أتتني ... بقلم طه عبدالحميد

أتتني وفي يدها أعواد الثقاب
قالت هلُمّ إليّ أسقيك العذاب
هرعتُ إليها وعينايٙ مُغْمٙضٙةٌ
خوفاً عليّٙ أن أرٙها تُصاب
اشعلٙتْ ناراً وألقتني بها
وكأنها وسط الجحيم سراب
رأيتها مكلّلٙةً بالحُلِيّٙ كأنها
شيطانةً تهوا الشقاء ولا تهاب
هي تلك التي في الحلم تقتلني
وفي الحقيقةِ تهواني دون عتاب

رسالة حب روحية ... بقلم بسمة بدران

يوم ما ذات مساء ذات ليلة مقمرة ذات سماء صافية وقفت علي أعتاب مدينة الحب أطرق الباب لا تسألني عزيزي لما طرقته أظن أن رائحة روحك كانت تفوح من الداخل فأردت الدخول لإكتشاف ذاك الشذي العطر الذي طيب مسائي..
بينما أقف علي الباب إذ بي أجد المزيد من الأقفال فالمدينة موصدة بكل ماأوتيت من قوه
فلقد بناها العشاق علي مر العصور طوبة من عشقهم وطوبة من أرواحهم
أعتقد أنهم لن يقبلوا الدخول إلا بعد دفع الجزيه ألا وهي سلب قلبي وروحي
كنت أعلم بجزيتهم فلكم وكم سمعت عن أخبار سكانها وتغنيت بهم في قصائدي ولكن أعذرني كيف لي الصمود أمام رائحة روحك!
ظلت طرقاتي تنهمر علي الباب كسيل من قطرات المطر المتتاليه حتي انفتحت الأقفال
لا أعلم كيف انفتحت ربما بمفتاح عشقي وربما بمفتاح روحك لا يهم فالآتي هو ماجعل قلبي صبا.....
انفتحت الأقفال وأنفرج الباب نصف انفراجة وإذ بي أري
ياالهي من هذا! أري شعاع منبثق.. أشم شذي الليلك...أسمع سيمفونية حب ...أقرأ تعاويذ للسعاده...
ماذا! أهذا أنت!
بلي تلك الرائحة أعلمها فلكم تغنت بها حروفي
بلي تلك المعزوفه أعلمها فلكم رقص عليها قلبي
بلي تلك التعاويذ قرأتها من قبل في أحلامي فلكم تمنيتها
بلي هذا الشعاع أعلمه فلكم رأيته يمرق من بين أحجار حزني المتهالك..
ثم جلست تحت أقدامك أقدم فروض الإخلاص والحب وأغمضت مقلتي
جلست لأنعم بنعيم تراب أرض وطئتها يوما بقدميك
وأغمضت عيني لأبعث بروحي لروحك رسالة كتبتها بنبض قلبي ومداد حبي
تلك الرساله كانت تنص علي الآتي:
"أما بعد أحببتك قبل أن أراك
أما قبل فلم ولن أحب سواك"

هو انتى ليه .... بقلم عبدالرحمن بخيت

هو انتي ليه بتعيّطي كل امّا اقولّك : " لمّا اموت " ..
وانا مش بموت ..
غير لما تيجي تعيّطي !
متعيّطيش ..
إيه ذنب ليل رمشِك يسيح قبل النهار ؟!
إيه ذنب سمّاعْةِ الودان ؟!
تلمس دموعِك ذَبْذَباتها فتترعش أكتر كمان !
إيه ذنب أوتار الكمان ..
لمّا .. تشوف شَعرِك بيلمع م الدّموع ؟!
إيه ذنب شارع خدّك المليان بَراح ؟!
إيه ذنب سبّابةْ إديكي وهيّ بتحُوش البكا ؟!
إيه ذنب عود ..
أوتارُه بدأت في الغُنا وسمعِك كده ؟!
إيه ذنبها الدنيا اللي ل عْيونِك فِدا ؟!
إيه ذنب ناي بتشدِّي من جُوفُه الفضا ؟!
أو ذنب حد تعيّطي بْدمعِك عليه ..
سيبك بقا .. من كلِّ دا ..
أنا ذنبي إيه ؟!

على المختارِ ... بقلم عبدالرحمن الهلالى

على المختارِ ربُّ الكونِ صلَّى ..
وبالأخلاقِ في الدنيا تحلَّى
**
وقالَ اللهُ في الآياتِ عنهُ ..
على خلقٍ ، ليومِ الدينِ تُتلى
**
هو المبعوثُ للثقلينِ نورًا ..
كنجمٍ في الليالي قدْ تدلَّى
**
فضاءَ الكونُ من ظلماتِ جهلٍ ..
كأنَّ الوجهِ نورٌ قدْ تجلَّى
**
حوى الكلماتِ قد قيلتْ فصارتْ ..
حياةً عندَ من عاشوا كقتلى
**
بشوشُ الوجهِ جوَّادٌ صبورٌ ..
رحيمُ القلبِ للجناتِ دلَّ
**
تلقَّى في سبيلِ اللهِ سبًّا ..
وقدْ سالتْ دماءٌ منهُ سيلا
**
ولكنْ قالَ في صبرٍ دعاءًا ..
أن اهدِ اللهُ قومي ما تخلَّى
**
فداهُ أبي وأمي أو ونفسي ..
نبيُّ اللهِ من روحي لأغلى !
**
صلاةُ اللهُ وسلامٌ عليكم ..
بحجمِ الكونِ في الساعاتِ تُتلى

مش أبليس اوى

احمد ابوالعنين شاعر شاب له خط مميز جدا رغم صغر سنه وله بصمته ف الكتابه ..خلفياته الشعريه واضحه جدا لتلقيه معظم بحور الشعر ف قصور الثقافه ودهاليزها واحتكاكه بشعراء من الوزن الثقيل واللى ضجوا بحياة الفيس واختاروا ان يخدموا اللغه من منبرها الاساسى ...احمد نازل بديوان ف معرض الكتاب اسمه #مش_ابليس_اوى واللى فيه تجربه خام جدا ومفرداتها بتشاور بكل قوه على شاعر طالع بخطى ثابته عشان ياخد مكانه اللى يستحقه .....تابعوه وانزلوا اشتروا ديوانه لو عاوزين تدعموا الشباب المبدع بجد

الجواب الكامل .... بقلم أحمد مطر

- حبيبتى الجميله
بعد التحيه والسلام ..
كل الكلام ناقص كلام
كل الطرق متقفلّه ..
كل الاغانى مُوجعه
لسه عيونك مُشبعه
بتكّفى روحى وحدها
ومهمنيش كان مين ظلَم
لسه الكتابه مُهلكه ..
لسه القلم بيجيب ألم
وهدوئى أصبح نرفزه
عايش بدونك معجزه
مبقتش بحسب للى جىّ
نُص ميّت .. نُص حىّ
من يوم ما غيبتى وروحى دايمًا .. فـ البعاد متشتته
من يوم ما غيبتى وعندى فوبيا .. من يناير والشتا ..
من يوم ما غيبى عيونى تسأل .. ليه باعده روحك عنّها
من يوم ما غيبتى وكل حاجه .. فيه حته ماتت مِنّها
من يوم ما غيبتى وكٌلى ضغوط
وبموت مرات فـ اليوم وبموت
غريبه بعيد ، وسكنانى ..
فـ غيبى عنى أرجوكى .. يا وحشانى !
- مين اللى حَب الحُزن كارِه لأفراحنا
مين السبب إن احنا مطرَحنا ..
مين اللى سلم عزرائيل رُوحنا
ما تقولى مين ؟ ..
- فاكره المطر ؟
أخر مطر .. كُنا سوّا
غنينا فيه وسط الطريق
كان لحن يشبه ضحكتك
وعنيكى كانت مُبهره
تشهد علينا القاهِره
إنى بدونك مش بخير
وسط البلد والفضفضه
جُوّا الزحام موجود فضا
بيساع من العشاق كتير
كان كل شئ كان مختلف
أو كنتى غِير ..
كنتى البسيطه الطيبه
الماسكه فـ كتافى بجنون
كانت الشوارع وقتها تشبه لجنة ربنا
أو ضحكتك وقت الصفا
يا حتة الفرح اللى هاجرت أنا قلبى م الحزن اكتفى
والدنيا تافهه مزيفه
بتشبه علبة الميكياج
بتدارى فـ التجاعيد
وتدارى فـ الأوجاع
لكنى وجعى عظيم
وفـ قلبى حزن كظيم
والروح مبقتش تشبهنى
بكتبلك ..
برغم إن معدش بينّا شئ يُذكر
بكتبلك ..
والدوله شومه وحُكمها عسكر
بيقطعوا الجوابات
ويكمموا الأفواه
وبيهبونا الموت
وبيسلبونا حياة
بكتبلك يا حبيبتى بالعند فـ الحكّام
بكتبلك ومش عارف ..
هذا الجواب الكام ؟!

بيت كبير ... بقلم عمرو يحى

إنت يالى خدت قلبي م الزمان ومن اللى فيه ،
خدت قلبي لدنيا تانية أحلى م اللى حلمت بيه،
أحلى عُمر أنا عيشته جنبك والحنان عندك كتـــــير ،
هو فيه كده زيي قلبك لسه فيه فى الدنيا خـــــــير ...
عُمرى ما أنسى أنا قبلك كنت ف إيه ومعاك بقيت أنا إيه
أنا باقى ليك ولحد ما عُمرى ..
ينتهى هفضل ياحبيبي معاك وهعيش وأموت بَهواك
أنا ليا مين غيرك حبيب عُمرى ..
🎷🎸🎻
ياما عيشت أتمنى أقابلك ياللى زيك مش كتير،
مش مجاملة عشان بحبك ده أنت ليا حاجات كتير،
هى كان مرة هقابل حد بيحب بضميــــر،
حد عاش عُمره عشانى وقلبه ليا بيت كبيــــــــر..
عُمرى ما أنسى أنا قبلك كنت ف إيه ومعاك بقيت أنا إيه
أنا باقى ليك ولحد ما عُمرى ..
ينتهى هفضل ياحبيبي معاك وهعيش وأموت بَهواك
أنا ليا مين غيرك حبيب عُمرى ..