ف اتنفس سحرك ....... بقلم خيرى على

ف اتنفس سحرك ...........
على أد ما شهق عيونى
يشيل
تتغربل كل شروط
التيه
وأتوه
رغم انى الصالب طوله
فنار
واديا زى شواشى الارض
تلم نجوم
وكفوفى رسوم
على صهوة اقدم تاج
بتزوم
وحصارى براح
معصوم
لكنى ...
كأنى ..
سقيت الجزء الشارد فيا
خنوع
ونزفت جرائتى الطايحه
دموع
ولبست هواكى مصير
وقلوع
ومش دا الموضوع ..
الفكره افتكرت شهدك شهدت انك منك
خد الدنيا اتسقى ياسمين
والنور بيشوفك ف ينغمش خصلة شعرك
والغربه تحن
والشعر يخور
والفجر يزيح الليل والادهى الليل يتصفى بخور
والزرع يلازم خطاويكى
يحاوط فيكى
يتغلغل فيا شعور بالعدل
ودا شئ مش سهل
تتشبك احلامى سلاسل
واليأس عشانك يتفاءل
وعشان ما تشمى الورد الشوك ينهار
ياللى انتى كتايب م الاسرار
قلبى ...... هواكى