار محمدا ) ..
و اسم المفعول لا يطلق إلا على موجود ..
فلو قال القرآن على لسان عيسى
( يأتى من بعدى اسمه محمد )
لصارت سقطة لغوية ..
لأن (محمد) لكى تطلق يجب أن يكون هذا الشخص موجودا بالفعل ..
قد خلق و بعث و حمد الله فصار أحمد أهل الأرض ومن هنا صار فى النهاية ( محمدا ) ..
وسيدنا محمد فى هذه الأية لم يكن موجودا ,
و لهذا اختار المسيح عليه السلام فى البشارة لقب
( أحمد )
و كأنه يقول لاتباعه
( رسول يأتى من بعدى هو أحمد منى لرب العالمين ) ..
و فى هذا إعجاز بلاغى شديد
و احترام منه عليه السلام لمقام نبينا الأعظم ..
اسعدالله اوقاتكم بالصلاة على خير خلق الله كلهم سيدنا و سندنا و شفيعنا و قائدنا محمد صلى الله عليه وسلم
أللهم أحينا على سنته و أمتنا على ملته و احشرنا في زمرته ...