لو عاوز تريّح دماغك .. عليك بإتّباع الآتي :
----
- فَضفَض لـِ الحيط ..
بيع الّلي يبيعَك و البَادِي
هوَّ اللي حَوِيط ..
إسأل عَ الناَسْ انتَ الأوَّل
بس ماتنساش ..
من بَعد ازّيك هَتفاجئه ..
بـِ ليه مابتسألش ؟!!!
- إهرَب مـِ الواقَع احسَنلَك
خلّيك فـِ القَلش ..
- اقفل تليفونك و إن سألوك
فـَ العيب فـِ الغالب " في الشبكات "
- البِس وِشّين بدّل فِيهُم
و الوشّ التالِت لـِ الأزمات
- هزّر اوقات الضحك " بسيط "
- هزّر أكتر اوقات الجَدّ ..
قرّب من الناس جدّا و اعمل
بينك و مابين اقرَبهُم سَدّ
- إعمِل بتحِب " مُنير " جدّاً ..
و بتفتح عينك على " فيروز "
- شوف أي مكان فاضي فـ قلبك
علّق يافطة .. و اكتِب مَحجُوز
- ايّاك عَقلَك مرّّة يهفَّك
و تخُش جِدَال مَع حَدّ كبير
- اسرارك تِرميها فـ وَرقك
كُل الاصحاب سادّين " البير "
- سيبَك من اي حوار جادّي
و اهتم بـ أي كلام فاضي
- كشّر لكن ورا باب اوضتك ..
و اضحك قُدام الناس .. عادي
- ابعد عن اي شعور ساذج ..
بيقولوا عليه فـ بلدنا الـ " حُب "
90 في الميّه من الاشخاص
اللي احنا بنعشقهم .. " فوتوشوب " !
----
- فَضفَض لـِ الحيط ..
بيع الّلي يبيعَك و البَادِي
هوَّ اللي حَوِيط ..
إسأل عَ الناَسْ انتَ الأوَّل
بس ماتنساش ..
من بَعد ازّيك هَتفاجئه ..
بـِ ليه مابتسألش ؟!!!
- إهرَب مـِ الواقَع احسَنلَك
خلّيك فـِ القَلش ..
- اقفل تليفونك و إن سألوك
فـَ العيب فـِ الغالب " في الشبكات "
- البِس وِشّين بدّل فِيهُم
و الوشّ التالِت لـِ الأزمات
- هزّر اوقات الضحك " بسيط "
- هزّر أكتر اوقات الجَدّ ..
قرّب من الناس جدّا و اعمل
بينك و مابين اقرَبهُم سَدّ
- إعمِل بتحِب " مُنير " جدّاً ..
و بتفتح عينك على " فيروز "
- شوف أي مكان فاضي فـ قلبك
علّق يافطة .. و اكتِب مَحجُوز
- ايّاك عَقلَك مرّّة يهفَّك
و تخُش جِدَال مَع حَدّ كبير
- اسرارك تِرميها فـ وَرقك
كُل الاصحاب سادّين " البير "
- سيبَك من اي حوار جادّي
و اهتم بـ أي كلام فاضي
- كشّر لكن ورا باب اوضتك ..
و اضحك قُدام الناس .. عادي
- ابعد عن اي شعور ساذج ..
بيقولوا عليه فـ بلدنا الـ " حُب "
90 في الميّه من الاشخاص
اللي احنا بنعشقهم .. " فوتوشوب " !
ليست هناك تعليقات:
إرسال تعليق