مفيش مانع .... بقلم محمد موسى

كلامي عن النضال باسمك
بقى محروق
بقى متعاد بقى ماسخ
بقى دلوقتى قله ذوق
بقيت مخنـــــــــــــوق
وانا الحلم اللى كان بايت
ف حضنك بس بيعانى
وبصرخلك عشان مشتاق
ومتلهف وبايعانى
لو انتى بجد كارهانى
مفيش مانع
كلامي معاكي
لا بينفع ولا شافع
دنا المتباع ف سوق حبك
بقيت بايع
قضيه لبستها جاهزة
وع التشطيب
وجيبتي شهود يدينوني
ف علم الغيب
طالما الليله انا هشيلها
وهدفع جمله المشاريب
هقولك كلمه .. ولا بلاش
بلاش احسن
بدل مايخون لسانى العيب