نطلع فاصل ... بقلم شعبان مكى

نفسي بجد أنا نطلع فاصل
إيوه شوية ننسي الدنيا
ننساها بكل حواديتها
و ب دوشتها و ب مرايتها
ننسي فيه المفروض و الحاصل
نفسي بجد أنا نطلع فاصل
مش عارفين إزاي نتواصل
و مش قادرين كمان نتعامل
مش ب إيدينا و لا ف عنينا
دمع يكفي و حيل يتعافر
و القلب ف الإتنين متحاصر
م كتر إنينه كتمت الصوت
بس لحد إمتي هكون قادر
أنا المقتول و لا أنا القاتل
و لا أنا اللي ف الموت بيماطل
لو إقدر كنت إطلع فاصل
و إحط بين قلبي فواصل
أنا عايش و لا أنا بكابر
شايف دمعي و برضه صابر
سامع جرحي و عامل غافل
إزاي يا قلبي تكون قافل
و أنا سامع صوتك م جوه
مدبوح و مكسور ب القوة
و حيطانك شرخت م الحاصل
صوتك و إنينك دول سامعني
واضحين بين الباب و الفاصل