سامحت كتير

سامحت كتير.....
وبرغم السماح قلبى
ف سجون الحزن
متوضى...بفرح اسير
انا مش وهم للواقع
انا حرف وافق بيدافع
عن الاحلام
انا انسان
معقود على طرف حريه
احزانى زار لاوليا
وصبر زمان
بحب خيال.....
وبتمنى..........
اقطع مسافات من الحكمه
وافهم مفهوم لغز الايام
عليا الظلم بيتدلى...
وبيفرد ريشه ويتحلى
وانا والحب سابينه...
يسخر من صبرى وحنينه
ومنيش غلبان.....
اقابل بالجفا جبروت
واقاتل فيه حتى الموت
واعود فايز بكل سكوت
لكنى سامحت
سامحت كتير.....