وليه تِهتَّم يا مُهتم .... بقلم وحيد محمد

وليه تِهتَّم يا مُهتم
بناس كان هَمَّهَا تهِمَّك .. !!
وليه ليلك بينزف هَّم
مكان دَّم اتحرق منك ..!!
وليه بتعيش عشان اموات
وليه بتموت ما هُم عايشين
ومين قال كل مخلوق حَّى
اساسى يكون بنى ادمين !!
وليه تحزن على مخاليق
فَرَحهُم بس وانت حزين !!
وليه تسمح ف يوم ليهم
يسِنُّوا لـ عِشقك القوانين !!
ومتقولش اصلى حبيتهُم ....
ده لو حبوك من الاول ..
ف ليه عايش ف وسطيهم
كما مُذنب ف جنتهم !!؟؟
تغور جنة معاليهم ..
مادام شرط الدخول فيها
وجع روحك فـ صُحبتهُم ..