واقول انك ملاك من نور
واقول ان انتى بدر بدور
واقول القلب لو بيدور
هتبقيله المدار والدار
واقول ان انتى الف نهار
وواخدة الشمس من ضيك
هقول انك مفيش زيك
بنات حوا لو اتلموا فى ركن بعيد
وانتى بعيد
يضلم برضوا من غيرك
ووقت ما تظهري ف ليلك
يقولوا الشمس طلعت ليه
يا انسية يا بنت الإيه
ملكتى القلب والننى
وانا بوصف واقول انى
سكنت الجنة فى عنيكى
واقدم روحى قدامك فدا ليكى
ورغم ده كله انا سايبك وهمشي بعيد
ومهما الشوق فى قلبي يزيد
هيفضل قلبي برضوا عنيد
ويرفض انه يوم يرجع
صحيح حبك
لكن عمره ما يوم يركع
ليست هناك تعليقات:
إرسال تعليق