عامل زى البيت القديم
مليان كراكيب كتيرة ..
زحمة ولحمة وعدم
كراسة بيضا وقلم
مناهج كبيرة السن
حاجات ..
تجنن العاقل
خطط طويلة يازمن
شوفوا برامج التنْمية
والملوخية
العنف موجود ف قربها
شوفوا آهات التربيّة
والحزن ساكن فى بعدها
التعليم محتاج لون جديد
عايز خامة من الحديد
حضانة وشنطة وباص
وهرم معدول بالأصول
مسرح .. معمل وهندسة
محتاجين شوية عقول
أدب .. تاريخ ومكتبة
دى مش محتاجة مسْطرة
أكلات .. حفلات سمر
حاجات كلها منظرة
تعليم فنّى واجع قلبى
بطالة شغّالة ف النوم
وأب بيبكى ع المقسوم
وأم قلبها فى هموم
ولسه بنقول حواديت
تعبت الكلمة يا زغلول
ليست هناك تعليقات:
إرسال تعليق