تحميل رواية أنقذنى ... بقلم غيوم ميسو

إن مقاومة المجري الحتمى للاشياء عبث
الرواية بتجمع بين الرومانسية مع الخيال والتشويق والنهاية الغير متوقعة o.O
سام و جولييت شخصين مختلفين في الظروف العادية مش ممكن يتقابلوا بس بتجمع بينهم صدفة
فرصه لتغيير حياتهم بس القدر بيحاول يبعدهم في نفس الوقت !
رواية بين الحياة و الموت والتضحية والانانية
هل ممكن ننقذ شخص بنحبه من اي شئ حتي لو كان مبعوث الموت حرفيا !! 

                                                       تحميل الرواية

متخافش من عفريت (جاهين) ... بقلم عزيز محمد

واتزاحموا من كتر التشابك ف الكفوف
وانت اللى وحدك ف الميدان
اتبتلوا
قرأوا المقدس م الكتب ...رصوا الصفوف
وانت اللى عريان العيدان
متخافش من عفريت (جاهين)
(دنقل) ف ضهرك يا حزين
(وليام شكسبير) اتوجع ف (الكنج لير)
علشان يسيب النور مونس حزن سلك الشمعدان
متخافش من نقص الشعير
ممكن تقوت نفسك براحات الضمير
فانعم بفلسفتك ...بلاش كتم البكا
عيط ف سرك ..الله عالم باللى فيك والمشتكى

حبة الفيل الأزرق أو كما تسمى ( تجربة_الموت )

حبة الفيل الأزرق أو كما تسمى ( تجربة_الموت )
معروفة علميا بالـ DMT ممنوعة من التداول محرمة دوليا و يبلغ سعر الحبة الواحدة 40 دولارا.
حبة الفيل الأزرق DMT و التي تم تأليف رواية و فيلم ( الفيل الأزرق ) إقتباسا عنها و هي عبارة عن مادة يفرزها عقل الإنسان قبل الموت بساعات قليلة , لتهيئة الإنسان على التحول من هذا العالم لعالم آخر حرفياً.
حبة واحدة منها تجعل الإنسان يستطيع رؤية أمور كثيرة , ذكريات , أو مشاهد لم تشاهدها من قبل و غير موجودة في عالمنا أصلا , و تمر على الإنسان كرحلة لعالم يقال أنه عالم ما بعد الموت , و الجيد فيها أنك تستطيع الرجوع للوعي بعد ساعتين أو ثلاث.
75℅ من الأشخاص الذين جربوا الـ DMT إنتحروا أو عاشو بأمراض نفسية.
لو أتيحت لك الفرصة هل ستجربها؟

إيه اللي جي .... بقلم أحمد يوسف

ايه اللى جى
ما تقول كمان ايه الى فات
انا لسة حى
اوقات بحس بقلبى مات
وساعات بتوه فى الذكريات
وساعات بشوف بكرة وساعات
دقات ساعاتى تفوت ساعات
واستنى بكره فيجى بعده
واستنى بعده ف يجى بعده
وانا لسة نايم فى المنام
وسالت هل يغنى الكلام
الفعل رد وقال سلام
سلام على الى بقلبه سلم
وسلام على الى بروحه علم
ومقالش اه رغم الالام

قدرك مكتوب ...
هتقوم وتنام وتنام وتقوم
تهرب فى النوم تهرب للنوم
تصبح كسبان و تبات مهزوم
قدرك مكتوب علشان يتعاش

لما كُنا .. لمحمد إبراهيم

حدوته يحوز تتشاف تافهه ..
لكن معظمنا أكيد شافها
بين بنت وواد .. وفراق متعاد
بين أى اتنين حبوا و سابوا
وده برضه فراق
يعنى اسمه فراق
مهما هتتغير أسبابه !

مبتكسرش ... بقلم هبه شحاته

انا بنت بس مبتكسرش
وضعفى غلباه بقوتى
ممكن تشوف دموعى بس
متتخدعش ف هيئتى
انا سهل ابيع و اداوى جرحى و اخسرك
لو يوم كرامتى لمستها ... سهل اكسرك
وقلبى عادى اسكته .. و اموته .. و ادمرك
مش معنى حبى انى اكونلك
ارض عادى تدوسها رجلك
حتى لو بعشق هواك
حتى لو بستنى حضنك
انا مش رخيصه
.. متفتكرش
انى بنت ف اتقهر .. و اتكسر ..
... مبتكسرش

رساله لحبيبي ... بقلم رودينا مناع

أنت عارف!
❤انت كل حاجه حلوة ربنا كاتبهالي ف حياتي جمعها فيك
لما بصلي .. قلبي بيدعيلك .. وكل نبضه بتطلع مني بتبقي ليك
انا عايشه بصوتك وبنفسك وبدقه قلبك 
إني مهما عديت لحظات سعادتي وانت جنبي وقارنتها بسعادتي قبل كدة  الكفه بتاعتك هي اللي هتكسب
لما قولت عليك حته من قلبي مغلطتش ع فكرة
بل إني كان لازم اقول عليك قلبي
لما صارحتني بحبك ليا انا كنت مستغربه عارف لي!
عشان أنت لما قولتلي مواصفات اللي نفسك ترتبط بيها ملقتهاش فيا ..
بس لما قولت انك بتحبني .. قعدت ادور علي سبب لحبك ليا ..
بس حسيت بقلبك ..وانك لما بتفكر فيا وانا بعيد عنك قلبي بيدق ... بيعطيني انزار ب انك محتاجني  
بغض النظر عن خناقنا اللي طعمه حلو اووي
ان كل حاجه فيا متفصله عليك بالملي
مشاعري وقلبي وروحي وعمري كان مكتوب باسمك
تفاصيل قلبك كلها معايا .. حبك ليا عاميني عن اي حد ..
مش عاطيني فرصه افكر ف حد تاني  احتلتني بكل كبيرة وصغيرة فيك ..
بنفسك وقت م بتنام مني .. بعيونك ف صورك .. بصوتك وقت كلامنا.. ولا لما تكون صاحي من النوم لسه.. لما نقعد نتريق ع بعض ف صورنا..
كل تفصيله بتعدي بيا وانا معاك .. بعتبرها فرحه مكمله معايا..
كل ثانيه وكل دقيقه بتبقي احلي بيك ... لو كانت من غيرك صدقني مكانتش حياتي هتكمل... يا أول وآخر راجل عرفته ف حياتي ومش هقبل أبدا بحد غيرك ..
انا حرفيا اقسم بالله بعشقك 