قصيدة : يا ام العيون متكحلة خِلقة ..... بقلم الشاعر محمد عبدالله

يا ام العيون متكحلة خِلقة ..
مكسوفة مني تبصلي سِرقة ..

عاشق جمالك ماشي و مُتيّم ..
سرحان لقتني بزحّف الطُرقة ..!

مفتوحة راسي وفيكي بتفكر ..
والفكرة حلوة وطعمها مسكّر ..!
ازاي قابلتك ولا فين شوفتك ..
بقى صعب بعد الوقعة أتذكّر ..

يا ام الورود ع الخد بتلاغي ..
الحزن جنب الحُسن بقي لاغي ..
صعب الشيطان يغريني بالتفاح ..!
المرة ديّا انا همشي بدماغي ..

ياللي الحروف وياكي عاشقة الرّص ..!
نازلة وكأنها جاية حافظة النص ..
انتي ابتسامتك لو كده عادة ..
قدام جمالك صعب اوقّف بَص ..!

انتي في جمالك كنت فين القي ..
يا ام العيون متكحلة خِلقة