أعزائي مايكل و جيمي
أما بعد ...
.
وحشتوني جدًا جدًا ، ده كان أصعب شهر عدي عليّا في حياتي كلها ، عارفة إنها حاجة سخيفة إني أكتب لكم جواب و أنا مش عارفة هتقدروا تقروه إمتي !
أنا بس مش عاوزة أضيع يوم كمان من غير ما أقول لولادي إني بحبهم ...
.
هتفرحوا أوي لما تعرفوا إني بشتغل جامد جدًا عشان أرجعكم تاني ، رحت مليون إنترفيو في مليون وظيفة ، حتي عندي مقابلة في مكتب كبير كمان 3 أيام بس ، و عاوزة أطمنكم ...
قريب أوي هيكون ليّا وظيفة ثابتة ، مريحة و أجرها معقول
قريب أوي هؤجر لكم شقة مريحة و كبيرة تجمعنا تاني ، فاكرين الشقة اللي علي طريق المدرسة اللي كنتم بتتمنوها ؟
كل واحد فيكم هيبقاله أوضة لوحده ، هتكونوا مبسوطين في المكان اللطيف ده أكتر من المكان المخيف اللي كُنا فيه
.
عاوزة أقولكم إني آسفة ... آسفة علي كل حاجة ، هكون حريصة أوي أنسيكم الفقر اللي كنا عايشين فيه
مايكل حبيبي ، إنت يادوب أهو هتكمل 11 سنة ... عارفة إنك حسيت بالفقر و قسوته و مش هتنساه بسهولة ، بس جيمي ... أنا فاكرة يا حبيبتي يوم ما رجعتي من المدرسة معيطة عشان البنات زمايلك إتريقوا عليكي عشان بتلبسي نفس الهدوم كل يوم
أنا آسفة ... آسفة إني خذلتكم كتير أوي
بس أنا بحبكم ، بحبكم أكتر من أي حاجة و أكتر من كل حاجة
صدقوني مش قادرة أستني لما الأمور تتصلح عشان نرجع سوا تاني
.
كان عندي وقت كتير هنا عشان أفكر في الأمور بهدوء من غيركم ، عارفة إن ده مش مبرر ، بس أنا كمان كنت فقيرة و أنا صغيرة ، و أنا صغيرة قلت لا ، أنا لما أخلف هكون أفضل أم و مش هخلي ولادي يكبروا في فقر
و مقدرتش أوفي بالوعد ده ، أنا خرجت من المدرسة الثانوية عشان كنت حامل فيك يا مايكل ، كنت أجمل حاجة حصلت في حياتي كلها
فضلت كده لحد ما أختك الصغيرة جت بعدك بخمس سنين ، و ساعتها بقي عندي شمس و قمر
وحشتوني أوي !
.
إمبارح و أنا مروحة شفت حد بيبع حاجات علي الرصيف ، جبتلكم حاجات حلوة أوي ، جيمي أنا جبتلك بطانية صوف لونها بمبي و شكلها حلو أوي عشان تدفيكي ، و مايكل أنا جبتلك مجموعة لعب و شخصيات ستار وورز ، عارفة إنك ذكي جدًا و هتقدر تلعب بيهم كويس ، جبتهم بأربعة دولار ، بصراحة زعلت من نفسي ، أنا مش عاوزة أصرف أي فلوس ، أنا بحوش أي بنس يجيلي عشان أقدر أجيبلكم الشقة ، بس بصراحة ... مقدرتش أقاوم
أنا مش بخيلة ، بس إنتم نمتوا في ليالي كتير و إنتم يتعيطوا من الجوع ، قلبي مش هيستحمل ده تاني ، لازم أوفر كل بنس ييجي عشانكم
.
عاوزة أطمنكم كمان ، إمبارح جبت شركة الحشرات و رشوا الأوضة عشان الحشرات اللي كانت بتقرصني و أنا نايمة ، رشوا و طهروا كل هدومكم و لعبكم
علي الرغم من إنكم لما هترجعوا هترجعوا لمكان أكبر و ألطف من الشقة دي ، بس برضه لازم أطهر لعبكم و هدومكم ، إنتم أولادي
.
بدور علي شقة تكون قريبة من المدرسة زي ما قلتلكم ، عارفة إنكم بتكرهوا الأوتوبيس اللي كنا بنركبه كل يوم لمدة ساعتين عشان نروح المدرسة من البيت القديم ، كان ممكن أغيرلكم المدرسة بواحدة أقرب ، بس إنتم أذكيا و تستاهلوا مدرسة كويسة عشان تنمي مهاراتكم ، سمعت عن شقة حلوة في مجمع سكني ممتاز علي بعد 3 مباني من مدرستكم ، تخيلوا ... المجمع السكني فيه حمام سباحة !
مش قادرة أصبر لحد ما أوريهالكم ، أوعدكم ... هنكون مبسوطين أوي هناك ...
.
لما تيجوا هنروح نجيب الأكل اللي بتحبوه من المطاعم اللي بتحبوها ، هجيبلكم كل حاجة نفسكم فيها ، مش هنقبل هدوم و لا هدايا قديمة من حد تاني
مش قادرة أصبر لحد ما أوفرلكم كل حاجة تستاهلوها
مش قادرة أصبر لحد ما أكون لكم الأم اللي تستاهلوها
.
عارفة إني وعدتكم إني هرجع لكم خلال سنة ، عارفة إني طولت شوية ، بس أنا بقالي سنة و نص بدور علي شغل مريح يخليني أقدر أوفي بوعودي معاكم
أنا عارفة إنكم مش هتزعلوا مني ، أنا بعمل كده عشان أكون أم كويسة ، بعمل كده عشان إنتم تستاهلوا مني كده
.
يا رب تكونوا نمتوا كويس ، بحاول مدخلش أوضتكم كتير ، الرغبة إني أفتح الفريزر الكبير و أبص عليكم و إنتم نايمين جواه أقوي مني ، خايفة أفتح الفريزر كمان عشان مبوظش حاجة ، أنا كنت قريت قبل كده إن التجميد هو أحسن حل ، معرفش إيه التفاصيل بس أنا متأكدة إني إتصرفت صح ، عارفين ...
أنا مبسوطة إني إفتكرت إن جدكم كان عنده فريزر ضخم في الكابينة القديمة بتاعته
.
خلاص يا أولاد ، كمان 3 أيام هستلم الشغل أنا متأكدة و ساعتها هاجيلكم ، هفتح الفريزر و أخرجكم ، هصحيكم
أنا محظوظة أوي إن عندي ملايكة زيكم ...
بحبكم ...
.
ماما !
أما بعد ...
.
وحشتوني جدًا جدًا ، ده كان أصعب شهر عدي عليّا في حياتي كلها ، عارفة إنها حاجة سخيفة إني أكتب لكم جواب و أنا مش عارفة هتقدروا تقروه إمتي !
أنا بس مش عاوزة أضيع يوم كمان من غير ما أقول لولادي إني بحبهم ...
.
هتفرحوا أوي لما تعرفوا إني بشتغل جامد جدًا عشان أرجعكم تاني ، رحت مليون إنترفيو في مليون وظيفة ، حتي عندي مقابلة في مكتب كبير كمان 3 أيام بس ، و عاوزة أطمنكم ...
قريب أوي هيكون ليّا وظيفة ثابتة ، مريحة و أجرها معقول
قريب أوي هؤجر لكم شقة مريحة و كبيرة تجمعنا تاني ، فاكرين الشقة اللي علي طريق المدرسة اللي كنتم بتتمنوها ؟
كل واحد فيكم هيبقاله أوضة لوحده ، هتكونوا مبسوطين في المكان اللطيف ده أكتر من المكان المخيف اللي كُنا فيه
.
عاوزة أقولكم إني آسفة ... آسفة علي كل حاجة ، هكون حريصة أوي أنسيكم الفقر اللي كنا عايشين فيه
مايكل حبيبي ، إنت يادوب أهو هتكمل 11 سنة ... عارفة إنك حسيت بالفقر و قسوته و مش هتنساه بسهولة ، بس جيمي ... أنا فاكرة يا حبيبتي يوم ما رجعتي من المدرسة معيطة عشان البنات زمايلك إتريقوا عليكي عشان بتلبسي نفس الهدوم كل يوم
أنا آسفة ... آسفة إني خذلتكم كتير أوي
بس أنا بحبكم ، بحبكم أكتر من أي حاجة و أكتر من كل حاجة
صدقوني مش قادرة أستني لما الأمور تتصلح عشان نرجع سوا تاني
.
كان عندي وقت كتير هنا عشان أفكر في الأمور بهدوء من غيركم ، عارفة إن ده مش مبرر ، بس أنا كمان كنت فقيرة و أنا صغيرة ، و أنا صغيرة قلت لا ، أنا لما أخلف هكون أفضل أم و مش هخلي ولادي يكبروا في فقر
و مقدرتش أوفي بالوعد ده ، أنا خرجت من المدرسة الثانوية عشان كنت حامل فيك يا مايكل ، كنت أجمل حاجة حصلت في حياتي كلها
فضلت كده لحد ما أختك الصغيرة جت بعدك بخمس سنين ، و ساعتها بقي عندي شمس و قمر
وحشتوني أوي !
.
إمبارح و أنا مروحة شفت حد بيبع حاجات علي الرصيف ، جبتلكم حاجات حلوة أوي ، جيمي أنا جبتلك بطانية صوف لونها بمبي و شكلها حلو أوي عشان تدفيكي ، و مايكل أنا جبتلك مجموعة لعب و شخصيات ستار وورز ، عارفة إنك ذكي جدًا و هتقدر تلعب بيهم كويس ، جبتهم بأربعة دولار ، بصراحة زعلت من نفسي ، أنا مش عاوزة أصرف أي فلوس ، أنا بحوش أي بنس يجيلي عشان أقدر أجيبلكم الشقة ، بس بصراحة ... مقدرتش أقاوم
أنا مش بخيلة ، بس إنتم نمتوا في ليالي كتير و إنتم يتعيطوا من الجوع ، قلبي مش هيستحمل ده تاني ، لازم أوفر كل بنس ييجي عشانكم
.
عاوزة أطمنكم كمان ، إمبارح جبت شركة الحشرات و رشوا الأوضة عشان الحشرات اللي كانت بتقرصني و أنا نايمة ، رشوا و طهروا كل هدومكم و لعبكم
علي الرغم من إنكم لما هترجعوا هترجعوا لمكان أكبر و ألطف من الشقة دي ، بس برضه لازم أطهر لعبكم و هدومكم ، إنتم أولادي
.
بدور علي شقة تكون قريبة من المدرسة زي ما قلتلكم ، عارفة إنكم بتكرهوا الأوتوبيس اللي كنا بنركبه كل يوم لمدة ساعتين عشان نروح المدرسة من البيت القديم ، كان ممكن أغيرلكم المدرسة بواحدة أقرب ، بس إنتم أذكيا و تستاهلوا مدرسة كويسة عشان تنمي مهاراتكم ، سمعت عن شقة حلوة في مجمع سكني ممتاز علي بعد 3 مباني من مدرستكم ، تخيلوا ... المجمع السكني فيه حمام سباحة !
مش قادرة أصبر لحد ما أوريهالكم ، أوعدكم ... هنكون مبسوطين أوي هناك ...
.
لما تيجوا هنروح نجيب الأكل اللي بتحبوه من المطاعم اللي بتحبوها ، هجيبلكم كل حاجة نفسكم فيها ، مش هنقبل هدوم و لا هدايا قديمة من حد تاني
مش قادرة أصبر لحد ما أوفرلكم كل حاجة تستاهلوها
مش قادرة أصبر لحد ما أكون لكم الأم اللي تستاهلوها
.
عارفة إني وعدتكم إني هرجع لكم خلال سنة ، عارفة إني طولت شوية ، بس أنا بقالي سنة و نص بدور علي شغل مريح يخليني أقدر أوفي بوعودي معاكم
أنا عارفة إنكم مش هتزعلوا مني ، أنا بعمل كده عشان أكون أم كويسة ، بعمل كده عشان إنتم تستاهلوا مني كده
.
يا رب تكونوا نمتوا كويس ، بحاول مدخلش أوضتكم كتير ، الرغبة إني أفتح الفريزر الكبير و أبص عليكم و إنتم نايمين جواه أقوي مني ، خايفة أفتح الفريزر كمان عشان مبوظش حاجة ، أنا كنت قريت قبل كده إن التجميد هو أحسن حل ، معرفش إيه التفاصيل بس أنا متأكدة إني إتصرفت صح ، عارفين ...
أنا مبسوطة إني إفتكرت إن جدكم كان عنده فريزر ضخم في الكابينة القديمة بتاعته
.
خلاص يا أولاد ، كمان 3 أيام هستلم الشغل أنا متأكدة و ساعتها هاجيلكم ، هفتح الفريزر و أخرجكم ، هصحيكم
أنا محظوظة أوي إن عندي ملايكة زيكم ...
بحبكم ...
.
ماما !
ليست هناك تعليقات:
إرسال تعليق