تعظيم سلام
لكل اللى كان قدام
ف أول صف فالثوره
وتد و إمام
و نام واقف
فأول لجنه شعبيه
بكوم أحلام
و كان مؤمن
بإن الحنجره تكفى
لهدم نظام
و خانه المبدأ البمبى
بأول طلقتين خرطوش
و أول شب مات مبطوش
ف هذا العام
و قرر إنه حيكمل
فأول صف للآخر
و قال مهما الوطن يعجز
حكون قادر
و أصبح شوقه للدنيا
شعور فاتر
و أصبح فالميدان فارس
و بيبارز
رصاص الآلى بالملوتوف
و كان ثابت على المبدأ
و أصبح فالميدان معروف
و خانه الحظ شخصيا
فأول مره بالخرطوش
و من بعديها فقد الشوف
و تانى مظارهره برصاصه
ف رجله معادش حمل وقوف
و عاش عاجز فقلب البيت
بيسمع كل أخبارنا
و آخر مره بالتحديد
سمع إن إحنا إختارنا
مبارك بس وشه جديد
و هللنا و طبلنا
كإن الليله ليلة عيد
فا قال : مباقتش متعاطف
حقيقى ويا أى شهيد
عشان شهدائنا ف الجنه
مافيش بينهم و بين الله
حجاب فاصل
فِ أحسن حال
و نسيوا الحزن و الترحال
و مش داريين بشىء حاصل
أما أنا
بقيت عاجز و مش شايف
لكن سامع
بإن التضحيه وقعت
مابين تحصيل و بين حاصل
لكل اللى كان قدام
ف أول صف فالثوره
وتد و إمام
و نام واقف
فأول لجنه شعبيه
بكوم أحلام
و كان مؤمن
بإن الحنجره تكفى
لهدم نظام
و خانه المبدأ البمبى
بأول طلقتين خرطوش
و أول شب مات مبطوش
ف هذا العام
و قرر إنه حيكمل
فأول صف للآخر
و قال مهما الوطن يعجز
حكون قادر
و أصبح شوقه للدنيا
شعور فاتر
و أصبح فالميدان فارس
و بيبارز
رصاص الآلى بالملوتوف
و كان ثابت على المبدأ
و أصبح فالميدان معروف
و خانه الحظ شخصيا
فأول مره بالخرطوش
و من بعديها فقد الشوف
و تانى مظارهره برصاصه
ف رجله معادش حمل وقوف
و عاش عاجز فقلب البيت
بيسمع كل أخبارنا
و آخر مره بالتحديد
سمع إن إحنا إختارنا
مبارك بس وشه جديد
و هللنا و طبلنا
كإن الليله ليلة عيد
فا قال : مباقتش متعاطف
حقيقى ويا أى شهيد
عشان شهدائنا ف الجنه
مافيش بينهم و بين الله
حجاب فاصل
فِ أحسن حال
و نسيوا الحزن و الترحال
و مش داريين بشىء حاصل
أما أنا
بقيت عاجز و مش شايف
لكن سامع
بإن التضحيه وقعت
مابين تحصيل و بين حاصل
ليست هناك تعليقات:
إرسال تعليق